أنواع الطلبة في الكليات ..

1- كاتب المحاضرات

وده بيبقى منه حوالي إتنين تلاتة في الدفعة ... بيبقو معروفين إنهم مبيسبوش اي كلمة في المحاضرة إلا وبيكتوبها ... حتى لو الدكتور رد على الموبايل هتلاقي المكالمة كلها مكتوبة في المحاضرة ... فتلاقي المحاضرة مكتوبه كالتالي ( وعشان نستنتج الحصان فيه كام رجل يبقى لازم يكون عندنا قدرة كبيرة على التخيل و ... لحظة واحدة .... الو ... ايوه انا الدكتور حسين .. ايوه ... بكره الساعة خمسة ... طيب ...تمام ... سلام .... نرجع تاني للمحاضرة .. كنا بنتكلم عن عن عن آتشووو ... يرحمكم الله .... كنا بنتكلم عن إستنتاج ارجل الزرافه ... ) .

والطالب ده بيبقى حبيب الطلبة عشان هو إلي بينجدهم وقت الإمتحان ... فبيبقى ورقه اهم ميت مرة من ورق دكتور المادة إلي محدش بيبص فيه اصلا .

2- الغشاش .

والموسم بتاعة بيبتدي في الإمتحانات ... بيكون منهمك ليلة الإمتحان في عمل البراشيم وتحضير الخطط المحكمة للتزويغ من المراقبين ..

بيقضي وقت الإمتحان في مراقبة المراقبين ... واحلى حاجة بيحب يشوفها في الإمتحان أفا المراقب ههههه ... وممكن يعد نص الإمتحان مستني اللحظة المصيرية دي إلّي بتبقى فاتحة خير عليه وعلى جميع زمايله الغشاشين ... وساعتها كل برشام بيطلع من الجُحْر بتاعه .. وبيختلف الجحر على حسب الطالب ... يعني ممكن جحر يبقى جوه الشراب ... وممكن يبقى ف بقووو ... او على الحاسبة ... او الدرج نفسه ..ههههههه


3- الطلبة إلي بتضيع نص المحاضرة في الأسئلة .

والطالب من دول بيبقى ظابط بقه يسأل بمعدل سؤال كل عشر دقايق ... سواء كان فاهم او مش فاهم ... وغير أسئلته للدكتور بيبقى هاري البني آدم إلي امه داعية عليه وأعد جنبه أسئله زي ... ( هو الدكتور قال إيه في آخر حته ؟ .... فاهم آخر حتة شرحها الدكتور ؟ .... هو المرض ده لازم نحفظه ولا بييجي في ورقة الإمتحان ؟ .... هو الإمتحان بييجي إختياري ولا دش ؟ ) ...... والمفروض بقى إلّي آعد جنبه يقوله الإمتحان هييجي إزاي على اساس إنه مرات الدكتور إلي كانت آعدة معاه في البيت وهو بيحط الإمتحان . هههههههه


4- الطالب إلي مبيروحش الكلية .

والطالب ده بيكون تقريبا ناسي إنه في الكلية ... ولو حد سأله إنت في كلية إيه , يروح يشوف اليافطة بتاعة الكلية مكتوب عليها إيه .. طب بيطرى جدا

بيقضى النهار كله عالسرير ... بيحاول يوميا يصحى من النوم عشان يحضر اول محاضرة لكنه يكتشف إن الحلم إلي كان بيحلمه لسه فاضل فيه مشهدين , فيكمل نوم بسرعة عشان يتابع باقي الحلم ... وطبعا مش هيصحي إلا لما يخلصله خمس ست احلام ههههههه ... ومش بعيد مشهد من حلم يعجبه فيعيده تاني ... وعلى ما احلامه تخلص تكون كل المحاضرات خلصت ... ساعتها بس يقوم زي الحصان عشان يكمل باقي يومه بعيدا عن الكلية .


5- الطالب الرغاي .

والطالب ده بيتخذ البنجات الأخيرة مسكن ليه ... وهو عدو لأول خمس بنجات ... عينه دايما على عين الدكتور عشان لما يبصله يبطل كلام ... واول ما الدكتور يبص بعيد عنه ... يكمل باقي الحكايات .

بيقضى معظم وقت المحاضرة في الكلام مع زميله إلي آعد جنبه , وغالبا بيكلمه يا إما عن مغامراته مع فيفي ودودي ونانا وسوسو ... او الفيلم الأجنبي إلي شافه إمبارح ههههه.. او الماتش بتاع الارسنال لما إتهزم من اسمنت اسيوط وإزاي إن لعيبة الاسمنت كان ممكن يدخلو تلات اربع إجوان كمان لولا إن عندهم جدعنة الصعايدة وتبقى عيبه كبيرة اوي لو طلعو الارسنال من عندهم بفضيحة زى دى طبعا ......


6- الطالب الرخم .

وغالبا الطالب ده بيمارس نشاطه على المعيدين , لأنه عارف إن الدكتور ممكن ينفخه لو رخم عليه .... وبيفضّل يختار ضحيته من المعيدات مش من المعيدين لسهولة الترخيم على البنات ( من وجهة نظره طبعا ) ... والغريبة بقى إنه مبيكونش بيحضر لا محاضرة ولا سكشن وتلاقيه جاي السكشن بتاع المعيدة إلي بيستمتع بالترخيم عليها .. ومع إن المعيدة بتطرده كل مرة في اول ربع ساعة لكنه عمره ما يفوتلها سكشن (محمد عبد الرحمن) ههههههههه


7- الطالب الدحيح .

وهو الطالب الذي يعيش اقصى شَمال المدرج امام مكتب الدكتور مباشرة ... يأتي قبل المحاضرة حتى يتأكد من خلو اول بنج من الدخلاء .... ولو تطلب الامر ان يبيت في المدرج حتى لا يتجرأ اي محتال من إحتلال موقعه في البنج الاول لفَعَلَها . حقا انها مسليه

لا يكتفي بالخمسمية ستة وتلاتين صفحة ( عدد صفحات كتاب الدكتور ) بل يذهب يوميا لمكتبة الكلية لإستعارة المراجع التي إذا رآها الطالب الغير دحيح لأصابته صدمة عقليةونفسيه وعصبيه كبيرة تفقده ما تبقى من عقله ..

لا يُرى في الاماكن التي يرتادها عامة الطلبة مثل ( الكافتريا – الجنينة(بسمه الجنوب) – او حتى عند الكولدير وره المبنى الخمس تدوار ... إلخ )


8- الطالب الخبيث .

هو في الاصل طالب دحيح ولكن لا يظهر بالصورة التي يظهر عليها زملائه الدحاحون ولكن يظل طوال السنة متقمص دور الطالب الفاشل الذي لا يعلم من المنهج إلا اول سبع صفحات ... وإذا تجرأ أحدهم وسأله عن أي شئ في المادة يقسم بأنه من افشل عشر طلاب على مستوي الجمهورية ... وان كل ما يعلمه عن المادة هو إسمها .... دائما ما يلقى على زملائه أبشع التهم بأنهم من الدحاحون ورغم إنكار الجميع هذه التهمة الشنعاء إلا إنه يستمر في إتهامهم ..... تنكشف حقيقته يوم النتيجة عندما يتواجد ضمن العشر الاوائل على الدفعة .هههههههههه تريكه تريكه




9- الطالب إلي ميعرفش في الكلية إلا الكافتريا .

والطالب ده غالبا مبيبقاش جنب بيته كافتريا , فبيدخل الكلية عشان يعد على الكافتريا إلي فيها ... وكل علاقته بالكلية لا تتعدى ماج النسكافيه والسندوتشات إلي بياكلهم في الكافتريا ... وطبعا ملوش دعوة بالمدرجات والمحاضرات والدكاترة والجو ده كله .

10- بتاع البنات .

والطالب ده بيبقى مصاحب اي واحدة متسجلة في كشوفات الجامعة بغض النظر عن هي في كلية إيه او في سنة كام وهى بق مظبطاله الجامعه كلها
هو ده بقى وديييييييييييييييييييييييييييييييييييع بيتاع مول دى توووووووووونز
.
.

انت بقى انهى واحد فى دول
بس بصراحه

هههههههههههههههههههههههههههههههههههه
جزاكم الله خيرا
اضحك الله سنك
وعشان السؤال الاخير والله ما اعرف هو مجموعة صفات مع بعض والله بس اكيد فى حاجات طبعااااااااااااااااااااااااا لالالالالالالالالالالالالاخالص واى حد تقريبا صعب صفة واحدة اكيد بس لا فى عندنا فى الدقعة ما شاء الله من الى يحتلوا صفة واحدة
ربنا يوفق الجميع يا رب

هههههههههههههههههه
انتى كده صح يا مصطفى
بتعجبنى مواضيعك جداااا

هههههههههههههههههههههههههههههههههههههه

بجد الموضوع دى ضحكنى كتير

مع انى انا جديدة فى المنتدى بس بحس انى مواضيعك زى الافلامالكوميدى فى جو السسبينس الى احنا فيه

وبالنسبة للسؤال الاخير انا من الطلاب اللى بيستهبلو يعنى كل يوم ببقى شبه واحد منهم

انت بقي شبه مين فيهم

بجد موضوع حلو اوووووى كالعادة
الحمد لله على كل حال

كتابة المحاضرة................ الى حد ما كويس
الغش...............انا عندى ااجيب صفر بمجهودى ولا اغش
الخبث......................nooooooo
الكافيتريا.....................yes
شاطرة ................بيقولوا كده
افوت محاضرة.....................nooooooooo

هههههههههههههههههههههههههههه
لا بجد والله يا جماعه انتو منورين والله
طبعا محبه وبسمه ليهم جزيل الشكر على المرور
واما تريكه بقى بجد بجد واحد من الناس اللى عمرى ما ندمت يوم واحد بس على معرفتها وعلى فكرة هو مش خبيث ولا حاجه دا بالعكس هو صريح زياده عن اللزووم وساعات كتير بيبقى زى المدب واللى ف قلبه على لسانه علطوول
بالنسبه لميدو والله يا ميدو كون ان مواضيعى حلو يعنى فدا اكيد بس من زوقك
بالنسبه لنهى والله انا يعنى طالب مبحضرش على رغاى كده
ااالصراحه كنز لا يفنى هههههههههههههههه

جامد يا كبير
بس ماقولتلناش انت مين فيهم
ههههههههههههههههه