خليك بطاطساية

بسم الله الرحمن الرحيم
خليك بطاطساية عارف ليه ؟؟؟

البطاطس المحمرة هي الاكلة الوحيدة اللي اجتمع الناس كلهم ...علي حبها
1- البطاطس المحمرة لما بتتقلي في الزيت بتبقي عادة مقرمشة من برة و طرية
... من جوة
...علشان كدة لما حد يعمل معاك موقف سخن اوي ماتعاملهوش وحش اوي ..ايوة حسسه
انك زعلان منه و خد موقف بس خلي قلبك ابيض و وطري "طيب يعني " مش ناشف وسامح
عشان ربنا بيسامح)

2-البطاطس المحمرة تلاقيها عند ماكدونالدز ( فرينش
فرايس) و برضه تلاقيها عند بتاع الفول والطعميه يعني انت كمان خليك زي البطاطساية ماتتكبرش علي حد وصاحب كل الناس غني او فقير

3-البطاطس المحمرة بتتقدم مع حاجات كتير :مايونيز , كاتشب ,صالصات مختلفة و ساعات كمان طحينة بس بتفضل في الاخر اسمها بطااااطس
يعني مهما اتعرضت لثقافات و بيئات مختلفة احتفظ بشخصيتك المستقلة و طريقة تربيتك و خلي الناس هية اللي تتاثر بيك)

4-البطاطس برضه ممكن تبقي شيبسي و هي اول حاجة بنفكر فيها لما بنحس
بالجوع و احنا برة البيت-
(ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي)"

5-البطاطس المحمرة لو اتهرست بتبقي برضه طعمها حلو و ممكن نسميها "بطاطس بيوريه
(مهما الدنيا تهرس وتبهدل فيك خليك شخص كويس و لذيذ و طلع للدنيا لسانك و قول "انا بطاطسايه بورية :P

عشان تبقي محبوب من كل الناس :خليك بطاطساية

4-البطاطس برضه ممكن تبقي شيبسي و هي اول حاجة بنفكر فيها لما بنحس
بالجوع و احنا برة البيت-
(ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسى"



ههههههههههههه والله هو التوبيك لذيذ .. بس مسكر حبتين ههههههههههههههههه

فعلا يا دكتور تريكة وميرسي للمرور
بس البطاطس المحمرة هي المقلية ولما تتحمر ووتتحط ع الرز يبقي اسمها مقلوبة يا دكتور amro
وبالنسبة للسكر اللي في الموضوع ده مش ليه علاقة بالبطاطس ده بس علشان انا اللي كاتبة الموضوع
هههههههههههههههههههههههههههههههههههههه