اختار المكان اللى نفسك تكون فيه!!!!

[img:8ddd][ندعوك للتسجيل في المنتدى أو التعريف بنفسك لمعاينة هذا الرابط][/img]

نفسك تكون فى اى مكان؟ مش بقصد بالمكان دة المركز او البلد؟ لا انا بقصد وانتا داخل سكشن او محاضرة او حتى فى ندوة او فصل تفضل تكون من الطلبة اللى بتقعد قدام ( الدحيحه ) او المواس؟؟ والا انتا من الناس اللى بتحب تتدارى فى زمايلها فى النص عشان الدكتور ميسألوش؟ والا من النوع اللى بيحب ينام ويكبر دماغة وبيحب يقعد فى الاماكن اللى ورا حيث الظلام والهدوء وبعيدا عن الشخص اللى قدام وشغال يتعب فى صوته وهوا بيشرح( اقصد الدكتور او الاستاذ) طبعا هوا بيحب يقعد فى الاماكن اللى ورا عشان ينام براحته ويسرح براحته فى عالمه الخاص حيث التفكير فى الميز والمدينة والغدا ومش حاسس بالانسان اللى على الصبورة وتاعب صوته عشان خاطرك ؟؟ اختار المكان اللى نفسك تقعد فيه وارجو انه يكون دايما قدام وراعى ضميرك فى والديك اللى شاربين المر عشان يوفرولك المكان اللى انتا المفروض تكون فيه وحارمين نفسهم عشانك انتا. انا عارف ان فيه ناس مرتاحه ومعاهاا فلوش وبتقول احنا الحمد لله والدينا مش حارمين نفسهم واحنا مرتاحين الناس دى بقولها اقل رد للجميل انك تفرح والديك بانك تقعد فى مكان يساعدك انه تنجح او تجيب تقدير وتفرحهم

اتقوا الله فى انفسكم واهليكم وتذكروا انه كما تدين تدان . كما تدين تدان. كما تدين تدان فى كل حاجه حط قدامك انه كما تدين تدان

وشكــــــــــــــــــــــــــــرا

ربنا يكرمك يا دكتور بجد يا ريت الناس كلها تعرف كدة

بجد ربنا يبارك فى حضرتك يا دكتور صح كلامك طبعا حتى لو انا مرتاحح والحمد لله لازم على الاقل ارد الجميل يا رب قدرنى وقدر كل الناس ترسم ولو ابتسامة بسيطة وفرحة لقلوب والديك لانهم فعلا مش عايزين اكتر من كده وفعلا راعى ربنا فى الدكتور الى بيتنحر صوته والله ربنا يكرمنا اجمعين ويهدينا اللهم اااااااااااااااااااااااااااااااامين

السلام عليكم
الموضوع رائع وملفت
وزي ما قالت وسام المكان ميفرقش المهم افهم من الدكتور اللي قدامي

وانا افضل تاني صف لانه عندنا في المدرج يعتبر اول صف "تعالو شوفو مدرجنا"
لان اول صف لازق ف الدكتور و لو الدكتور عطس حييجي في وشهم

ومشكور يا دكتور علي لفت النظر للطلبه لان فعلا اهالينا بتتعب جامد علشاننا ونفسهم نبقي احسن الناس وده مش حيحصل الا بتعبنا ومجهودنا وربنا يقدرنا علي سعادتهم

وجزاكم الله خير

ياشباب انتوا ما فهمتونيش انا اقصد اول صف ان احنا نكون دايما فى المقدمة ولان كان دايما بيرمزوا لاول الصفوف ان فيها الناس الشاطرين وبعدين الحتة اللى تحب تقعد فيها بس المهم تكون فاهم وسامع لكن برده معلش انا عند رايي لان الصف الاخير لو كنت شخص عاوز تتعلم او تسمع هتلاقى كتير برده مش عاوزه وهتشوشر عليك غير كده وانتا قدام بتكون مركز جدا مع الدكتور وواحد نالك من حركته ومن طريقة كلامه ومن تلميحاته دى مهمة مش مهمه وكده . وده بيختلف ان كنت قاعد ورا. وبعدين انا باخص الاغلبيه بالوصف اللى انا واصفة لكن لاى قاعده شواذ بس انتوا شدوا حيلكم وخليكم فى المقدمة سواء فى النتيجه او فى الصف بس المهم منعترضش وبس المهم نطبق الكلام ده بجد اقعد فى المكان اللى يريحنى بس المهم افهما

السلام عليكم
احنا طبعا فاهمين قصد حضرتك ايه وفعلا المكان ورا للمكبرين دماغهم بس في احيانا ايام الواحد غصب عنه بيقعد ورا لظروف المواصلات 00000000وغيره

ويارب يكرمنا اجمعين ونخلص المواد وننجح بتفوق زي كل سنه لان السنه دي ملعبكه حبتين

وربنا يهدينا ويوفقنا
وجزاكم الله خير

انا بحب اقعد الاول فى كل الحاضرات ما عدا محاضرات الوراثه
لان اول او تانى مكان بيبقى حلو خصوصا ان فى بعض الدكاتره بيبقى صوتهم واطى

انا لما كنت بحضر وفاضى كنت بقعد قدام
هههههههههههههههههههههههههههههههه
ربنا يوفقكم

لا بس بجد ياجماعة شدواحيلكم فعلا فى الكلية علشان دى اخر مرة هتاخد معلومة او نصيحة ببلاش وانت قاعد فى مكانك
بجد برة الدنيا صعبة انك تتعلم ببلاش لازم تتعلم لوحدك وتغلط وترجع تعمل الصح
يلا بقى طولت عليكم دا ميمنعش ان الدنيا برة بيييييييييييييييييييييييس وحلوة
ربنا يوفقكم

نصيحه من واحد خلص وكبر دماغه اوعو تكبرو كل كلمه وكل حرف هتحتاجوها ف يوم من الايام ولكل مجتهد نصيب بس مفيش مانع انك تعيش حياتك وتدلع نفسك بس متهملش زى حالاتى وصباح الاناناس