اااااااااه يامصر

شوفوا معايا حكاية بلدى
عايزانى كده اكون شفاف
مش فاهم عايزينى صريح
ولا شوية يدوب يتشاف
ولسة يدوب كده بفهم حالى
لقيت تنطيط وهاتك ياهتاف
اتارى فى واحد قاعد جنبى
يقوللى استهدى واوعى تخاف
عايزينك كده واحد منا
وتكون انت السياف
على دولتنا وعلى حكومتنا
عشان بسببها بقينا اهداف
لكل جعان كده عايز ياكل
من خيرها كده ولا يتشاف
وايه فيها مابلدنا اتباعت
لخليجى اسمه ابو نواف
طالع واكل نازل واكل
ومن لحمنا لحم الاكتاف
بس كفاية زهقنا طهقنا
وعلشان كده راح اكون كشاف
يحرق كل الضلمة بنوره
و ويّا الناس ميات والاف
بس بسرعة نادولى قالولى
اوعى ياولدى تكون لهلاف
لحسن تفضل عمرك تندم
وتتعلق كده ع الخطاف
فينك يللى ندهت عليا
بعد ما قلتلى اوعى تخاف
ياما صرخت فى ودنى بصوتك
واتاريك انت الخواف
صوتّى يمّا عليا وادعى
و ارمى عليا بسرعة لحاف

ارجوووووووووووو ان يتسع صدر المشرفين لهذه القصيدة ولا ينقلوها للارشيف ويتركوا الفرصة لاعضاء المنتدى لرؤيتها علما بان هذه هى اول مشاركة شعرية رسمية منى على منتداكم الفاضل

و ارمى عليا بسرعة لحاف

شكلك برداااااااااااااااان يا ابوحميد




بس بجد تسلم ايديك تحفه

جزاكم الله خيرا
وعلى فكرة عادى فى المنتدى الاشعار دى تقريبا هتلاقى زيها كتير
فباذن الرحمن ما يتحول الى الارشيف
وان شاء الله تتحسن بلدنا وتكون احسن يا رب

نورت فقره المواهب يا ابوحميد
واكتب اللي انت عايزه واللي ييجي في بالك كله قوله
واوعي تكون بتخاف ههههههههه
ما فيش ارشيف ولا حاجه لاي مواضيع
مستنين منك المزيد ونورت المنتدي