بيطرى بعد الثـــــــــــــــــــــــــــوره

تذكير بمساهمة فاتح الموضوع :

اهلا بشمس الحريه والامل اللى كسرت اشعتها الضباب وطلت علينا بعد مكنا قربنا ننسى نورها
مش حان الوقت ان يكون فى قوافل اكتر ونشوف حالات اكتر ده المفروض اننا كليه عمليه وزى العاده لو السبب الميزانيه , يتنازلو بجزء من ملايين بتتصرف على الملتقى , ومش حرام ان المعيدين يدفعوا من جيوبهم للمعامل ولرسالاتهم وفلوس الجامعه ضايعه فى العود والكامنجه وعروض الملتقى؟

بصراحة عندك حق في كل اللي قلتي
بس انا من وجهة نظري ان الحاجات دي كلها احنا اللي لازم نتعب ونحققها
لان ما فيش حد بيهمه مصلحة حد تاني
فلازم نتعب شوية ونزن شويتين علي راس المسئولين في الكلية واهو
الزن ع الودان امر من السحر
والخطة كالاتي
من دلوقت كل واحد يقلد دور الزنانة
سواء ع المعدين او العميد او الوكيل "عايزين نطلع قوافل"
وياريت لو الولاد يعلقو يفط نرجو الالتزام بالجدول ده طبعا لان هما مالهمش في الزن
وفي السكشن كل واحد يغلس ويقول عايز اشتغل

ززززززززززززززززززززززززززززز عايز .. أشتغل ههههههههههههههههههههههههههههههههههههه

ملك روحى كتب: وانا من رايى مادام فيه بعض الاختلافات البسيطة بين الاولاد والبنات حددوا ميعاد معين فى الكلية تتجمع فيه الدفعة كلها وكل واحد يقول مشكلته بكل احترام ونحاول نكون متعاونين اكتر ونظبط امورنا

بجد بحيى حضرتك يا دوك ملك ع الفكرة الجميييييييييييييييييييييييييييييييله اوى اوى دى

بسم الله الرحمن الرحيم
عجيب جدا وجميل اللى عملوه شباب مصر وغيروا السئ للأحسن صحيح مشاركناش معاهم بس هما كانوا القلب النابض واحنا الشرايين الصغيره اللى كانت بتستفيد من نبضهم وكل مصرى كان بيشاركهم الأمل والدعاء حتى لو حائل الوقت والمكان منعه من مشاركتهم .
بس الأعجب من كده ان اقتراح بسيط من صميم حقوقنا يتحول الردود عليه لخلاف بين ولاد وبنات وميكرسكوبات.......................
هههههههههه واضح ان قبل جنى ثمار التغيير محتاجين تلاتين سنه تغيير للثقافات وطريقة الحوار................................ وربنا يسهل

لا لا لأ .. لاعجيب ولا حاجه .. انت بس تلاقيك مش شايف أسمك .. رغيف فينو هههههههههههههههههههه
قووووووووول بووولوووبيف .. وأحشيلك رغيييييييييييييييييييييف .. يا فينو أنت