انا مصرى جدا

كيف تتعرف على المصري؟

المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

اتمنى ان يكون اعجابكم ............
************************************************** *******

وارجو ان مفيش اى حد يزعل دية مجرد فكاهة وانا مصرى وطبعا فية مش حاجة واحدة حجات كتير ودة شى ميعبنيش ى حاجة
والشى الذى يسعدنى فى النهاية انى مصرى ابا عن جد وانا فخور

من طرف **wessam** الجمعة 13 أغسطس 2010, 10:50 pm

طبعا الموضوع عجبنا
لانه فعلا اكتر من تلات اربع الحاجات المكتوبه كل واحد فينا بيعملها
تعملو اه بقى شعب غريب بس لذيذ ومنقدرش نبعد عنه
بجد المصريين دول تركيبه غريبه ميعرفهاش غير اللى خلقها ومفيها شوية تناقضات روووووووعه

من طرف **محبة الله** السبت 14 أغسطس 2010, 12:12 am

بجد جميل اوووووووووووووووووى
اضحك الله سنك
ررررررررررررررررررررائع فعلا ضحكت جدا منه جزاكم الله خيرا
بس فعلا والله احلى واطيب قلب المصريين كلهم ومحدش يزعل لانى ده بيحصل كتير وفعلا هههههههههههههههههههههههه
مضحك اوى

من طرف **Dr\ Basma** السبت 14 أغسطس 2010, 12:39 am

هههههههههههههههههههههههههههههههههههههههههه

هههههههههههههههههههه

انا مصرى جدا

انا مصرى جدا

رد: انا مصرى جدا

رد: انا مصرى جدا

رد: انا مصرى جدا