أشهر زبال في مصر.............

سبحانك اللهم وبحمدك اشهد ان لا اله الا انت استغفرك واتوب اليك


شرف إمام سلامة 31 سنة هو أشهر زبال فى مصر حاليا تخرج فى كلية العلوم قسم ميكروبيولجي عام 1999من جامعة الازهر عمل بعد تخرجه فى هيئة المصل واللقاح لمدة عام ورغم نجاحة بها إلا أنه لم يقنع براتبة القليل داخل الهيئة.
وشعر أن بداخله أحلاما وطموحات أكبر بكثير من الوظيفة الحكومية وعلى الفور ترك شرف هيئة المصل واللقاح وأنشأ جمعية أهلية لحماية البيئة ونظافة المجتمع ثم اشترى سيارة نصف نقل وقرر تجميع القمامة من منازل قرية البراجيل مقابل 3 جنيهات شهريا.
لكنه لم يتوقف عند ذلك فجمع مجموعة من الشباب وبدأوا في فرز القمامة التي يجمعونها يقسمونها حسب طبيعتها لبيعها للمصانع التي تقوم بتدويرها وحقق شرف المليون الاول في خمس سنوات بعدها تضاعفت أرباحه بشكل كبير وتوسع مشروعه وعمل معه عشرات الشباب واقترب ربحه السنوى من مليون جنيه.
واجه شرف فى بداية المشوار كما هائلا من الانتقادات خاصة من أسرته وعائلته فكيف يقوم خريج الجامعة بتجميع القمامة.. تحمل شرف كل الانتقادات وكان يدرك جيدا أنه سينجح لأنه اعتمد فى مشروعه على الأسلوب العلمي.
واستفاد من دراسته فى كلية العلوم.. يؤكد شرف أن القمامة من أغنى الموارد التي يمكن استغلالها خاصة قمامة القرى والقاهرة مشيرا إلى أن الدراسات أكدت أن أرباح طن القمامة 6 آلاف جنيه وتنتج القاهرة 15 ألف طن ويمكن أن توفر 120 ألف فرصة عمل للشباب.
شرف يسعى الآن إلى إنشاء أكبر شركة قمامة فى مصر وأن يتوسع في عمليات جمع وفرز القمامة .

مما سبق نرى أن العمل مهما كانت حقارته فليس هناك عيب.. فهذا شاب أنهى تعليمه الجامعي وأستغل علمه فيما يعود عليه بالمال الوفير... دعونا إخواني نخرج من عباءة الوظائف الحكومية ونلجأ إلى الأعمال اليدوية التي يثقلها العلم فسنصبح من خير الأمم

ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه
بجد هو المثل اللى يحتزى بى
ميرسى يا محبه على القصة العصاميه دى

والله بجد ؟؟؟
يعني انتوا الاتنين يا دكاترة ممكن بعد ما تخلصوا الكليه تشتغلوا زبالين ؟؟؟؟؟!!
متهيألي بتبالغوا شويه

شكرلك ع الموضوع ولكن الصيت ولا الغنى

ع فكره يا محبة الله
مشروع تجميع وفرز وتدوير القمامه مشروع ناجح جدا
وانا كان معايا له دراسة جدوى لاننا كنا هنعمله فسايف (ديه نشاط طلابى فالجامعه عندنا ) بس للاسف المحافظ موافقش غير لما يشوف امضة رئيس الجامعه ورئيس الجامعه كان رافض الفكره وشايف ان ده موضووع كبير علينا
رغم انه كان هيخلى عمال الزباله دول اغنى من بتوع الدهب بس منه لله
وعنده حق صاحبنا ده يفكر فالمشروع ده

جزاكم الله الفردوس الاعلى
وشكرااااااااااا جداااااااااا لكل الردود المحترمة
ربنا يجزيكم كل خير
شكرا دكتورة هنا
وشكر دكتور مصطفى
وبجد والله ربنا يجزيك الفردوس الاعلى ويكرمك ويحبك يا وسام بجد فكرتك حلوة اوى خسارة انها ما اتنفذت
بس يكفى فكرك فى شئ كده بجد ربنا يحبك
ويكرمك فى حياتك

أنا لاحظت انكم مردتوش ع سؤالي هو بجد ممكن تعملوا كده ؟؟ ولا هو كلام و شعارات و تمثيل و والله موضوع جمييييييييييل و مشكووووووووووووووور و الكلام ده
بس انتوا شكلكوا زعلتوا من كلمه زبالين اللي في السؤال بس أقولكم ع حاجه لو انتوا بتتكلموا بجد و مقتنعين باللي بتقولوه مكنتوش زعلتوا منها
بس للأسف يدوب اهو بكلمه صغيرة كنت قاصدها ظهر ت الحقايق

جزاك الله خحيرا يا محبه

وبجد موضوع رائع جدا جدا جدا والله

ومشروع جميل برضه
بجد شكرا ليكي يا قمر ديما موضوعاتك متميزه
وردودك محترمه وجميله ديما
ربنا يجزيك خيرا

ويجزيك يا حببتى الفردوس الاعلى يا رب
ربنا يحبك يا ماى جول وانتى حببتى الى تستاهلى اكتر من كده
جزاكى الله كل خير
وشكرااااااااا حببتى لردك الاكثر من عطر ومحترم

sasa_4_viera@
تسمح لى ارد بالنيابه عنهم
محدش قال انه هيشتغل زبال ولا حاجه
احنا قصدنا انه كان انسان بيفكر صح وبعدين ده مكانش زبال يعنى مكانش مبهدل ولا جاهل ولا اى حاجه من اللى تخلى الواحد يكره المهنه
ده الراجل عامل جمعيه للحفاظ ع البيئه بمعنى اصح شركه زى شركات الزباله المشهوره فمصر ومش لازم تلم الزباله بايدك وتمشى تكنس الشوارع وانا عن نفسى لو عندى راس مال هعمل الشركه ديه
لانى بحلف انها بتكسب دهب

ربنا يحبك يا رب يا وسام ويجزيك الفردوس الاعلى لردك المحترم
وعقلك المتوازن اعزك الله يا رب
ربنا يكرمك ويجزيك كل خير
يا رب تكون ساعة اجابة ليكى يا رب