بيطرى بعد الثـــــــــــــــــــــــــــوره

تذكير بمساهمة فاتح الموضوع :

اهلا بشمس الحريه والامل اللى كسرت اشعتها الضباب وطلت علينا بعد مكنا قربنا ننسى نورها
مش حان الوقت ان يكون فى قوافل اكتر ونشوف حالات اكتر ده المفروض اننا كليه عمليه وزى العاده لو السبب الميزانيه , يتنازلو بجزء من ملايين بتتصرف على الملتقى , ومش حرام ان المعيدين يدفعوا من جيوبهم للمعامل ولرسالاتهم وفلوس الجامعه ضايعه فى العود والكامنجه وعروض الملتقى؟

هى الفكرة دى حلة فى حاجة واحدة ان المعيدين اللى فى الكلية اغلبهم رجالة
وكمان عدد الطالبات اكبر فهيطروا ياخدوا اكبر عدد من الطالبات كمعيدين

ماشى يا دوك .. شدى حيلك انتى بس .. وربنا معاكى أن شاء الله

هههههههههه على فكرة انا توقعت كدا برضو و الله بس متخيلتش انهم هيطاوعوا الشخص دة و يا خدوها جد كدا على العموم يا خبر اناهردة ب 5جنية بكرا يبقى ب 3 الا ربع ههههههههههههههههه

ناس فاضيه ورااقيه ومش لاقين حاجه يعملوها واحنا بروح نتعلم واللى عاوز يتعلم يتعلم
فى اى مكان ومع اى شخص المهم انه يتعلم مش يفكر انه معانا بنات ولا لا الانسان المحترم
يجلس مى اى شخص وهيفضل محترم وانا ع ما اظن انه صاحب لاقتراح هذا انه انسان معقد ومش لاقى اللى يعبره

هههههههههههههههه والله عنكووووووووو حق يا دكاترة

انا عايزة اقول ان المفروض نستفيد من الثورة
يعني نشتغل صح بقي وننتج ونبطل شغل التهريج
يعني احنا كبار وكل واحد دلوقتي المفروض يفكر بعقله
وما ينفعش نتكلم كده وخلاص وكل واحد يقترح اقتراحات غريبة
لان الوضع مش مستحمل وماينفعش ان احنا نعقده بزيادة
وكل اللي ليه نفس في حاجة يستحمل شوية ما احنا مستحملين لينا 20 سنه
وبعدين النظام ده هيجي مننا يعني بعد كده في المراجعات نتفق علي نظام
وطالما في احترام كل حاجة هتعدي
وربنا يهدينا ويصلح حالنا

عندك حق يا دكتورة صفا
بس كان عندي تعليق علي جملة اتقالت
الدكتور تريكة قال
"بس مشكلتنا ياجماااعه احنا بتبقا ايام المراجعه تلاقى مثلا بنات كتيير ع ميكرسكوب والولاد طبعا هتنكسف انها تروح "
هو طبعا الوضع ما كانش كده خالص
والمشكله كانت العكس كمية السخافة اللي شفناها من ناس كتيييييييييييييير
والاستظراف وقلة الذوق
فانا دلوقت بقول يا ريت كل واحد يراجع نفسه تاني

موقف؟؟؟؟؟؟؟؟؟؟؟؟؟؟ ههههه
دي مواقف كتيرة
يعني مثلا يكون فيه بنات ع الميكروسكوب
يروح دكتور محترم يكون عايز يبص في الميكروسكوب
يقوم ينده شلته العجيبة والغريبة"اللي مش جايه تبص اصلا لانها بتصور"
ويقفو ع الميكرسكوب والبنات بقي تضايق وتسيب الميكرسكوب
ده غير الكلام الغريب واللي ما يصحش يتقال في الحرم الجامعي اللي كنا بنسمعه

هدوا اعصابكم يا دكاترة الامور ما تتاخدش كده
وبعدين احنا خلاص هنتغير للاحسن ان شاء الله وبعدين القرار امبارح مش هيتنفذ يا جماعة
عايزين نشوف مصلحة الدفعة ونقرر هنعمل ايه يعنى نطالب بقوافل نشتغل عملى فى سكاشن التخدير
حكاية الميكرسكوبات كان فيها فيها لخبطة وعدم تنظيم فعلا يعنى بس ده يرجع لعدم توفر الوقت كنا بنطر بنقى كانا على ميكرسكوب واحد علشان نشوف الشريحة قبل ما تتغير

علي فكرة حضرتك ما فهمتنيش
اناا قصدي انه بيندهم في الوقت ده كا اسلوب تطفيش
كانهم عايزين يبصو علي الرغم من انهم بيكونوا مصورين اصصلا وبعد ما البنات تمشي
ملبيشوفوش الميكرسكوب
بيسيبو حضرته يبص وبعدين يتكلو كلهم
وعلي فكرة انا بتكلم عن ثقه لان شفت الموقوف ده واتكرر قدامي كتير
ويمكن علشان كنت بعيده عن الميكرسكوب شفت الموضوع بوضوح
وعلي فكرة في ناس كتير بتتفق معايا في اللي حصل
ولو حضرتك شايف الن الشله العجيبة الغريبة هي اللي بتدينا الصور
ف ميرسي ليها ع الصور

مافيش تخبيط ولا حاجة يا دكتور
وبعدين انا قلت الموقف اللي شفته واللي حصل قدامي
ودي حاجة ما تزعلش حد
وبعدين لو حضرتك شايف ان الشلة اللي تعرفها ما بتعملش كده
يبقي اكيد دي شلة تانية

انا من رايى ان موضوع الميكروسكوبات ده السبب فيه احنا
لان دايما الدكتور بيقول بالسكاشن واحنا اللى مش بنرضة
علشان الوقت وكمان عدد الدفعة كبير فاكيد الواحد مش هياخذ
حريته فالحكاية مش حكاية بنات واولاد طب ما كان فيه بنات
بتتخانق مع بعض

احب اقول لدوك ترى انا كلام تريكه من وجهت نظرى المتواضعه .. سليم جدا جدا .. لكن ف النهايه بشكر حضرتك انك فهمتى وجهت نظر تريكه .. وهى ان النقد يا ريت .. يبقى باسلوب اشيك من كده شويه .. وبأمل ان كلنا نحاول نعمل كده .. و للناس اللى حضرتك وصفتيهم بالسخافه والهرجله .. انك قلتيلهم ميرسى فأنا بأحيى سيادتك على دا.. لأن اكييييييد فعلا ف ناس كتير ف الدفعه بتاعتنا دى .. ممكن يكون ليهم فضل علينا.. واحنا مش حاسين بكده .. بس والله الناس دى لازم نرفع لهم القبعات .. وبعدين بالنسبه للزحمه يعنى .. اكيد بحكم ان حضرتك بنت .. ممكن تلاقى الرخامه والغلاسه دى ف اى حته ف التاكسى ف الميكروباص ف الاتوبيس .. وحضرتك اكدتى أن الموقف ده مش حصل مع حضرتك بصورة شخصيه .. فيا جماعه كل اللى حصل ده .. بسبب الانقصام الرهيب اللى ف الدفعه عندنا .. بين الولاد والبنات ف حد ذاتهم بصفه خاصه .. وبين الدفعه ككل بصفه عامه .. عايزين نحاول ان يبقى ف علاقات دبلوماسيه بين الصرفين .. يعنى يبقى ف حتى مندوب ولو واحد بس من كل طرف .. بحيث ان قرار واحد بس زى قرار الزميل الفاضل ده واللى هو اخدووو لوحده .. يعمل فينا كل ده .. مينفعش الكلام ده خالص

وانا يا سيدى اول واحد اشهدلك ,, وابصملك بالعشرة كمان انك مش بتتأخر عن اى حد يطلبك ف حاجه يا عم تريكا
بس لاحظ انك بتتكلم ع النطاق الشخصى .. احنا عايزين الناس كلها تعامل بعضها بحسن نيه .. ومش ف داعى للتشكيك ف ذمه الناس .. عايزين لما يبقى ف مشكله .. يبقى الناس كلها مش تفكر ف مصلحتها وبس .. احنا بنتكلم بمنطلق المصلحه العامه للدفعه بتاعتنا .. وبعدين دا حتى ربنا قال ويؤثرون على أنفسهم ولو كان بهم خصاصة
واكيد انتو عارفين ان ياما مواقف حصلت .. انا ف غنى عن الكلام عنها دلوقت .. كان كل واحد بيقول فيها يلا يا نفسى طب ليييه .. يعنى المفروض أن انا .. اشوف فين مصلحه اخويا او اختى واعملها وبدون اى تردد .. وبكده اعتقد اننا هنبقى احلى دفعه ف الكليه دى كلها

اهدوا يا جماعة
هدوا اعصابكم
احنا دفعة واحدة وكلنا فى مركب واحدة يعنى نشوف مصلحة الدفعة فين ونعملها
اما بالنسبة للدكتورة تراى هى اكيد ما تقصدش حاجة يا دوك
هى يمكن شافت موقف وعصبها خلاها تقول ده كله بس ما كنش قصدها تغلط فى شلة اى حد يا دوك
ياريت بقى نتبه لمصلحة الدفعة

انا رايي كده برضه يا جماعه
وشايفة انها طرحت قضية للنقاش
وهو التعاون في الدفعة وبتفق مع دكتور checkmate
في ان احنا نبدا نحترم بعض شوية