بدايتى مع الانترفيوهات وياعجبى

سلام عليكم ازيكو كلكو يارب تكونو بخير انا اسمى عبدالله فايز خريج بيطرى قنا السنادى وبعد ما اخدت التأجيل الحمد لله بدأت رحلة البحث عن شركة أدوية ودا كان من خلال النت ولقيت شركة جديده لسه نازله السوق اسمها Genesis وودى شغاله CNS بس وقلت حلو اوى يعنى شغل الادوية المعينه مفيش احسن منه وحجزت القطر ورحت ع كايرو عشان اتصدم بمكتب فى الدور الخامس بمدينه نصر وبداية انا قلت المكان دا مش مكانى وكان انترفيو درس فى التناكه بينى وبين السوبر فايزور اللى هناك بداية دى كانت اول انترفيو ليا فى حياتى وكنت متوتر بس من اول دقايق اخدت قرار انى مشتغلش فيها من اول ما سألته وقلتله ممكن حضرتك تعرفنى بالشركة قبل الانترفيو وبعدها اتكى اوى على الكرسى وقالى السوق المصرى دا زبالة وانا اول مرة انزله ومش يلزمنى وحسسنى انى مخترع البنسيلين وقالى انا بصدر ادوية لكندا هههههههههه رحت ابتسمت وحسيته اتخنق منى وقالى بصدر ادوية للحرس الوطنى المهم قالى بداية الانترفيو معاك هتكون بالانجليش ههههههههههههه قلتله انا جاهز لاى حاجه يادكتور المهم قعدنا يجى ساعه وربع نخبط فى الانجليزى وكنت كل ما اقوله كلمه يقولى لا دى نطقها كذا قلتله يادكتور ع فكرة انا واخد تويفل من الايمدايست ودا نطق انجليزى مش امريكى المهم قعد يسألنى اسئلة منها عرف نفسك بالانجليزى فى نص ساعه طب حد يقولى اعرف نفسى ف نص ساعه ازاى ههههههههههههههه دا الريس هيعرف نفسه فى سطر ونص المهم وادانى بسكوته وقالى انا نجار بيعلى البسكوته دى وبجد كان ارخم انترفيو شفته المهم اتخنقت منه اوى اوى اوى وف الاخر قلتله هوا حضرتك بتدى كام للمندوب راح قالى الفين وستميت جنيه رحت قلتله والعربية قالى لا مفيش عربية طب وفى عمولة راح بصلى وقالى طب مش لما تبدأ شغل وتشوف العمولة حسيت وقتها انى احنا الاتنين مخنوقين من بعض رحت قلتله بصراحه انا مش مرتاح لشركتكو ومش هقدر اشتغل معاكو وفرصه سعيده انى قابلت حضرتك بصراحه الراجل اتصدم جدا ونزلت من هناك ورجعت على قنا . مفيش يومين وانا قاعد نايم تلفون بيتصل الو دكتور عبدالله بصراحه الصوت كان حلو وخلانى متفائل جدا للشركة الشركه كان اسمها أكابى وبجد دول ناس محترمه اوى اوى اوى وقالى معاك اريا مانجر فلان وتقدر تيجى الاقصر بكره قلتله طبعا يافندم اجى ونص وبالفعل ظبطت حالى ورحتله الصبح كان ف رمضان وانتظرته فى الاستراحه بصراحه كان راجل ذوق اوى كان بيشرب سجارتين مع بعض ههههههههههههههه المهم الراجل دا بجد كان لذيذ وسألنى عرف نفسك ومميزاتك وعيوبك وداخل ليه الدعاية وعرفت الفيكنسى من فين طب ونفسك تاخد مرتب كام وسألنى شويه عن الجامعه بتاعتى ودخلنا فى الكورة وقالى لو اهلاوى مش هتشتغل معانا هههههههههه وسألنى فى السياسه واللى مش عاجبنى فى التعليم وايه الفرق بينا وبين الغرب وسألنى شويه فى الطب وكنت محرج اوى لما متكنش فاكر حاجات سهلة المهم فى اخر الانترفيو قالى انتا انسان محترم وشاطر ويشرفنا تشتغل معانا وصعدنى عل كايرو وبالفعل ناس بجد كانت محترمه بس للاسف مرحتش الانترفيو التانى عشان طالبين اكتب عشر تلاف جنيه كشرط جزائى وفكرنى بفيلم بوشكاش وكنت ناقص اقوله بحبحها شويه ياراجل مليون جنيه كويس زينه والله زينه هههههههههههه المهم حتى البيت عندى موافقش على انى اعمل كدا .... وبس قعدت شويه فى بيتنا وفجأه وبدون واقع انذار الاقى فيكنسى فى فايزر يااااااااه حلم طبعا اى خريج من الكلية ويكون فريش انه يشتغل فى حاجه محترمه من البداية والحمد لله رحت الاقصر كان اول انترفيو مع السوبر فايزور هناك وبدأ بالاسئلة التقليدية : عرف نفسك وبتحب ايه فى نفسك وقولى ايه قصص نجاح فى حياتك وسألنى لو فى دكتور مش راضى يقابل حتى مندوبين فايزور تتصرف ازاى وكانت انسب اجابة ياجماعه ع السؤال المهم دا انك تاخد فيدباك من الصيدلية وتعرف اذا كان فى مشكلة عند الدكتور دا مع فايزر وتحاول بكافة السبل تقابل الدكتور بره العياده فى النادى فى المستشفى وتحاول تتكلم معاه فرندلى وتحل الخلاف . وكان فى سؤال انتا اخترت فايزر ليه وانسب اجابة انى الانسان بيشتغل عشان حاجتين اتنين مقابل مادى ودا الاهم ومقابل معنوى المقابل المادى وانا سألت لقيت الباكيج بتاع فايزر من اعلى مرتبات شركات الادوية فى مصر وسألت كمان على الانسينتف قالولى انى الانسنتف ملوش سقف يعنى كل ما هشتغل اكتر ما هاخد فلوس اكتر وبالنسبه طبعا للمقابل المعنوى اميج غير عادى انى اشتغل فى اكبر شركة دوا فى العالم كله وبرضو كان من ضمن الاسئلة ودا خاص للفيت انتا ازاى تسيب مهنتك وتشتغل فى الدعاية وبصراحة دا بيختلف من شخص للتانى يعنى انا قلتله بصراحه انا النيد بتاعى اعمل علاقات اجتماعيه مع صفوة البلد واحافظ على الابيرنس والشياكة بتاعتى زائد البرستيج اللى بتوفره ليا شركة الدوا ودا مش هلاقيه فى الطب البيطرى بالاضافه انى مش طموحى انى اكبر فى مجال الطب البيطرى وانا كنت بركز على الفسيولوجى والفارماكولوجى وكنت بأهل نفسى من ايام الكلية لمجال الدعاية وراح للاسف خبطنى بسؤال فى الفسيولوجى هههههههههههه والحمد لله جاوبته قالى هوا ايه الارتيروسكيليروزيس رحت جاوبته precipitation of blood lipid on the wall of blood vessels والحمد لله خرجت من الموقف والمهم قالى ف وقتها انتا هيكون معاك انترفيو فى كايرو مع الايريامانجر واستنيت اسبوع قول اتنين قول تلاته قلت خلاص انا هدور ع شركه تانيه وفجاه بيقولولى انتا معاك Fullday Assessment وانا بصراحه ياجماعه معرفش اى حاجه عن دا رحت جبت رقم مندوب من فايزر وظبطنى اخر حاجه المهم دا عبارة عن Case study عن دوا معين ويديك دكاترة كلاس ايه وبى وسى ويديك تخصصات ويقولك اعملى اسكيم عشان ترفع الريت بتاع الدوا فى المنطقه الفلانيه اللى مكنش فيها مندوب من فترة ودى بتختلف الكيس دى من متقدم فريش زى حالاتى وواحد خبره اى كان شغال قبل كدا فى شركة تانيه ويسيبوك ساعه وبعد كدا تدخل للاسف عل اربعه او خمسه على حسب وتعمل presentation قدامهم بصوا ياجماعه اهم حاجه الثقة بالنفس وتنسى تماما انك قاعد قدام دكاترة اتخيلهم دول صحابك وانت بتعيش عليهم المهم ظبطهم اخر حاجه وكنت وقتها انا المعيد ودول الطلبة ومتحاولوش تبصوا ف عين حد فيهم وف نفس الوقت تبصوا ف وشهم وتوزعو نظراتكو عليهم وكمان تستخدمو لغة الجسم وكان ف اتنين بس بيبصولى بتكلم ازاى ولابس ايه وبتحرك ازاى وايدى بتشاور ازاى وهكذا وسألنى معاك عربية وعندك رخصه والحاجات دى وواحد فيهم شاف الخاتم الفضة الل ف ايدى وراح سألنى عليه انتا لابسه ليه وعشان ايه ولما قلتله هدية قالى من مين واحد صاحبك ولا واحده صاحبتك من الاخر هما مش يهمهم الاجابات اكتر من ثقتك بنفسك وترد بكل لباقة وسلاسه والحمد لله طلعت ودخلت اربع امتحانات انجليزى على الكمبيوتر نصيحه قبل ما تروح اى امتحان انجليش ف اى شركة تقرا مصطلحات وقواعد كتاب جيم تالته ثانوى يعنى اتصرفوا ياجدعان من حد من قرايبكو من اخواتكو تسرقوه من المكتبه اللى جنبكو وهكذا وبعد كدا دخلنا انترفيو تانى لدكتور مسئول عن selling skills فى الشركة ودا بيسالك بس بيعلى كذا او كذا ووقتها الحمد لله خيرنى رحت اختارت موبيل واهم حاجه فى عملية البيع انك تخلق احتياج للحاجه دى عشان تعرف تبيعها يعنى انا اول مادخلت عليه رحت عرفته بنفسى وشركة نوكيا لتصنيع الموبيلات اول حاجه تبدأ بيها حوار فى النقطه دى انك تسأل عن الحاجه المماثلة اللى بيقتنيها ورحت قلتله ياترى يادكتور نوع عده حضرتك ايه وقالى نوعها كذا طيب يادكتور ايه المميزات اللى حضرتك شايفها فى العده دى ورصلى كام عده ورحت سأله ع تمنها ولما قالى تلات الاف جنيه رحت رزعته بكلمه انتا بجد شخص متميز جدا انك تقتنى حاجه زى كدا يادكتور ورحت دخلت على المرحلة التانيه اللى هيا عملية البيع ورحت قلتله العده بتاعتى فيها نفس امكانيات سيادتك من صوت ممتاز وكاميرا كذا وبتشغل نت وبتقرا رسايل وووو الخ وصينى وتمنها تلتمية جنيه قالى لالالالالا انا مبحبش الحاجات الرخيصه قلتله عل فكرة يافندم انتا ممكن تحط عليها رقمك الخاص وممكن تشغلها بس ف الويك اند بتاع سيادتك قالى لالالالالالالالا انا مقدرش اشيل موبيلين قلتله طب ايه رأى سيادتك فى القنبلة اللى منزلاها شركتنا انى العدة دى بتشغل خطين اتنين مع بعض راح قالى وانا مش عاوز يبقالى رقم خاص رقم الشغل هوا رقمى الحياتى بصراحه قلت وبعدين مع الراجل دا رحت قلتله يادكتور اكيد حضرتك بتروح تصيف او تمارس رياضة قالى اه طبعا قلتله مفيش مانع تشترى عدة رخصية عشان تتفادى الخطر اللى ممكن تتعرضله عدتك الغالية والانيقة دى راح قالى لالالالالالالالالالا انا مبتفرقش معايا الفلوس اجيب غيرها كان بجد اجريسف اوى وبصلى وابتسم وقالى انا معايا عربية مرسيدس جاى تبعيلى عربية فيات رحت قلتله ممكن اسأل حضرتك سؤال قالى اتفضل قلتله التلتميه جنيه دول بيشكلوا مع حضرتك مشكله قالى لا طبعا قلتله ايه رأى سيادتك تشترى العده دى وتهادى بيها اى حد ابن حضرتك بنت حضرتك حد من حبايبك وف نفس الوقت تمنها مش غالى خالص وهديه قيمة وفيها امكانيات حلوة هتعجب الشخص اللى هتهاديه بيها راح ضحك وقالى برافو كدا زنقتنى واشترى منك والحمد لله روحت قنا وفاضلى انترفيو فاينال وبعدها ترينج على طول ادعولى ياجماعه وان شاء الله انا ناوى انزل اسئلة الانترفيوهات بالكامل هجمعها من صحابى المندوبين وانزلها على الموقع وربنا يكرمنا كلكنا

بالتوفيق يا عبدالله وربنا معاك

بالتوفيق ياعبدو وربنا يقدملك اللى فية الخير
انت امتحنت ال iq ولا لسة ههههههههههههههه
ربنا يوفقك
فكرتنى بانترفيوهات نوفارتس
وامتحان الانجلش وامتحان الكتابة علىالكمبيوتر واسئلة الزكاء والحسابات
والتحويلات على فكرة ياعبدو موضوع الشرط الجزائى ميقلقش حتى لو مشيت بعدها بيوم
ولا بيعملوا بية حاجة علشان الشركة مش هتسيب شغل الدعاية وتلف ورا المندوبين فى المحاكم
ودا اكيد يعنى اللى يقولك تمضى قولة امضى
كان معانا زميل لينا ماضى شيك على بياض مكملش السنة ومشى وعادى
ربنا يكرمك واشوفك فى الشوارع بتلف حوالين نفسك
وبتقعد فى العربية اكتر مانت قاعد فى بيتكم ههههههههههههههههه


go ahead
be strong

افينتس تبع نوفارتس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ خلاص خلاص ياوسام محدش اخد بالة

هههههههههههههههههههههههههههههه

ربنا يخليك ويعزك يادكتور مقدام على مرورك الكريم
ميرسى ياوسام بس افنتس مش تبع نوفارتس خالص دى حاجه ودى حاجه
وميرسى جدا جدا جدا يادك مختار وادعيلى الفاينال عندى بعد بكره الاربع وربنا يستر