الاخطبوط يعلن اعتزاله!!!!!!!

من طرف **dr_mido89** الثلاثاء 13 يوليو 2010, 12:38 am

أعلن بول "الأخطبوط" اعتزال توقعات نتائج المباريات والعودة إلى ممارسة حياته الطبيعية، عقب نجاحه في توقع نتائج مونديال جنوب إفريقيا بنسبة 100%.
ويتوقع الأخطبوط الذي يعيش في ألمانيا نتائج مباريات المانشافت منذ عام 2008، وبلغت نسبة نجاحه في كأس العالم 100%، فيما بينهم الخسارتين أمام صربيا وإسبانيا، ولم يفشل سوى في نهائي يورو 2008 أمام إسبانيا.
ويختار الأخطبوط منذ بداية البطولة الفريق الفائز في مباريات ألمانيا عن طريق دخول صندوق عليه العلم الألماني أو صندوق يحمل علم الفريق المنافس، ولكن لأول مرة في مونديال 2010 توقع نهائي المونديال الذي لم يشارك فيه المانشافات، بدخوله في صندوق المنتخب الإسباني.
وذكر المتحدث الرسمي باسم مركز الحياة المائية الذي يعيش فيه الأخطبوط "قرر بول الاعتزال، والعودة لممارسة طقوس حياته الطبيعية".
وتابع "الآن سيعود ليفعل ما يفضل تأديته دوماً، أن يلعب بأذرعه ليداعب الأطفال الذين يزورونه".
وهاجم بعض الألمان الأخطبوط عقب الخسارة أمام إسبانيا، وطالب الكثيرون إعدامه أو التخلص منه برميه في البحر حتى لا تؤثر توقعاته على روح اللاعبين.

من طرف **cafu** الثلاثاء 13 يوليو 2010, 1:10 am

بس ، تاهت ولقيناها، احنا نحط لفافة البانجو بنت اللذينا دي فى صندوق، ونحط الاثنين المخبرين في صندوق تاني، ونجيب الأخطبوط بول، واللي يختاره يبقى هو ده اللي قتل خالد سعيد.
يشتغل مع القضاء المصري احسن من الاعتزال
واهو القاضي بيقبض شئ وشويات

من طرف sasa_4_viera الثلاثاء 13 يوليو 2010, 5:14 am

ههههههههههههه
أحلى حاجه في الدول المتقدمه أنا بحبها انهم بيحركونا زي ما هما عايزين
عايزين يودونا لتخاريف و شغل دجل و شعوزة ماشي عايزين يتكلموا في حقايق علميه و ثوابت ماشي
و احنا ولا فالحين في ده ولا حتى ده
فالحين في الكلام و بس والله نستاهل كل اللي بيجرالنا

من طرف HITLER الثلاثاء 13 يوليو 2010, 6:43 am

دة اسمو تنجيم لا يعلم الغيب الا الله سبحانه فبلاش نتكلم فى التخاريف دى

والله ابليس مش بيدخل دخلات زى دى
هما عايزين يخلونا نخالف الدين واحنا زى الب.........ر بنتساق لافكارهم

من طرف **federerson** الثلاثاء 13 يوليو 2010, 8:58 am

انا بعترف ان ده جدل
بس يا جماعة الاخطبوط ده اتوقع ماتش المانيا وصربيا ان صربيا هتفوز كل العالم كان يتوقع ان المانيا هتفوز اقل حاجة اربعة زى معملت فى استراليا ولكن ها هو الاخطبوط يصدق توقعه
وكله بامر الله تعالى

الاخطبوط يعلن اعتزاله!!!!!!! 12308

من طرف **dr_mido89** الثلاثاء 13 يوليو 2010, 1:04 pm

والله ناس هبلة وفاضية اساسا
ده تنجيم مش اكتر
ثم ان معظم الماتشات نتايجها يتوقعها اى حد باستثناء طبعا ماتش صربيا هو اللى
جه معاه صدفة بصراحة
ثم انه غلط ف يورو 2008 وكان متوقع المانيا تكسب وخسرت
(كذب المنجمون ولو صدفوا)

من طرف **cafu** الثلاثاء 13 يوليو 2010, 2:48 pm

انا لما نزلت ردي كنت بتريق على مهزلة في مصرمش اكتر

من طرف medo007 الإثنين 02 أغسطس 2010, 6:50 am

ايه يا عم فيديرير
هنعك ولا ايه
لا يعلم الغيب الا الله

الاخطبوط يعلن اعتزاله!!!!!!!

الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!

رد: الاخطبوط يعلن اعتزاله!!!!!!!