اختبار قياس مستوى ذكاء المواطن المصري

من طرف **AMRO_MOuBaRAK** الخميس 08 أبريل 2010, 4:42 pm

س: هل صحيح إن كُتر السلام يقل المعرفة؟

ج: صحيح فيما عدا السلام
مع إسرائيل، كُتر السلام معها يعمق المعرفة والبيزنس.

س: 60 %من
الرجال المصريين يشخرون وهم نائمون... ما تعليقك؟

ج: الـ 40%
الباقون بيشخَّروا وهما صاحيين.

س: ليه القانون لا يحمي المغفلين؟

ج:
علشان يوفر فرص عمل للبلطجية.

س: لماذا تحاول الحكومة المصرية
إلغاء مجانية التعليم؟

ج: علشان ماحدش بيتعلم ببلاش.

س:
القيادة السياسية تدرس مع القادة العرب فرص إحياء عملية السلام... ما
تعليقك؟

ج: أهي دي بالذات حاجة ماحدش يقدر يحييها غير اللي خلقها.

س:
ليه سموها بلاد بره؟

ج: علشان بلاد (باره) بأولادها.

س: 87 %
من الشعب المصري ساخطون علي الحكومة المصرية.. ما تعليقك؟

ج: الـ
13% الباقون في بورتومارينا.

س: إيه المشكلة في كتابة التاريخ
عندنا؟

ج: المشكلة أننا بنكتب التاريخ بنفس الطريقة اللي بنربي بيها
أولادنا.. مابنقولهمش الحقيقة، بنقولهم اللي إحنا عايزنهم يعرفوه.

س:
45% من المصريين مصابون بمرض السكر.. ما تعليقك؟

ج: آدي اللي خدناه
من (الحلواني) اللي بني مصر.

س: ما تعليقك علي أن 65% من الشباب
حاليًا لا يمانع في الزواج من امرأة مطلقة؟

ج: لا شيء يفوق الخبرة.

س:ليه
فيه ناس هتروح النار؟

ج: علشان الزبالة بعد ما بتتلم لازم تتحرق.

س:
هل لك أي أقارب استشهدوا في الحرب؟

ج: لأ.. عندي أقارب استشهدوا في
السلام... السلام 98.

س: ما هي المسلسلات العربية؟

ج: هي
الضلع الذي حول مثلث (الجهل والفقر والمرض) إلي مربع.

س: لمن ستتبرع
بأعضائك عند وفاتك؟

ج: أنا شخصيًّا سأتبرع بجسدي كله لأبحاث الخيال
العلمي.

س: ما تعليقك علي أن المصريين لا يتحدون إلا لما يكون
المنتخب بيلعب؟

ج: الاستاد هو الحل.

س: ما الدليل علي أن مصر
بلد الأمان؟

ج: الدليل إن الواحد بيتردد كتير قبل ما يدخل أي قسم
شرطة.

س: ما رأيك في خط خدمة تفسير الأحلام؟

ج: هيكون أحسن
لو فيه خط خدمة تفسير الواقع.

س: بما تنصح أي طفل عندما يجد أباه
وأمه (متخانقين)؟

ج: أنصحه بـ (إوعي تدي راسك لماما علشان تسرّحها).

س:
إيه الكلمة اللي ماتحبش تسمعها وأنت في أوضة العمليات؟

ج:يا خسارة.

س:
ما الفرق بين الزوجة المصرية والزوجة اللبنانية؟

ج: 30 كيلوجرامًا
علي الأقل.

س: بماذا ستجيب كمصري عند سؤالك عن عمرك فيما أفنيته بعد
عمر طويل؟

ج: أفنيته في إشارة قصر النيل مستنيها تفتح، وفي صلاح
سالم مستنيه يتحرك، وعلي كوبري أكتوبر مستني لما رئيس الوزراء يروَّح.

س:
لماذا يقال عن الشعب المصري إنه شعب فوضوي؟

ج: علشان بيكره
(النظام).

س: اذكر اسم شخصية عامة معروفة مابتكبرش أبدًا!

ج:
بكار ..

س: ما رأيك في الرجل الذي تقع منه ساعة يده في التواليت؟

ج:
سيقضي وقتًا زي الخرة.

س: ما الصفة التي مازالت أصيلة في المصريين
منذ عهد الفراعنة؟

ج: حب الخلود.. وهو ما يبرر أن عدد أسماء الأحياء
في صفحات الوفيات أكثر بكثير من عدد أسماء المتوفين.

س: ما أهم
قاعدة موجودة في مصر؟

ج: إنه مافيش قواعد لأي حاجة.

س:
بالرغم من أن مجتمعنا مليء بالنماذج الجيدة فإنهم غير قادرين علي تغيير
المجتمع الذي يعيشون فيه.. ما تعليقك؟

ج: بالضبط مثلما فشل الإسفنج
في امتصاص ماء البحر الذي يعيش فيه.. الموضوع محتاج معجزة.

س: ما
الفرق بين الغناء زمان والغناء دلوقتي؟

ج: الفرق بين الغنا زمان
والغنا دلوقتي زي الفرق بين أمير الشعراء وأمير طعيمة.

س: عرف
الحصانة؟

ج: شهادة تعفيك من المساءلة القانونية بالضبط مثل شهادة
معاملة الأطفال.

س: ما الفرق بين القدر والحظ والنصيب؟

ج:
القدر أن تجد الحب، والحظ أن تتزوج ممن تحب، والنصيب أن تؤمن بعد فترة أن
(الحب حاجة والجواز حاجة تانية).

س: ما الفرق بين أم كلثوم وفيروز؟

ج:
الفرق بين أم كلثوم وفيروز هو الفرق بين الخلفية الموسيقية لقصة الحب،
وقصة الحب نفسها.

س: عرف المدن الجديدة؟!

ج: المدن الجديدة
هي كيس الجلوكوز الذي يتم تعليقة قريبًا من جسد المريض.

س: ما
الوفاة الإكلينيكية؟

ج: هي اللحظة التي تتحول فيها في عيون زوجتك من
(ذكر) المنزل إلي (لا والله الحاج لسه نايم).

س: ما الفرق الأهم
بين مصر وأمريكا؟

ج: الفرق الأهم أن عائد السياحة من الهرم المزيف
الموجود في لاس فيجاس مئة ضعف عائد السياحة من الهرم الحقيقي.

س: ما
وجه الشبه بين السد العالي وقانون الطوارئ؟

ج: الاثنان مصدر
(للكهربة).

س: لماذا يطلق الرجال المصريون علي زوجاتهم لقب
(الحكومة)؟

ج: لصعوبة تغييرها مهما تسببت في كوارث.

س: أين
يمكنك أن تلاحظ سوء نية المصريين؟

ج: عندما يغنون للطفل البريء اللي
لسه بيستمتع بالرز مع الملايكة بمنتهي الخبث قائلين: يارب ياربنا (تكبر
وتبقي زينا).

س: إيه أحلي حاجة في الفلوس؟

ج: إنها بتخليك
تستغني عن الناس.

س: إمتي بتحس إن البلد حلوة؟

ج: ماباحسش إن
بلدنا حلوة غير لما داليدا تقول (حلوة يا بلدي).. بغض النظر إنها قالتها
وانتحرت!.

س: لماذا يشعر المصري بكل هذه البهجة عندما يتناول طبق
(أم علي)؟

ج: هي البهجة نفسها عندما يستمتع أحد آكلي لحوم البشر
بأكل ممثل كوميدي.

س: عرف مهنة المأذون؟

ج: المأذون ضابط
مرور مهمته أن يجعل حياة الرجل (اتجاهًا واحدًا).

س: عرف
الديمقراطية؟

ج: الديمقراطية أن تشتري التليفزيون الذي تختاره زوجتك
بشرط أن تجعل الريموت كنترول في يدك طول الوقت.

س: عرف العزوبية؟

ج:
العزوبية هي (العذاب) الذي لا يعرف الرجل قيمته إلا بعد أن يتزوج.

س:
ما النزاهة من وجهة نظرك؟

ج: النزاهة .. أن تسرق و(ماتتمسكش).

س:
من هم شباب الخريجين؟

ج: شباب الخريجين هم الشباب الذين خرجوا
و(ماعرفوش يدخلوا تاني).

س: عرف التطبيع؟

ج: أن تصنع علاقة
طبيعية مع (واحد مش طبيعي).

س: ما هو الفكر الجديد؟

ج: مجرد
remix حيث يتم عزف اللحن القديم نفسه ولكن بآلات جديدة.

س: عرف مجلس
الشعب؟

ج: هو مسرح يجلس فيه المُلقن بالعكس، ويقوم فيه الممثلون
بالتصفيق لأن الجمهور غير مهتم.

س: ما الفئة التي تستحق أعلي رواتب
في البلد؟

ج: فئة عمال النظافة طبعا لأنهم يعملون في بلد (عايزة
الكنس).

س:إمتي هناكل جوافة من إنتاج مزارع توشكي؟!

ج:
المفتي قال: الجوافة حرام

س:
ليه سموها بلاد بره؟

ج: علشان بلاد (باره) بأولادها.

س:إمتي هناكل جوافة من إنتاج مزارع توشكي؟!

ج:
المفتي قال: الجوافة حرام

س:
ما النزاهة من وجهة نظرك؟

ج: النزاهة .. أن تسرق و(ماتتمسكش).

هههههههههههههههههههههههههههههههههة
هههههههههههههههههههههة
هههههههههههههة
ههههههههههة
هههههههة
هههة
هة
ya moubarak ya gamed

من طرف **AMRO_MOuBaRAK** الخميس 08 أبريل 2010, 5:33 pm

هههههههههه اى خدمة يامصطفى طب خدت بالك انت من
س: ما تعليقك علي أن
65% من الشباب
حاليًا لا يمانع في الزواج من امرأة مطلقة؟

ج: لا
شيء يفوق الخبرة.

ههههههههههههههههههههههههههههههههههههههههههههههههه

شفتها طبعا بس انا مبحبش قله العدس دى
على الرغم انى مع الشباب دول
دول حتى هيوفرو كتير
weeeeeeeeeeeeeeeeeeez

من طرف **Dr.A.MATRIX** الخميس 08 أبريل 2010, 9:19 pm

كلام جميل

بس دي مصر

ولا تعليق

وانا شفت الكلام ده قبل كده

اختبار قياس مستوى ذكاء المواطن المصري

اختبار قياس مستوى ذكاء المواطن المصري

رد: اختبار قياس مستوى ذكاء المواطن المصري

رد: اختبار قياس مستوى ذكاء المواطن المصري

رد: اختبار قياس مستوى ذكاء المواطن المصري

رد: اختبار قياس مستوى ذكاء المواطن المصري