ماذا قال صلاح جاهين عن الحب ؟

من طرف **H I M A LOVERS** الإثنين 17 أغسطس 2009, 5:08 pm

02-26-2008, 10:51 PM #1 (permalink)
jasmin salh
عُضو مزيكاوي شغّال

تاريخ التسجيل: Apr 2007
الدولة: الشارع الي جاي شمال في يمين
العمر: 20
المشاركات: 1,756

--------------------------------------------------------------------------------

أنا قلبى كوره ...والفراودة أكم
ياما اتنطح وانشاط ..وياما اتعكم
واقول له كله حينتهى فى الميعاد
يقول بساعتك؟ ولا بساعت الحكم؟
عجبى !!!!!!

ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدي بحر.... آلاقي غيره اتحفر
عجبى !!!!!!

سمعت نقطه ميه جــوه المحيط
بتقول لنقطه ماتنزليش فى الغويط
أخاف عليكى م الغرق ..... قلت انا
ده اللى يخاف م الوعد يبقى عبيط
عجبى !!!!!!

أوصيك يا إبنى بالقمر والزهور
أوصيك بليل القاهره المسحور
وإن جيت فى باللك ... إشترى عقد فل
لأى سمرا ... وقبرى إوعك تزور
عحبى !!!!!

يـا مشرط ألجـــراح أمـــانه علـــيك
وانت ف حشـايا تبص من حواليك
فيه نقطه سوده فى قلبى بدأت تبان
شيلها كمان ... والفضل يرجع ليك
عجبى !!!!!

عـاد الربيع كـأنه طعم الحـب
والحب نار جوه العروق بتصب
اتمـتع ازاى بيه وانا مـ ت ـق ـط ع
من كتر خوفى لا فى الخطيئه يطب
عجبى !!!!ا

أنا اللي بالأمر المحال اغتوى..
شفت القمر نطيت لفوق بالهوا..
طلته ما طلتوش إيه انا يهمني....
وليه ...ما دام بالنشوة قلبي ارتوى.
عجبي!!!!!!

كروان جريح مضروب شعاع م القمر
سقط من السموات فؤاده أنكسر
جريت عليه قطه عشان تبلعه
أتاريه خيال شعراء ومالهوش أثر
عجبى !!!!!!

كل اللى فى الخماره صـابهم جنـون
صـبحوا الرجال يتبـادلو كاس المنـون
وبـدم ونبيـت انكتب ع الجـدار
ا(يا ميت ندامه ع اللى قلبـه حنون)ا
عجبى!!!!!!!ا

[ندعوك للتسجيل في المنتدى أو التعريف بنفسك لمعاينة هذا الرابط]