رأيي الخاص

من طرف زينب كامل الثلاثاء 06 أبريل 2010, 10:12 am

أهلا ...في الجزء الأخير من مقالة الشهر دا ...وعدتكم فى الجزء الثاني إني أقولكم على رأيي الخاص ..فاكرين ؟

بس قبل ما أقولكم؟ على رأيي ليكم عندي أسف وشكر .....

بالنسبة للأسف هو بخصوص طول رحلة الشهر دا ..بس ماكنش ينفع إني أعملها في ثلاث رحلات علي مدار ثلاثة شهور .كان لازم تكون في رحلة واحدة حتي لو كانت طويلة وأسفة لأني أتأخرت عليكم في بدء الجزء الأول من رحلة الشهر دا .لظروف خارجة عن إرادتي .علي فكرة أنا مش من صفاتي عدم الالتزام بالمواعيد ...

بقدم ليكوا شكر خاص علي ردودكم الهايلة .

ودلوقتي إيه رأيكم تسمعوا رأيي !!!!!

جيل الشباب دلوقتى جميل جدا..مش شباب هايف أو متهور أو تافه أو .......... أو......... حاجات كتير .

أنا مش مقتنعة ببعض الآراء اللي أنا عرضتها في المقالة السابقة لأنها آراء سلبية .وسؤالى لأصحاب الآراء دي من الشباب إنتو شايفين نفسكم ضمن أى جزء من الشباب ؟.....إذا كان دا رأيكم في الشباب ...

على فكرة مش معنى إن فى شوية من الشباب سئ يبقي الشباب كله كدا بس في مجتمعنا السئ بيغطى على الكويس .حتي لو كانت النسبة قليلة ..عارفين أكبر دليل أن شبابنا كويس هو المنتدى اللي إحنا موجدين عليه عبارة عن تفكير راق لمجموعة من الشباب هو صحيح مش شباب كامل في كل حاجة بس هو حاول ولقي نفسه في حاجة ...

ودليل تاني ..المعيدين اللي بيدروسلنا مش شباب عرفوا هدفهم وشقوا طريقهم ..

ودليل تالت .لاعبين كرة القدم ذو الخلق الرفيع في العالم وفي مصر واللي إحنا بنحبهم وبنشجعهم مش شباب ناجح في مجاله ..

ونماذج كتير متفوقة سواء في المجال العلمي أو التكنولوجي أو الأدبي وفي مجالات كتيرعلي فكرة ..

وعلي فكرة في دليل أقوي من كل دا . أي واحد فينا لو وقف لدقيقة وفتش جوا نفسه حيلاقي حاجات حلوة كتير ..أهم حاجة هو بس يدور . عرفتوا أن شبابنا مش فاشل ولا تافه وعلي فكرة إحنا اللي وصلنا الفكرة دي عن جيلنا بكلام شبابنا دا ..لما نفضل نقول دا شباب تافه دا جيل فاشل .طب أنت اللي بتقول كدا أنت مين .ما أنت واحد منهم .

انتظروني في الرحلة القادمة واللي حيكون موعدها في منتصف كل شهر ..

دلوقتي تقدروا تفكوا حزام الأمان علشان رحلة الشهر دا انتهت .

انتظروني في الموعد علشان نكمل رحلاتنا علي طائرة من أجل الحياة .

من طرف **ملك روحى** الثلاثاء 06 أبريل 2010, 10:27 am

بجد تحيييييييييييييييييييييييييياتى القلبية لكى يا زينب والله بجد كلامك اكثر من الروووووووووووووووووووووووووووووووووووعة هو ده اللى نفسى اقوله بجد باهنيييييييييييييييييييييييييييييييييييييييييييييييييييكى على عقليتك الجامدة دى والدليل الرابع ان احنا مش جيل فاشل واحده منه هى انتى بافكارك العميقة وذكائك

من طرف **wessam** الثلاثاء 06 أبريل 2010, 7:27 pm

فعلا يا زينب
جيلنا مش فاشل ولا حاجه
وياريت يا جماعه نبطل نقول كده اصل احنا من كتر ما بنقولها ممكن نصدقها ونبقى جيل فاشل بجد

وانا بشكرك عالرحله الرائعه اللى طلعتينا بيها لفوق السحاب
وده بسبب علو الفكر واللغه وكل حاجه كانت رووووووووووووووعه فالموضوع اللى فات

واحنا منتطرين الموضوع الجديد بفارغ الصير
وشكرااااااااااااااااااااااا كتير ع الموضوع الاول

رأيي الخاص

رأيي الخاص

رد: رأيي الخاص

رد: رأيي الخاص