احنا اسفين

خايف
اقول واتكلم مالاقيش حد منكوا معايا
خايف
الف الدنيا ولا اتعلم ولا اعلم حكايتي واعملها روايه
انا
شايف وانتوا شايفين وكلنا شايفين وساكتين
الحرامي
عامل امين
والغلابه
المساكين مسجونين
ناس
تسرق جنيه وناس تشفط ملايين
سارق
الجنيه حرامي ومرتشي
والتاني
شريف ومستثمر
دا احنا
اللي بني ادمين مش متربيين
ظلمنا
الناس وقلنا نصابين
وهما
ملايكه مستثمرين
اقلكوا
خلينا دبلوماسيين
شويه
مجانين بعقول ناقصين خرفانين
ابكي
وما تشكي يا عين
كلنا
شايفين وساكتين
يا تري
دا كسوف ولا خوف
واحنا
ولا حاسين
اهو
كله كلام
سامحوني
ما عندي غير الكلام
هاتكلم
وقولوا حلال ولا حرام
ناس
تعيش في هنا وناس تجوع بالايام
كل ما
نيجي نتقدم خطوه
محكوم
علي خطاوينا بالاعدام
والاسم
عايشين في سلام
رقابنا
منداسه بجزم الحكام
والكوسه
هي الوجبه الرسميه
لجمهوريه
مصر العربيه
ويصرف
لكل مواطن معاها ومجانا
مخده
وبطانيه
يمكن
تحبوا تريحوا حضرات الافنديا
اما
احنا مش مهم شويه لعبكه وعكعكه ملوخيه
علي فكره
الكلام دا مش صحيح واحنا اصلا
مش فاهمين
بنقول
البلد مليانه حراميه وبلطجيه
وكلها
ناس محترمين
واللي
يقول حكومه فاسده لازم تتشال
يستاهل
ضرب الجزم والنعال
ومع
ذلك بيتاخد ويتشال من علي الارض شيل
ويكرموه
كرم يهد الف حيل
وما
بيروحش معتقلات
لا احنا
فاهمين غلط دي مصايف ومنتجعات
قولولي
بقا فين الازمات
البلد
مليانه شقق فاضيه
وما
فيش مشاكل في المواصلات
ولا
فيه تشرد ولا بطاله
والا
كمان المخدرات
واللحمه
بتراب الفلوس
والرعايه الصحيه زي الفل
يااااااااااااااااااه
علي حقد النفوس
اكتر من كدا ايه
دا احنا عايشين بشوات
سكك حديد و5 ستارز قطارات
لا فيه حرايق ولا غرق عبارات
تعليم
ومتعلمين
حشيش
ومش شايفين
وارغفه العيش
في البيوت زي الجبال متكومين
مين
اللي قال مش لاقيين وفيه فقرا وجعانين
دا احنا
مرتاحين ومبسوطين وميه ميه
فل ومتهنين

ربنا
يخلي حكومه بلدنا

ولو
كنا اجرمنا
وارتكبنا ذنب
وغلطنا او قصرنا



يا بلدنا



احنا



اسفين



اسفين




اسفين







Al-Fanan