تصدق مصر هى السبب

من طرف **federerson** الجمعة 02 أبريل 2010, 12:51 pm

مصر بقت الشماعه اللى بنعلق عليها مشاكلنا
وهمومنا واخطائنا بس عندنا حق برضه

اصل مصر هى اللى اتحايلت على الموظف عشان ياخد رشوة ويبقى
مفيش مصلحه تتعمل فى البلد من غير رشوة

واصل مصر هى اللى قالت للطالب بجد لومش غشيت هزعل منك
وخلت الغش حق مكتسب والمدرس بنفسه هو اللى بيدخل الورق اللجنه

واصل مصر هى اللى قالت للناس خليكم سلبيين وسيبوا اللى
يتظلم يتظلم واللى يظلم يظلم وكل واحد يقول يلا نفسى

واصل مصر هى اللى قالت للشباب
يابنى ارتبط دا انت كده بتعمل خير مش احسن ما تخطب البنت وتسيبها وساعتها
تتكتب عليها خطوبة ياعينى دا انت كده ملاك

واصل مصر هى اللى قالت للاهل يطلعوا عين العريس اللى لسه فى بداية
حياته وبيقول يا هادى وده كله بمطالب لمجرد التفاخر والمنظرة ومش مهم
اخلاق العريس المهم جيبه هو فى حد بياكل اخلاق اليومين دول

واصل مصر هى اللى قالت للبنت البسى اللى انتى عاوزاه دى موضه
fashion يا بنتى بلاش جهل بقى خليكى استايل المهم انك لابسه الايشارب هو
صحيح نص شعرك باين بس مش مهم دى موضه

ومصر هى اللى قالت للناس خلوا
دماغكم كلها كورة وانسوا كل حاجه تانيه وقالت للشباب اهم حاجه عندكم فى
الحياة فريقكم وانكم تشجعوه فى الاستاد كل الماتشات مش واحد ولا اتنين
.واحد ولا اتنين ايه بس انا كده هأبدأ
اشك فى حبك للفريق وطبعا لازم تسافر وراه كل حته ايه يعنى فلوس ضايعه ايه
يعنى ناس تانيه مش لاقيه تاكل ولا تتعالج امال اللاعيبه تاخد ملايين ازاى
هو صحيح العلماء مش لاقيين ياكلوا بس علماء مين بس احنا فاضيين للناس دى
بانفجاراتهم بتجاربهم العجيبة دى

ومصر هى اللى قالت للاب والام سيبوا بنتكم تلبس على الموضه
ومش بس كده ساعدوها على كده كمان
زى اسلامى ايه
بس احنا فاضيين لكده برضه لازم البنت تلبس على الموضه حتى لو مش مناسبه
للدين والا هتعنس وتقعد على قلبكم

ومصر برضه هى اللى قالت للشباب خليكوا كول وكبروا الجى وروقوا
الدى وسقطوا البنطلون والبسوا السلسله والانسيال والحظاظه طبعا ده استايل
يا جماعه افهموا بقى

ومصر اللى قالت للفنانين والمخرجين اعملوا افلام زى ما
انتوا عاوزين دى مناقشه مشاكل يا راجل دين ايه وقيم ايه دا انت قديم اوى

ومصر هى اللى قالت للشباب اقعدوا على القهوة ومش تتعبوا
نفسكوا فى التدوير على شغل اصل الشغل دلوقتى بيتسلم ديليفرى بس شغل ايه
وكلام فاضى ايه دلوقتى المهم ماتش برشلونه امتى؟

ومصر هى اللى ادت اعضاء مجلس الشعب منوم عشان يناموا فى
الجلسات وهى اللى دربتهم على رفع ايدهم موافقه وهو نايمين وهى اللى قالت
لهم انسوا الناس اللى انتخبوكم ومش توروهم وشكم الا على الانتخابات الجاية

ومصر برضه هى اللى قالت للوزير يبقى عضو مجلس شعب يعنى المتهم
هو القاضى والجلاد وايه يعنى دا انتوا بتقفوا على حاجات غريبة

ومصر اللى قالت للبنات خليكوا هايفين وتافهين واهم حاجه فى
حياتكم اللبس والافلام والماسكات كتب ايه بس حد ناقص وجع دماغ مش كفاية كتب
الدراسة

ومصر هى اللى قالت للمدرسين خلوا التلاميذ تصم المنهج
اوعى يفهموا لاقدر الله احسن ده مضر بالصحه

ومصر هى اللى قالت للمهندس غش فى مواد البناء امال هتعيش ازاى
حاجه غريبة اوى

ومصر اللى قالت
للدكاترة خليكوا تجار واعملوا العملية للى يدفع اكتر وقالت لبعضهم اشترا
الكلية من الراجل الغلبان الجاهل اللى مش لاقى ياكل ياراجل اشترى ده حتى
الكلية هتسنفيد وتستريح مع الراجل الغنى والاكل الغالى

ومصر اللى قالت لشركات ادوية التموين تشيل المواد الفعاله
من الادوية ايه يعنى الدواء مش يأثر ايه يعنى المريض يموت ده كده احسن
خلينا نقلل الكثافه السكانية وبعدين اللى بياخد ادوية التموين دول ناس مش
مهمه اصلا لكن المهمين هم الوزراء والمسئولين والفنانين هم اللى يستاهلوا
يعيشوا و يتعالجوا على حساب الدولة كمان

ومصر هى اللى اجبرت الناس تنسى الدين وتتبنى مبدأ الغاية تبرر
الوسيلة ومصر هى اللى نشرت الكوسة

مصر دى طلعت وحشه اوى مش فاهمه مالها كوالا لامبور

تصدق فعلا مصر هى السبب فى كل المصايب اللى فى الدنيا هى صحيح
اعطتنا عقول مش حصلت وعزيمه واراده بتبان وقت الازمات وموارد دول كتير اوى
تحسدنا عليها وجو رائع ومعتدل وخفه دم وطيبه مش عند ناس كتير
بس ايه
يعنى الحاجات دى انتوا بتهتموا بحاجات غريبة والله

ما ينفعش كده يا جماعه لازم نفوق شوية من اللى احنا فيه ونرجع
لدينا وقيمنا واخلاقنا وساعتها والله كل مشاكلنا هتتحل

اه صحيح نسيت اقول ان مصر هى اللى اجبرت الناس تدخل الموضوع
وتخرج منه ومش ترد

من طرف **Dr.A.MATRIX** الجمعة 02 أبريل 2010, 7:26 pm

لو بتتكلم عن مصر كبلد وحضاره واهرام وشعب زي السكر يبقى معاك حق

لكن لو بتتكلم عن مصر في الوضع اللي احنا فيها واللي وصل الناس لكد يبقى مش تزعل مني

انتى بتحاول تقللي( انك مش فاهم حاجه

رغم انك فاهم كوييييييس

من طرف **federerson** الجمعة 02 أبريل 2010, 7:39 pm

انا يا ماتركس فاهم قصدك كويس
بس اللى انا بقصده ان احنا لازم نقف ضد اللى بيحصل فى مصر ونحاول نغير الواقع لانه مش هيتغير لوحده لازم نبدا بانفسنا اولا والباقى يبقى على ربنا انت فاهمنى ولا لا

من طرف **Dr.A.MATRIX** الجمعة 02 أبريل 2010, 7:47 pm

لو كده ماشي انا معاك

ومعاك جدا كمان

بس المهم انوو الناس تفهمها صح

عشان تعيشها صح

من طرف **federerson** الجمعة 02 أبريل 2010, 8:15 pm

يارب انا اتمنى

تصدق مصر هى السبب

تصدق مصر هى السبب

رد: تصدق مصر هى السبب

رد: تصدق مصر هى السبب

رد: تصدق مصر هى السبب

رد: تصدق مصر هى السبب