لو عاوز حقك يا بيطري ؟ .. . دا وقته

بسم الله الرحمن الرحيم

ازيكوا يا دكاتره .. أنا اسمي جلال سعيد تانيه بيطري الزقازيق .. وكنت ف بيطري قنا السنه اللي فاتت
في الغالب 98 % من الاعضاء هنا يعرفوني كويس ... وكنت عاوز اتكلم معاكم ف حاجه مهمه أوووي بس ياريت تقرو معايا الموضوع للأخر .. وتفهموه كويس .. لانه مش عشاني دا عشانكم .. ولمصلحتكم


ف الفترة الاخيره اللي مرت علينا كلنا كمصريين لاحظنا تغير كبير بيحصل للبلد ولينا احنا شخصيا كمصريين .. يمكن البعض معكم كان له دور ف اللي حصل وبيحصل ويمكن البعض كان قاعد حاطط أيده
علي خده ومستني الفرج يجي من عند ربنا .... أنا كنت زيكم كدا الأول .. بفضل قاعد وحاطط أيدي علي خدي وبقول يااارب وخلاص .. بس أيه اللي حصل ؟ ؟ ولا حاجه ... واللهي ولا حاجه ... ضيعت سنه من عمري وخلاص ..

المهم بئا عشان أنا رغاي شوية وهتزهئوا مني بسرعه .. فأنا عاوز أقولكم علي المفيد والامر لله

---------------------------------

أكيد معظمكم حاسس بشوية ظلم من اللي بيحصل ف الكلية عندكم وما شاء الله ربنا ما كتر غير المشاكل اللي ف الكلية والعيوب اللي مفيش حد فيكم ملاحظها لأنكم مغيرتوش

انا أقولكم علي شوية حاجات بسيطه وأنتوا عارفين الباقي

1- من أكبر المشاكل اللي ف بيطري قنا إن ( كل ترم منفصل تماما عن التاني ) صح ؟
يعني لو حد شال ماده بس ض يا عالم هيعدي فيها ولا لأ ؟ ولو عدي فيها هيبئا كرم من عندهم

2- قلة الامكانيات والخدمات اللي موجوده في الكلية .. أجهزة المعامل .. والأدوات .. حتي المدرجات الجاهزة

3- مفيش ترم صيفي حد يعوض فيه .. يعني لو واحد لا قدر الله حصلتله اي ظروف أيا كانت .. هتروح عليه سنه من عمره .. ومش هيعرف يعوضها تاني .. وأظن الظروف محدش بيتحكم فيها ..

4- نيجي بئا لموضوع الكتب ومحتوياتها وأظن كلنا عارفين ان اللي ف بندرسه ف الكتب ... نادرا
ما بتتعامل معاه ف حياتك العمليه .. وأراهن لو قابلته تاني بعد ما تخلص السنه أصلا ..

5- التدريب الصيفي .. وأظن انتوا ادري بيه .. في ناس واللهي ما بتعرف تشتغل بسببه ..

6- وأخيرا بئا لما الواحد فينا ما شاء الله يخلص ويستلم الشهاده .. ويروح عشان يقدم علي شغل ؟؟
هههههه يبئا يقابلني لو عرف يشتغل بيها ... أول سؤال هيتسأله ؟ بيطري ايه ؟
وانتوا عارفين ان دا بسبب موضوع الجوده .. اللي محدش عارف وصلت لأيه لحد دلوقتي ؟؟ مش صح بردو ؟؟

---------------------------

دول شوية حاجات كدا م اللي انا كنت ملاحظها ف الكلية ومعرفتهاش غير لما مشيت وكانت معظمها

موجوده هنا بردو لما حولت السنه اللي فاتت ... لحد ما خلاص .. لقينا كل حاجه بتتغير حوالينا .. زمن السكوت انتهي ... زمن الظلم ولي وراح .. يبئا ليه مناخدش حقنا ؟

ليه منحاولش نتغير أولا .. وبعد كدا نغير من اللي حوالينا ؟؟ ليه بجد متاخدوش حقوقكوا ؟؟

--------------------------

من 5 أيام بس فاتوا .. كنا كدا ف الكلية ( بيطري الزقازيق ) لحد ما خلاص فاض بينا .. ربنا أكرمني بشوية شباب واعية وعارفه حقها وعارفه ازاي تاخده .. فهموني وعرفوني .. وبدانا واللهي 5 بس
انا وأربعه من صوحابي وعملنا بيان بطلباتنا ووزعناه ف الكلية لحد ما كل الناس عرفت

عملنا جروب ع الفيس بوك وبقينا نتكلم سوا ونفهم ونفهم بعض .. عددنا زاد

روحنا بالبيان للعميد ... رفضه أول مرة .. روحنا تاني .. استجاب لمعظمه .. ورفض الباقي ..

قمنا كلنا ف يوم وقولنا لأ كدا كفاية .. وفعلا واللهي وقفنا ادام المبني بتاع العميد 5 افراد بس وبدأ العدد يزيد ومش هتصدقوا بس واللهي فضلنا واقفين لحد ما بقينا 500 طالب .. وبدانا نهتف .. نهتف ... نهتف .. والعدد بيزيد ...

فضلنا يوم كامل واقفين من الساعه 9 لحد الساعه 5 المغرب والحمد لله

استجاب العميد لكل طلباتنا بالكامل .. وكان أولها ان يقدم استقالته ويعتزر لكل الطلبة اللي كان اهناهم قبل كدا ..

يوم واحد مفيش غيره .. ف حكمه بتقول
إنما النصر ... صبر ... ساعه

-------------------------

دي صور من المظاهرة بتاعتنا

واللهي لو بجد عاوزين حقوقكم .. دا وقتها .. وصدقوني مش هتخسروا حاجه ... أنا واحد من الناس
كنت جايب جيد الترم الأول .. وعملت تظلم .. واترفع تقديري جيد جدا واللهي .. وناس كتير كانت شايله مواد .. واترفعت لأنهم بجد كانوا مظلومين ...

-------------------

أنتوا كمان تقدروا تحققوا اللي انتوا بتتمنوه .. ليه لأ ؟
كفاية سكوت لحد كدا .. هنفضل ساكتين لحد امتا ؟؟

الساكت عن الحق .. شيطان أخرس .. صح ؟؟

-------------------------

أنا حبيت بس اوصلكم المعلومات دي .. عشان دا حقكم عليا .. لأني ف يوم ( مش بعيد ) كنت واحد منكم .. طالب في بيطري قنا .. وكان نفسي احقق الكلام دا ..

اللهم قد بلغت ... اللهم فاشهد ...

وربنا معاكم

كلامك صح يا دكتورة يبئا نسكت ونحط ادينا علي خدنا ونستني الفرج ؟

ولا نتوكل علي ربنا ونعمل اللي يمليه علينا ضميرنا ؟

واللهي أنا قولت وعملت اللي عليا وبلغت ومستعد اساندكم بكل اللي تحتاجوه واللي ف مقدرتي

بس الدور والباقي عليكم

وكمان مفيش حاجه سهله وأنا شايف إن طريق النجاح بيبدأ بخطوه ...

وكمان من حقه عليكم انكوا تقدموا طلباتكم أولا .. ومن حقكم عليه أنه ينفذ .. لو محصلش يبئا ساعتها

عليا وعلي أعدائي .. لكن السكوت حراااااااااااااااااااااااام بجد

وفي حاجه كمان بتحصل مش عارف هل بيطري قنا بيشارك فيها حاليا ولا لأ ؟

في دعوه عامة حاليا لكل الاطباء البيطريين وطلبة الكليات لتدعيم طلب إنشاء وزارة للطب البيطري

وموجود مشرفين ف جميع المحافظات من البلد نفسها .... يا تري في حد كلف نفسه من الكلية عندكوا وشارك ف الموضوع دا ؟؟

احنا هنا الكلية بالكامل بتشارك وعاملينلها جروبات علي الفيس بوك ومواقع كتيرة

أظن بيطري قنا تبع بيطري مصر يعني دكاتره مصريين ؟ فين بئا الدليل ؟ فين دليل الانتماء للمهنه

ولا بردو الناس هتستني لحد ما كل حاجه تتعملهم وهما قاعدين حاطين رجل علي رجل ؟؟