بحب امريكا

من طرف **د/على نور** الجمعة 20 أغسطس 2010, 12:47 pm

بحب امريكا

وحبها غيه وادمان

بحب امريكا

لانى بحب الحريه وحقوق الانسان

بتجينى فى الاحلام لابسه الابيض

والدم منتور على الفستان

اسال نفسى ده دم عراقى ولا افغانى

الدم ده كوبى ولا يابانى

بحب امريكا لانى بحب اللون الاحمر

لون الدم

الدم فى امريكا دم الزنجى والهندى

فى الارجنتين دم جيفارا

فى تشيلى دم الليندى

الدم فى سينا دم ابويا وجدى

الدم فى فلسطين

قانا وديرياسين

صابرا وشاتيلا وجنين

انا لما بشوف تمثال الحريه

بنسى امريكا فى افلام السيما

بفتكر فيتنام . نجازاكى وهيروشيما

لما بشوف تمثال الحريه

بفتكر ابوغريب وجوانتانامو

وسجون اوروبا السريه

بفتكرحدوته ياسين السايح دمو

وصرخات بهيه

انا لما بشوف تمثال الحريه

بفتكر الناس اللى بتموت من الجوع

لاجل تعلى الراسماليه الامريكانى

بفتكر دم يسوع

وبشوف امريكا جندى رومانى

عامل فيها رب

نازل فينا صلب

واحنا بنصرخ بالصوت الحيانى

ولا حدش سامع

اصلهم زى ما سرقو القوت

كتمو الصوت

ومحدش عاد سامع

انا لما بشوف تمثال الحريه

بفتكر الكاوبويز تجار الحرب

بفتكر اللون الاحمر

ودم الهندى الاحمر

وارجع احب امريكا كمان وكمان

مش قولتلكم الحب ده غيه وادمان

من طرف **wessam** الإثنين 23 أغسطس 2010, 9:59 pm

موضوع جميل يا على
وعندك حف تحب امريكا
بس يارب نحبها زى الدبه اللى قتلت صاحبها من كتر الحب
ونبقى خلصنا منها بالزوق

على يااااا ويكا معقوله بتحب امريكا شيكا بيكا

بحب امريكا

بحب امريكا

رد: بحب امريكا

رد: بحب امريكا