اخبار الكليه والجامعه اول يوم

السلام عليكم
معلش النت كان وحش عندى امبارح بالليل

نبدأ بأخبار الكليه

اولا أعداد قليله جدا اللى حضر النهارده على مستوى الكليه
وبصفه خاصه سنه رابعه
يعنى احنا مثلا اللى حضرو محاضره التخدير 3 ولاد وتقريبا 10 بنات أو اقل
اكيد طبعا انا مش من 3 دول

انا والله رحت الكليه علشان اسلم على الناس اللى جت وانى اجمع شباب بيطرى ونزل المظاهره فى الجامعه تحت

ثانى حاجه فى الكليه تم تغيير مكاتب الدكاتره والمعيدين وحاليا فى معيدين مش لاقيين مكان
واللى عرفته انه فى مشاكل بين الدكاتره

ثالث حاجه تم تغيير مكان الكافتريا قصدى الكانتيين والمكتبه وبقى عند النزلايه وانت رايح المبنى ال كبير

بالنسبه بقى للجامعه
النهارده يا جماعه كان فيه مظاهرات عند قاعه مبارك كبيره
المظاهرات دى كان مترتبلها من بدرى
وفى كل كليه فيه منسقيين وهم اللى حضرو اجتماعات منسقى الائتلاف
فكنا انا على محمد عبد اللاه اللى حضرنا من بيطرى فتم اختيارنا كمنسقيين الائتلاف ففى بيطرى
كانت المطالب مش تخص كليه لوحدها لا كانت المطالب على مستوى الجامعه
وكان اول المطالب دى
اقاله رئيس الجامعه ونوابه
واقامه انتخابات اتحاد طلاب حره ونزيهه

هما حوالى 20 طلب شامليين كل اللى عايزينه

واحنا موجودين جه الحاكم العسكرى فى قنا
واتكلم باحترام جدا واخد المطالب بتاعتنا
بس قال انا مقدرشى اوعدكم بحاجه لكن انا مهمتى ان مطالبكم تكون بكره على مكتب المشير الساعه 8 الصبح

لمتابعه الموضوع كله بالصور واخباره
من هنا من موقع قناوى دوت كوم
[ندعوك للتسجيل في المنتدى أو التعريف بنفسك لمعاينة هذا الرابط]