نسيت الفرحة

سمعت كتير عن كلمة فرحة
وحلمت اقابلها ولو لليلة
عشت ليالى كتير استنى
و ف النهاية بشوف احزانى
جاية تغيظ فيا و تتمنى
تتعب قلبى و تشغل بالى
فضلت كتير و كتير اتمنى
تيجى الفرحة تغير حالى
لكن قلبى ازاى راح يسمح
بدخول حاجة نسى معناها
اصلة خلاص من بدرى استحمل
نار احزانة و سهرة معاها
قلبى خلاص على قدرة اتعود
و دموع عينى حفرت مجراها
خلاص راح انسى كلمة فرحة
و من احلامى كمان همحيها
لكن قلبى مازال متعلق
بقشاية ف نهر دموعى
بس انا عارفة مسيرة هيغرق
و يناديها يا فرحتى عوووووودى

بقلمى




انا اسفة يا جماعة على التشاؤم دة ...............محدش يتدايق باة

اولا انا اسفة جداااااااااااااااااااااااااااااااااااااااا انى دايقتك بالقصيدة دى ............................ثانيا ثانكس على زؤك و انها عجبتك بس حضرتك بتبالغ لان انا مش واخداها هواية انا بس ساعات بخرج احساسي اما اكون ف مود معين بحاجة بكتبها و لان المود بتاعى و الحمد لله متقارب دايما ف هتلاقى ان اى حاجة كتبتها بتبقى فيها نبرة الحزن دي و اعزرنى بجد يا دكتور...................و طبعا نورت التوبيك بمرورك

طيب الحمد لله انك متدايقتش ...............و هحااااااااااااااول اغير المود بس موعدكش

هههههههههههههههه هتبقى كسبت فيا ثواب و الله يا دوك...........................ان شاء الله هبقى متفائلة و الحمد لله على اى حال