محدش هيرحب بيا في المنتدى ولا ايه !!

السلام عليكم

أهلا بأعضاء منتدى طب بيطري قنا جنوب الوادي

انا طالب لسه مخلص ثانوية عامة في السنه الفراغ السنه دي بس شهادتي شهادة معادلة من الإمارات

فالمهم شهادتي التالته ثانوي لما اتعادلت بالشهادة المصرية طلع معدلي 92 %

و 92 % بالنسبة للشهادات المعادله في السنه الفراغ مدخلتنيش ولا كلية حلوة غير كلية واحده بس و هيه طب بيطري قنا بس انا في المنصورة فمشوار طويل أوي

قبل كــــــده في السنوات اللي فاتت كانت 92 % شهادة معادله تدخل كليات الهندسة و قريبة من المنصورة كمان بالنسبة ليا

عموما اللي حصل حصل و التنسيق بتاع الشهادات المعادلة في السنه الفراغ دي طلع صعب اوي


فكنت عاوز أعرف معلومات عن طب بيطري قنا


سهلة ولا صعبة و نظام المعيشة هناك ازاي

أي معلومات أقدر استفاد بيها و بالمرة تفيدوني

بس ياريت اشوف ردود في أسرع وقت بعد إذنكم عشان انا بكره ان شاء الله رايح القاهرة للتنسيق اكتب طب بيطري قنا



و شكرا ...........

اهلا بيك يا امجد معانا فى الكلية والمنتدى

انا رايحة سنة تانية الدراسة حلوة اوووى وممتعة لو انت حابب الطب البيطرى

يعني سهله و دراستها حلوة و كله تمام


أدخلها و انا متطمن يعني ؟؟؟؟؟؟؟؟؟


عشان انا قلقان

المهم انك حابب تدرسها وما تتكسفش لما حد يقولك انت بيطرى وتوابعها

او تقول انا بدرس فى كلية الطب وتسكت!!!!!!!!!!!!!

اتوكل على الله واعمل زى ما انا عملت واكتب اول رغبة طب بيطرى جامعة جنوب الوادى

مخبيش عليكي يا بسمة او يا دكتورة بسمة احسن


مخبيش عليكي انا مش فارقة معايا

يعني مش حاببها ولا كارهها في نفس الوقت


و بعدين اتكسف و انا بقول بيطري ليه ؟؟
هوه عــــــــار ولا ايه

لا مش عار ولا حاجة دى زى السكر

اهلا بحضرتك ونورت المنتدى ويا رب وتستفيد منه
بس والله هقول لحضرتك حاجة ومش عشان دى كليتى ولا حاجة لا والله كمصلحة لحضرتك وافادة
انا راى بدام غربة بغربة
تعالى بيطرى سوهاج عندنا بجد
وان شاء الله على فكرة هتعيش دلع ولو ذاكرت كويس ربنا ان شاء الله هيكرمك وتكون معيد عدد الدفعة 18 ويمكن يقل
يعنى بجد يا حظك
والله
وحضرتك براحة حضرتك طبعا بس هو انى من راى دى افيد
وسوهاج مش وحشة والله كامكنيات كلية منكرش كل كليات بيطرى اى محافظة افضل لانى مبنية جديد بس المعاملة والحمد لله والله هتلاقى الدكترة اخواتك ولو نفسك تحقق ذاتك فى الكلية هيساعدوك وبجد
والله بيطرى حلو اووووووووووووووووى
وممتع وليه حظك السئ عسى ان تكرهوا شيئا وهو خيرا لكم
وربنا ييسر لحضرتك الخير والمنفعة فى اى مكان
وفقك الله

ايه يا محبة هتخطفى الذبون هههههههههههههههههههههههههههههههههههههههههههه

بهز يا جماعة محدش يزعل

بالعدد اللى بتقولى عليه يا محبة فسوهاج احسن

ربنا معاك

ههههههههههههههههههههههههههه
لا والله فعلا
احنا دفعتنا عددها اكبر دفعة عارفة كام 112 يا تقريبا اقل الله اعلم واحنا اكبر دفعة
وبصراحة نشهد عندنا الدكترة والله بجد
عشان عدد قليل بيساعدوا الطلبة جدااااااااا
واى دكترة كده طبعا
بس العدد عندنا بيساعد جدااااااااااااا
وانا عارفة انى امكانية سوهاج قليلة بس القوافل بتعوض كتير
يعنى الحمد لله لله
الواحد طلع قوافل للصبح الحمد لله
من كرم ربنا عليه فاتعلم الحمد لله

شكرا على الردود الجميلة دي


يا محبة حضرتك انا مينفعش اختار

أنا التنسيق بتاعي طلع وحش اوي اوي اوي و تنسيق صعب أوي


الكلية الوحيدة اللي ممكن أدخلها طب بيطري قنا

انا مينفعش اختار سوهاج ولا قنا عشان في تنسيقي الوحيدة اللي ممكن تجيلي هيه قنا


فمش ينفع اختار انا براحتي عشان تنسيق الشهادات المعادلة السنه دي صعب جدا

دي المعاهد الفنية واخده أعلى من 92 %

و المعاهد الفنية واخده أعلى من طب بيطري قنا


تنسيق آخر زمن و اللهي

الله يسامحهم بقى

يعني الواحد اتغرب في بلاد بره و رجع على الفاضي

كانك يا زيد ما غزيت


فأنا لازم لو هدخل طب بيطري و لو جتلي هتجيلي قنا


انا مجموعي مايدخلنيش طب بيطري سوهاج



و شكرا مرة تانية على الترحيب الحلو ده

اهلا وسهلا بحضرتك يا د\ امجد

ومعلش بقي الخيره في ما اختاره الله ان شاء الله هتتعود بسرعه
وتستريح فيها

طيب هو الكلام ده اكيد طيب ما تسال حضرتك تاني يمكن ينفع تيجي سوهاج

ههههههههه

خليتني دكتور خلاص

معدش له لزمة السؤال


هوه التنسيق بتاعي نزل و لو حد عاوز يشوف التنسيق بتاع الشهادات المعادله يدخل جوجل و يبحث في التنسيق أول حاجة هتظهر بوابة الحكومة المصرية أدخلوا عليها و شوفوا الشهادات المعادلة هتلاقوا الحد الأدنى للكليات

و هتشوفوا حاجات غريبة بقى


تنسيق غريب


أنا عارف مجموعي الاعتباري


التنسيق بقى اللي مكتب التنسيق نزله هوه ده اللي مكتوب فيه طب بيطري قنا



طب بيطري سوهاج واخده أكتر من مجموعي الاعتباري يعني واخده اكتر من 92 %


فمينفعش ادخلها



على العموم دي الصفحة اللي فيها التنسيق بتاع الشهادات المعادلة

[ندعوك للتسجيل في المنتدى أو التعريف بنفسك لمعاينة هذا الرابط]


طب بيطري سوهاج واخده 399 من 410 اللي هوه المجموع الاعتباري

أنا هحبها عشان انت فيها يا دكتور علي


أنا مش كاره طب بيطري خالص

أنا أخويا أصلا طب بيطري المنصورة

انا مش كاره طب بيطري و في نفس الوقت مش حاببها اوي


يعني مش هزعل لما أدخلها


شوف يا دكتور علي

في حالة التنسيق الزبالة اللي انا اتدبست فيه

أحمد ربنا اوي ان جاتلي طب بيطري قنا


مع اني هتغرب اوي لما اروح قنا بس مش مشكلة

الحمد لله على كل حاجة

انا لو دخلت طب بيطري مش هبقى زعلان ولا قرفان

و بعدين كل الكليات بتاخد الشهادات المعادلة

بس طب بيطري قنا هيه اللي محموعها صغير شوية

طب انا عندي سؤال لو تكرمتم

انا دلوقتي لو ربنا سهلها عليا و جتلي طب بيطري قنا


و انا عايش في المنصورة


إيه نظام المعيشة هناك في قنا ؟؟


المدينه الجامعية ؟؟؟

في طلاب مغتربين زيي كده ؟؟؟

بعد اللى قالو المدير الكبير اوى اوى بتاعنا يبقى لا تعقيب

بس طبعا ممكن ترحيب

خسارة والله بجد
بس الى ربنا بيريد بيه والله بيكون هو الخير لينا بس ما بناخد بالنا
ربنا يوفق حضرتك
ويكرمك فى بيطرى قنا
وممكن حضرتك ربنا يكرمك وذاكر كويس وتقدر تحول السنة الى جاية عادى ان شاء الله بس تكون المناهج ببتاعت المنصورة قريبة من قنا
احنا قنا وسوهاج زى بعض بالضبط مناهج لكن اسيوط مش كل حاجة فى اختلاف بسيط
لكن بقى المنصورة الله اعلم
فربنا ييسر لحضرتك
ونورت المنتدى

المفروض يعملوا كل المناهج زي بعض

عشان واحد زي حالاتي كده مش يتعلم منهج في قنا و لو ربنا كرمه يتعلم منهج تاني في المنصورة

أصلها كتر مناهج و التعليم واخد حقه و زيادة

أنا مش عارف أقولكم ايه بس بجد شكرا على الترحيب و شكرا على المعلومات

و بعدين هوه مش المفروض خلوا التحويل علطول في نفس السنه مش شرط آآخد أول سنه و أنجح فيها


بس أنا أساسا نتيجة تنسيقي هتظهر لما الدراسة تبدا على يوم الاحد كده ان شاء الله

على العموم كل اللي انا اتمناه انها تجيلي و خلاص طب بيطري

قنا أو المنصورة الاتنين حلويين


و انا من زمان و انا نفسي اروح الصعيد

منور المنتدى يا د/امجد واحب اقولك انه فى ناس من سنه خامسه من بحرى واحب اقولك برضه ان الولاد والبنات لما قعدوا فى قنا ماسبوهاش لانهم شافوا تقديراتها وناس قنا الطيبين واحب اقولك ان البحراويه يا سيدى معظمهم بيصاحب صعايدة وده لانهم بجد رجالة وجدعان وكمان طب بيطرى متكسفش لانها يا سيدى حتديك لقب دكتور وكمان لو عاوز فلوس بجد ممكن تكسب لو اشتغلت فى مجال بيطرى ويكفيك انك بتخفف الم حيوان مش عارف يشكيلك .
وصدقنى لو ذاكرت حتاخد حقك واتوكل على الله.
ومعلش طولت عليك.

أكيد أهل الصعيد رجاله طيبين و جدعان

انا في الفترة اللي انا فيها دي عندي مشكلة كبيرة و هيه اني أساسا نتيجة تنسيقي أول حاجة خالص نتيجة تقديمي في الأول اني استنفذت رغباتي

بعدين رحت مكتب التنسيق اللي في القاهرة و كتبت 5 رغبات في ورقة الاستنفاذ و اولهم طب بيطري قنا


نتيجة الاستنفاذ بقى مش عارف هتظهر امتى ؟؟؟؟ و هعرفها منين ؟؟؟

لم كنت هناك في مكتب التنسيق واحد قالي انها هتظهر على النت و كمان يومين تلاته
و واحد تاني قالي انها هتظهر كمان عشر أيام من يوم السبت اللي فات 18 سبتمبر و عشان اعرفها اروح مكتب التنسيق


مش عارف هما ليه بيعملوا كده و محقرين اوي الشهادات المعادلة كده ليه


انا نفسي و اللهي يا رجاله تجيلي طب بيطري قنا

انا خايف مثلا تجيلي نتيجة الاستنفاذ اني مش هدخل طب بيطري قنا

و النتيجة دي تيجي كمان متاخر اكون معرفتش ادخل طب بيطري قنا و ملحقتش حتى أدخل جامعة خاصة

عشان الجامعات الخاصة ليها معاد محدد برضو للتقديم


و في الآخر ملحقش أدخل جامعة


يا مسهـــــــــــــــــــل يارب

ربنا يسر لامة الحبيب عليه افضل الصلاة والسلام جميع الامور
خلى عندك ثقة فى الله وان شاء الله خير

ربنا معاك وطمئنا عليك