اكتر حاجه بتفرح الشاب المصرى ..

لما ابوه يقوله على اي حاجه برافو عليك ايوه كده..

-لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!

-لما يكون بيكلم بنت على النت وتقوله انت ظريف اوي

-لما يعرف ان النهارده جاي فيلم جديد على روتانا سينما مشافوش قبل كده

-لما يعرف انه كسب حتي علبه سجاير في اي سحب

-لما يجيب قميص جديد وينزل بيه اول يوم ويحس ان الناس كلها بتتفرج -عليه ..

-لما يدخل امتحان الكليه يلاقيه جاي من الصفحتين اللي ذاكرهم امبارح

-لما يكون قاعد على شات ياهو ويلاقي بنت باعتالو ممكن نتعرف

-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..

-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..

-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم

-لما يكسب ماتش على البلاي ستيشن او فيفا

يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟

-لما واحده تقوله على فكره انت صوتك حلو اوي

-لما يدي معاد لبنت ويروح يلاقيها وصلت قبله .. ودي بنفس استحاله مجي الاتوبيس فاضي..

-لما
يجيله مسج على موبايله ويلاقيه حاجه غير (كلمني .. شكرا ..بالاضافه
لمعلومه مهمه جدا كان هيلوص لو مكانتش جت في المسج على غرار اربط الحزام
تنجو من الحوادث.. او دلوقتي كروت الشحن بقت بنفس السعر المكتوب عليها
!!!!)

-لما يكسب اول فلوس من شغل ..

-لما حد يقرا حاجه هو كاتبها ويقوله عليها انها حلوه اوي ..

-لما يقول نكته لصحابه ويضحكو من قلبهم ..

-لما يحب اول مره ..

-لما يحرج بنت في الشارع ادام الناس بعد ما هزاته..دى صعبه شويه

-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!

-لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!

-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب ا
لنصر وباب الخلق بشكلهم القاهري اللي بجد ..

ولما يسافر اسكندريه يستجم بعد الامتحانات ولما ينجح في الامتحانات

-ولما امه تدعيله ولما ياكل اكله حلوه من عند جاد او ابو طارق او لما يكون عطشان ويلاقي كولدير ساقع اوي

-لما يجيله مسج من حبيبته او لما يكسب واحد صاحبه في ماتش شطرنج طويللما يكون مخنوق ويلاقي صاحبه بيكلمه بيقوله ماتيجي ننزل

-الشاب المصري بيكون مبسوط لما يحس ان ربنا كارمه ...

-الشاب المصري بينبسط من اقل حاجه

احسن شباب فى الدنيا

من طرف **wessam** الجمعة 27 أغسطس 2010, 10:14 pm

لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!

اهى ديه اكتر حاجه بتفرح بجد واحساسها حلو اووى
بس الموضوع ع بعضه تحفه تحفه

من طرف **cafu** الجمعة 27 أغسطس 2010, 11:32 pm

الشاب المصري بيكون مبسوط لما يحس ان ربنا كارمه ...

-الشاب المصري بينبسط من اقل حاجه

احسن شباب فى الدنيا

وكمان يبسط الشب المصري لما يروح يتقدم للي بيحبها واهلها يوافقو
ويبسطه لما المنتخب بيفوز
ويتسبط اوي اوي لما يدخل محل ويلاقي فيه استاذه اللي بيحه

ويتبسط برضه لما يكون ماشي مخنوق ومش لاقي حد يفضفض معاه ويتصل بيه حبيبه او يقابل صاحبه بتاع زمان وبمجرد ما يشوفه يترمي في حضنه ويبكي ويشكي
الشب المصري مش زي اي شب مهما كانت طبقته غني او فريق