عتاب الحب....

من طرف **dr.zeinab1992** الثلاثاء 11 يناير 2011, 10:53 pm

اه لو تعرف معني الحب
كنت تحس بقلبي و ناره
كنت تحس بشوق افكاره
كنت هتعرف انك غالي
وانك عندي كل امالي
وان الشوق ف عيوني انا دايب
وانك مهما هتكون غايب
هتفضل جوا القلب قريب
ياما قالولي الحب ده قاسي
قولت انا همشي ورا إحساسي
لكن قلبي لعندك جابني
وانت تقولي خلاص انا ناسي
طب ما تطاوع قلبك مره
جرب تحيي ف قلبك زكري
اكيد هتقدر معني الحب
معني الجرح إزاي ف القلب
وازاي راح يبكي العين
وإزاي المه يضل سنين
إوعي حبيبي ف يوم تنساني
إوعي قلبك يبقي اناني
وانا راح اشيلك جوا عيوني
مادمت هتفضل بس عشاني