اعمل ايه لوحسيت انى نسيت الى مذكراه

السلام عليكم
يا احلى واروع اخوات فى الله
بجد يا جماعة هو بعد ما بذاكر بحس انى نسيت الحاجة ده طبيعى بس بقول ما انا فهمته ان شاء الله لما اذاكرها مرة تانى هتثبت صح كده ولا غلط
والسيتولوجى خاصة معنه ساهل بس مش عارفة والله ويا جماعة الكتاب راطط بالهبل ودكتور ياسر فى المحاضرة مختصر احفظ انهى لانى احترت واله هو اكيد الى بيبسط اختصار دكتور ياسر وبيخلى المعلومة سهلة جزاه الله كل خير لكن الى فى الكتاب اه نظامه
وجزاكم الله كل خير ويا رب يكرن امة الحبيب عليه افضل الصلاة والسلام اجمعين
السلام عليكم

السلام عليكمبالنسبه للهستولوجى هى كلها رسومات واكتبى الاختصارات بتاع د ياسر وبالتوفيق

ههههههههههههههههههههه
ميرسى جداجدا لحضرتك يا دكتور بس على فكرة انا فى جامعة سوهاج وبيدينى دكتور محمد نبيل ودكتور ياسر مش دكتور جمال ومفيش ورق ولا حاجة الحمد لله وبذاكر من محاضرات دكتور ياسر والكتاب وميرسى جدا جزاك الله كل خير وربنا يوفق حضرتك دائما ان شاء الله

ميرسى جدا لحضرتك يا دكتور على نصيحة حضرتك وجزاك الله كل خير على مرورك الطيب وان شاء الله طبعا هعمل بنصيحة حضرتك وان شاء الله خير

انا هقولك حاجة اللى تخافى منه مييجيش احسن منه وبردو اقولك اهم حاجة الرسم والله وربنا يوفقك يا رب

طبعا هما الدكاتره لمولك الموضوع بس احب اوضح انى فعلا النسيان ده حاجه عاديه جدا هوه طبعا يمكن علشان انتى فى اولى فحاسه انك ناسيه غير ايام الثانويه العامه وتحسى انى العيب منك بس احب اطمنك انى مفيش عيب ولا حاجه لانها مجرد فتره انتقاليه من الثانويه للكليه وده نظام وده نظام مختلف فاطمنى خالص بس اهم حاجه انك تفهمى فى كل ماده المطلوب منها ايه بالظبط وانا هقولك امثله
اولا الهستولوجى :- كنا نسمع زمان واحنا طلبه جمله مشهوره بتقول لو رسمت وكتبت البيانات كامله بتجيب جيد جدا لكن لو حطيت كلمتين نظرى تحتهم بتجيب امتياز وبسهوله فانا من وجهه نظرى انك تلتزمى بكلام الدكاتره فى المحاضرات بس اهم حاجه الرسومات يعنى من الاخر مفيش سوال غير لما ترسمى
وملحوظه فى الامتحان ارسمى الرسمه الاول قبل ما تتكلمى عليها لانى الرسم هيفتحلك كلام كتير قوى وهيفكرك بالى ناسياه
وطبعا اسئله الامتحانات تكون جنبك وتقريبا الدكتوره وسام نزلت مذكره امتحانات فى المنتدى ممكن تنزليها وتستفيدى منها لانك هتلاقى اسئله بتتكرر كل سنه وهيه فى غايه الاهميه
ثانيا التشريح :- وبرده هتلاقى راس السوال فى الامتحان بيقولك مع الرسم لو امكن ومعناه انك برده حاولى تكونى حريصه على الرسم بالبيانتا ومتنسيش انى فى اسئله نظرى بتيجى من العملى وبتكون درجتها مضمونه
ثالثا البيو :- هتلاقى راس السوال يقولك اشرحى مع كتابه الفورميلا ودى غايه فى الاهميه يبقى تحالوى تكتبى الفورميلا وتكتبى كلام عليها وحاولى توصلى لطريقه سهله لحفظهم يعنى اربطيهم ببعض ومثال لكده هتلاقى مثلا الجلوكوز زى الفركتوز بس الفرق اول كربونتين بس وهكذا علشان تفتكريهم وبرده مذكره الامتحانات نزليها لانى الدكاتره هما هما بتوع سوهاج تقريبا ورئيسه القسم واحده وهيه الدكتوره تحيه
"وفى اخر مذاكرتك قولى دعاء عدم النسيان "اللهم إني إستودعتك العلم الذي علمتنيه فرده إلي عند الحاجه

بجد مش عارفة اشكركم ازاى جزاكم الله كل خير وربنا يوفقكم يا رب ويكرمكم بما تحبوا وترضوا وبجد شكرا جداجداجدا لحضرتك دكتور محمد صلاح بجد جزاك الله كل خير واكرمك بما تحب وترضى بجد وضحت لى كل شى شكرا جدا جزاكم الله كل خير
بجد شكرا جدا لحضرتك يا دكتور محمد على الدعاء الرائع ده كنت محتاجاه اوى
اعزكم الله

ميرسى جدا ربنا يخليكى يا وسام حببتى بس معلش هى امتحانات 2008 فى اى قسم وجزاك الله كل خير وبجد ربنا يخليكى معلش بتعبك معايا

هتلاقيهم فالمنتدى البيطرى العام بس انتى مقلتيش عايزه مذكرة الامتحانات بتاعت قنا ولا ايه
وايه المواد اللى انتى عايزاها ؟؟؟؟؟؟؟؟؟

حببتى وسام -

حببتى لو هتعبك عشان تجيبيهم خلاص حببتى والله بجد ولا تتعبى نفسك اما لو مش هيتعبك انك تجيبيها فاحنا تقريبا زى قنا بالضبط لانى الدكترة عندنا من قنا وقالوا انه نفس المنهج والله اعلم بس احنا بناخد تشريح وهستولوجى والبيو ودول الى انا متاكده انى كتبهم فى قنا هى نفسها كتب سوهاج وبجد حببتى لو هتتعبى بلاش بجد يا وسام ماشى حببتى
ربنا يوفقك ويكرمك بما تحبى وترضى
ميرسى جدا
السلام عليكم دكتور الفارس المقنع
بجد جزاك الله كل خير بجد ميرسى جدا لحضرتك وطبعا ان شاء الله انا واصحابى ناخد بنصيحة حضرتك وميرسى جدا يا دكتور جزاك الله كل خير وربنا يكرم حضرتك بما تحب وارضى