استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

من طرف **dr_mido89** الجمعة 24 يوليو 2009, 6:48 pm

استمرار للاداء السئ للنادى الاهلى على يد مدربه الجديد حسام البدرى والنتائج المخيبة للامال
سقط الفريق اليوم بخماسية تاريخية من سيلتك الاسكتلندى على ستاد ويمبلى الشهير.
ظهر الاهلى بشكل مستمر من معسكر المانيا والشوط الثانى فى لقاء السوبر باداء باهت ومسير للاستفهام
وظهر لاعبوه بحالة توهان فى الملعب وكانهم فى تدريب .. على عكس فريق سيلتك الذى اخد اللقاء
بالاهمية المطلوبة وقدم مباراة قوية يستحق عليها الاشادة .

المباراة بدات هادئة كحال اى لقاء ودى وسدد جيلبرتو كرة فى الدقيقة السادسة واتبعها انقاذ للحارس امير عبد الحميد لفرصة خطيرة من الخطير ماكدونالد فى الدقيقة التاسعة ..
بعدها يمرر ابوتريكة افضل كرة له الى المهاجم الجديد فرانسيس الليبيرى ولكن الحارس ينقذ الانفراد فى الدقيقة 12..
واستمرت الفرص غير الخطيرة من الفريقين الى ان جاءت الدقيقة 27 وتنقذ العارضتين اخطر فرصة لفريق سيلتك فى المباراة ..
وفى الدقيقة 31 يهدى احمد على الهدف الاول لفريق سيلتك من خطأ ساذج لتباطؤه فى تشتيت الكرة من منطقة الجزاء..
وفى الدقيقة 39 ومن خطأ دفاعى اخر ينفرد ماكدونالد ويحتسب الحكم ركلة جزاء مشكوك فى صحتها وتعلن عن هدف ثانى لفريق سيلتك ..
وكاد احمد فتحى ان يقلص الفارق ولكن تسديدته ذهبت بجوار القائم ..

ومع بداية الشوط الثانى اخرج المدرب حسام البدرى النشيط سيد معوض والمتحرك ونزول احمد حسن ..
وفى الدقيقة 49 احرز سيلتك هدفه الثالث للخطير ماكدونالد من تسلل واضح فى غياب راية المساعد.
ظهر على الاهلى العشوائية والتمرير بالعرض اكثر من طول الملعب وخصوصا من اينو وحسام عاشور

وظهرت العصبية النادرة على نجم الفريق محمد ابو تريكة وعدم تاثيرة الايجابى فى المباراة

ويتغاضى الحكم لركلة جزاء واضحة لسيلتك اثر عرقلة احمد على لمهاجم الفريق

واحرز سيلتك هدفه الرابع للخطير ماكدونالد فى الدقيقة 58

واخرج المدرب حسام البدرى فرانسيس ونزول هانى العجيزى ويضيع ابو تريكة فرصة محققة لهدف الشرف

ويقوم المدرب حسام البدرى باخراج ابو تريكة ونزول اسامة حسنى وخروج اينو ونزول مصطفى شبيطة .
.
ويحرز سيلتك الهدف الخامس من غلطة ساذجة فى تغطية التسلل للمدافعين فى الدقيقة83

وسدد شبيطة كرة ابعدها الحارس ببراعة لركنية فى الدقيقة 87..

وينتهى اللقاء بعد دقيقتين وقت محتسب بدل ضائع .. وسط خيبة امل لمشجعين النادى الاهلى

جدير بالذكر ان هذه هيا رابع مباراة يخسرها الاهلى على يد المدرب الجديد حسام البدرى بواقع ثلاث مباريات ودية وواحدة رسمية امام حرس الحدود
وما يدعو للقلق لدى جماهير النادى الاهلى هو الاداء السئ تماما للفريق وعدم انسجام خطوطه وعدم تعود الفريق على طريقة اللعب الجديدة
ومما يدهش ان طريقة اللعب 4/4/2 التى يلعب بها المدرب هيا طريقة هجومية فى كل اندية العالم
ومع ذلك ظهر الاهلى بطريقة فى اكثر من مناسبة
فهل ستصبر جماهير النادى الاهلى على المدرب وطريقة اللعب الجديدة؟؟؟؟؟؟؟؟

من طرف ميدو الشريف السبت 25 يوليو 2009, 7:51 am

انا ع فكره شوفت الماتش وزعلان اووووووووى ع النادى الاهلى وقلقان بجد ع المستوى والطريقه دى
وبصراحه ادارة الاهلى دى بخيله ومش مقنعه ومعندهاش فلوس وبصراحه لازم يعوضوا ابوتريكه ماديا ومعنويا ياكده يا اما يسيبوا ابوتريكه يمشى وياخد فرصته ف الاحتراف لان نفسيته تعبانه بجد
ونفسى بصراحه يأتى رئيس غنى جداااا لللاهلى علشان يجيب احسن لاعيبه
وانا شوفت برنامج شوبير امبارح وكان معاه محسن صالح
وبصراحه انا عايز كابتن محسن صالح يبقى المدير الفنى للنادى لانه مدرب قدير جدا وخلوق وابن من ابناء النادى وبيحب الاهلى جدااااااااااااااااااااا

من طرف **د/على نور** السبت 25 يوليو 2009, 9:24 am

بصراحه يا جماعه بعد اللى شوفته امبارح ومستوى اللعيبه
والحاله النفسيه المضروبه بالنار مش عارف افضل اشجع الاهلى والا لا
وبصراحه احتمال اشجع الاسماعيلى لان بصراحه بموت فى الحضرى
ولو فيه ماتش بين الاهلى والاسماعيلى هشجع الحضرى الاسماعيلى يعنى
واللى كان امبارح ده يدل على ان الاهلى فى الضياع
وان حسام البدرى مش قد كده

من طرف ميدو الشريف السبت 25 يوليو 2009, 10:02 am

لالالالالالالالالالا يا د/على انت مش اهلاوى صميم تسيب الاهلى علشان خسر ماتش وتشجع الاسماعيلى علشان الهارب الخاين
مكنتش متوقع منك كده يا د/على وعموما براحتك يا ادمين

من طرف **د/على نور** السبت 25 يوليو 2009, 10:53 am

يا ميدو انت ما شفتش مستوى اللعيبه كان ازاى
ده ماكنش فيه ولا لعبه حلوه
دول 5 يا ميدو
وبعدين انت بتقول ليه على الحضرى خاين
بص يا ميدو كل انسان بيمر بفترات ضعت وضعف تفكير
الحضرى كان بس عايز يحترف وده حلم اى لاعب
وده من حقه لكن مش معنى كده اننا نقول عليه خاين

من طرف **dr_mido89** السبت 25 يوليو 2009, 11:01 am

طبعا يادكتور على مش علشان الاهلى خسر ماتش هتسيب ناديك
الزمالك ليه خمس سنين مش بيكسب حاجة ومع ذلك مفيش مشجع سابه
اما بالنسبة لموضوع الحضرى انا طبعا رافض كلمة خاين دى
لان ببساطة كدة ادارة الاهلى طماعة الى اقصى الحدود
وايه المانع لما اللاعب يحب مثلا يكون مستقبله او يخوض مرحلة جديدة فى حياته..
الحضرى جاب للاهلى الكثير والككثير من البطولات وكان لازم يبقى رد الجميل من الجماهير احسن من كدة شوية وهو عارف انه لو معملش كدة مكنش حد هيسيبه يمشى والدليل ابو تريكة اهو؟؟؟؟؟؟

وبعدين الراجل اعتذر ومحدش سمعله ..
بالتوفيق لحارس منتخب مصر

استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

رد: استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

رد: استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

رد: استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

رد: استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى

رد: استمرار للاداء السئ والنتائج المخيبة الاهلى يسقط بخماسية تاريخية على يد سيلتك فى ستاد ويمبلى