انواع البنات علي النت

من طرف **H I M A LOVERS** الأربعاء 19 أغسطس 2009, 3:22 pm

انواع البنات علي المسنجرررررر
--------------------------------------------------------------------------------
اولا: (الجد اوي) اللي هي رسمية زياده عن اللزوم
ودي كل كلامها معاك تقولك ايه اللي انت بتقوله ده احترم نفسك ...من فضلك..انت فاكرني ايه..ولو قلت لها اخبارك ايه تقولك:وانت مالك انت...دي حياتي الخاصه ...ازاي تسألني عن اخباري..وتديك محاضره عشان قلت ليها اخبارك ايه
ودي اخرتها هتقوم رزعاك بلوك واحتمال كبير دليت

ثانيا: بتاعة مصلحتها
دي بقي متشفهاش علي النت الا كل شهر مره مرتين حسب الحاجه اللي هي عاوزاها منك
ولما تسالها انتي فين يابنتي تقولك اصلي كان عندي امتحانات او كنت بدخل ومش بلاقيك علي النت او الجهاز كان بايظ المهم انها بتقنعك وبتاكل عقلك بكلمتين حلوين وانت ولا انت هنا

ثالثا:العاقله
ودي بقي يانجم انت وهو بتحلل كل حاجه تحليل يخنقك انت
يعني لو قالت لك ازيك مثلا وقلت لله انا عندي برد ولا شويه صداع حتي تقولك ليه؟؟ يبقي اكيد نمت في المروحه او اكيد انت سهران لوقت متأخر او اكيد انت عندك حاجه في النظر ولازم تكشف نظر او او او.......الخ لغاية ماتتخنق انت وتقوم عامل لست الدكتوره دي بلوك غلس او دليت غتت

رابعا:ذات العلاقات المتععده...الشنكوته يعني
ودي بقي ربنا يكون في عونك لما تقابلها علي النت
تبقي بتكلمك وبتكلم ادك انت وعيلتك
يعني ييجي 30 او 40 واحد في نفس الوقت وتقولك واحشني موت انا داخله مخصوص عشان اكلمك انت يا اوحي يا اوحي.......(الهي تطلع اوحك ياشيخه)
وتسرح بكل اللي بتكلمهم وتستهبل وتلعب بمشاعر واحاسيس الشباب وبعد ماتقفل معاهم تقعد مبسوطه اوي من اللي عملته ويمكن تسقف لنفسها كمان علي دور البطوله في الفيلم الهندي اللي كانت بتمثله علي كل الشباب اللي عندها في المسنجر.....
ياتري انت بتكلم انهي نوع بقي من دول؟؟

خامسا دي بقا من عندي : كل البنات بلا استثناء اول مرة تكلمك تقولك جبت ايميلي منين .. حتا لو هيا اللي ضيفاك ... كلمه كلهم حفظينها