القافلة بتاعت النهاردة

ازيكم ياجماعة انا النهاردة ولاول مرة من ساعت مدخلت الكلية اروح قافلة كنت مرعوبة جدا بس القافلة بجد كانت روعة روعة روعة والفضل يرجع لربنا ثم الدكاترة بجد كانوا كويسين جدا معانا وكانوا حريصين كل الحرص انهم يدونا اكبر كمية من المعلومات اللى تفيدنا وكان صدرهم رحب لاى سؤال كان معانا الدكتور محمدعبدالله والدكتورسيدمقدام فى الباطنة كان ماشاء الله عندهم حالات كتيرة بس انا بصيت على واحدة بس من بعيدلانى كنت فى الجراحة وكان معانا دكتور احمد غلاب فى الباطنة بس شرحلنا الادوية فى الصيدلية وبجد ياجماعة دكتور غلاب عندو قدرة غير عادية انه يوصل المعلومات بسلاسة ودكتور احمد سعد فى الولادة كانت متالق وشفنا معاه حالة uterine torsionعالجها بنفسه وبذل مجهود فظيع بجد يستحق ان احنا نرفعله القبعة واخيرا انا كنت فى قسم الجراحة مع د/عبدالناصر ود/الحسينى اللى كان رائع بكل المقاييس عملنا hernia كانت رائعة وكان بيوضحلنا كل حاجة بسهولة ومش بيعقدالدنيا فى الجراحة معلش اذا كنت طولت عليكم بس مكنش ينفع اعدى اول قافلة فى حياتى من غير متكلم عليها الحاجه الوحيدة اللى كانت ناقصة انه مكنش فيه دواجن لانى بحب المادة دى جدا 0 وبجد شكرا لدكتور عبدالناصر وكل المعيدين0

شكرا ليكى كتير يا دكتوره بجد

ويرزقكم من حيث لا تعلمون يادكتورة
ياجماعة استفيدوا من القوافل دى على قد متقدروا واللى يقدر يروح القوافل يروح ولا يقدر يروح وراهم يروح على حسابة اللى درستوة خمس سنين حاجة والقوافل حاجة تانية هى كل الخمس سنين دول
وربنا يوفق الجميع

لو سمحتو انا كنت عاوزه اعرف اذا كان ممكن لحد من سنه اولي يطلع القافله ولا لأ اصل انا اتشوقت ليها من كلامكم عنها