جوجل......... البحث العربى أم الأجنبى

من طرف **د/على نور** الخميس 12 أغسطس 2010, 9:07 pm

هي لعبة طريفة قد يحب الجميع المشاركة فيها..أكتب حرف أو حرفين
في مستطيل البحث في Google .. لتجد مساعدات نبي الله جوجل (على حد قول د.
يحيى الرخاوي) لــ أكثر الكلمات المكملة لحروفك انتشاراً على الانترنت..
هذا
قد تعتبره مؤشراً لتعرف فيمَ يفكر العرب..وبالتالي عمَ يبحثون.. حسب كل
حرف..
مثلاً..
لو كتبت حرف
أ
أول كلمة هتطلعلك كاقتراح هي..
"ألعاب"

(وده
اللي بيأكد إن شعبنا العربي هايف جداً .. مش تحقير للألعاب لا سمح الله ..
بس لما تكون أول ألف هي "ألعاب" فديه مصيبة)
وهكذا..
.........................
(أب)
ـــــــــ> أبراج
"رغم أن أكثر أبناء الوطن العربي يقتنعون بحرمانية
الأبراج!! .. إلا أن كلمة (الأبراج) هنا تتفوق على (أبو بكر الصديق) و(أبو
تريكة) و(أبو الهول) و(أبو فروة)!!"
.....................

(أت)
ـــــــــ> اتصالات
"شعب رغاي بقى .. وتتفوق هذه الكلمة على أي
(اتحاد) لأي مؤسسة مصرية"
....................
(أح) ـــــــــ>
أحمد زويل
"لازم برضه نجيب حاجة تشرف .. مش هيبقى كله ضرب وشتيمة ..
الطريف أن (أحمد أبو هشيمة) أصبح تاسع (أح) بعد أن كان اسمه هو ثاني (أح)
بمجرد إعلان إنه هيبوس الواوا!!"

"الطريف أيضا أنك لو كتبت (اح) دون
وضع الهمزة على الألف ستجد أول نتيجة (احدث الأغاني) .. وطبعاً واضح من
ثقافة إن اللي بيبحث عن أحدث الأغاني عدم اهتمامه بأقدم طرق الكتابة"
......................
(أد)
ـــــــــ> أدوات اللغة
"متفوقة على كل أنواع (الأدعية)..مستجابة ..
سريعة الاجابة..مكتوبة..الخ.. "
....................
(أر)
ـــــــــ> أردوغان
"رئيس وزراء تركيا المحترم اللي بخ في
اسرائيل..العرب يبحثون عن زعيم محترم.. لا يريد معظمهم أن يكونوا مجرد سلع
في (أرض المعارض) أو مجرد (أرقام جلوس).. "

"أما لو كتبت (ار) بدون
الهمزة فطبعاً أول نتيجة هتطلعلك (ارقام بنات)!!"

.....................
(أش)
ـــــــــ> أشعار

(اش) ـــــــــ> اشعار حب !
.......................
(أع)
ـــــــــ> أعراض الحمل
"متفوقة على (أعضاء مجلس الشعب) وعلى (أعلام
الدول العربية) .. ربما لأن هذا أو ذاك من أعراض الحمل الكاذب"

.............................
(أغ)
ـــــــــ> أغاني
"طبعاً"

.......................
(أف)
ـــــــــ> أفلام
"أساسي"

.....................
(أه)
ـــــــــ> أهمية القراءة

(اه) ـــــــــ> أهداف عمرو ذكي
"وطبعاً
واضح الفرق في البحث..الهمزة بتستر برضه"

....................
(أو)
ـــــــــ> أوضاع الجماع بالصور

(او) ـــــــــ> أوضاع
الجماع
"يس يس يس..هم دول العرب .. ولا عزاء لــ (أوباما)!"

.....................
(أي)
ـــــــــ> أيمن نور

"الحمدلله .. توقعت إن لما أكتب (أي)
يطلعلي (جمال مبارك) مثلاً! .. ما الحزب الوطني قادر ويعملها !"

(اي)
ـــــــــ> ايكاريام

" بدون همزة ستجد تلك اللعبة الشهيرة كأول
نتيجة .. وكأن لسان حال العرب بعد ما أزالوا الهمزة وبحثوا.. إحنا بنهزر
وبنلعب يا باشا! "
....................

على الهامش بقى..

من
طرائف واشتغالات جوجل..

لما تيجي مثلاً تبحث عن "فلان الفلاني"
يطلعلك خيار مساعدة :

- هل تقصد "الفلاني فلان" ؟

تروح انت
زي الشاطر تضغط عليها .. لتجد في النهاية "لا توجد نتيجة متطابقة"!!

جوجل
لما يهزر!

.............
و آدي لينك جوجل للي مش عارفه
[ندعوك للتسجيل في المنتدى أو التعريف بنفسك لمعاينة هذا الرابط]
:))

(ده بقى
أنا لما أهزر)

من طرف **wessam** الخميس 12 أغسطس 2010, 10:51 pm

على قد ما الموضوع مضحك الا انه مؤلم من الدرجه الاولى
اصل احنا العرب لسه عايشين ع امجاد اجدادنا ونسينا خالص اننا مفروض يكون لنا شخصيه ويوم ما فكرنا نكون كيان واحد للاسف اجتمعنا ع الاغانى والافلام والكوره كمان وفثوانى اتفرقنا
ربنا يستر علينا يا عرب
بس تشكر ع الموضوع يا د.على

من طرف **cafu** الخميس 12 أغسطس 2010, 11:45 pm

بجد موضوع مؤلم
ومضحك
بس على فكرة دي مش مشكلتنا احنا بس
دي مشكلة 67%من مستخدمي شبكة الانترنت
يعني جرب تقلب الكيبورد انجليزي هتلاقي نفس الموضوع بالظبط
اناهنا حاليا في السعودية وفي مواقع كتير محجوبة
فبضطر اكسر البروكسي ده عن طريس قسيرفر امريكي يعني الجهاز بتاعي بيدخل نت على سيرفر امريكي (كارت اخضر يا برنس ) يعني حتى المواقع اللي محدش بيعرف يدخلها في مصر انا بقدر ادخلها المهم ما علينا
لقيت ان برضه نفس الملاحظه اول حرف تافه والثاني اتفه
وعشان كده انا طلبت منكم تشوفوا مجموعة فيديو القادمون
وربنا هتستفيدوا جدا

hhhhhhhhhhhhhhh
nice topic ya 3lwa

جوجل......... البحث العربى أم الأجنبى

جوجل......... البحث العربى أم الأجنبى

رد: جوجل......... البحث العربى أم الأجنبى

رد: جوجل......... البحث العربى أم الأجنبى

رد: جوجل......... البحث العربى أم الأجنبى