ماذا تفعل عندما0000000؟

من طرف **نورينان** الجمعة 26 فبراير 2010, 10:13 pm

سوال صريح لكل الاعضاء !!!!

ماذا تفعل عندما تقف وجها لوجه امام شخصا دمر جزء كبير من حياتك ؟

للأسف ,نحن لسنا ملائكة, ولسنا نعيش في الجنة , ولذلك فقط يوجد في حياة بعض منا أعداء ويوجد الحقود ويوجد الحسود ,
وكما قال الدكتور عايض القرني في كتابه لا تحزن (يوجداشخاص هدفهمـْ الوحيد هو تدمير أهداف الآخرين )

للأسف أحيانًا يكون من الأقارب قد يكون أخ أو أُخْت أو حتَّى أبْ أو أُمـْ يتعمد تدمير حياتكَ أو إهانتكَ أو إذلالكَ حتَّى
كما : ( يا أَيُّهَا الَّذِيْنَ آمَنُوْا إِنَّ مِنْ أَوْلاَدِكُمـْ و أَزْوَاجِكُمـْ وآبَائِكُمـْ عَدُوًّا لَكُمـْ فـ احْذَرُوهُمـْ )

فإذا كُنْتَ أو كُنْتِ مِمَّنْ حالفهم الحظ السيِّء وأُبتليتَ بعدوٍّ الذي قد يكون أحيانًا صاحب نفوذ ..
فماذا تفعل عندما تجمعكم الدنيا في نفس الغرفة وتُضْطَر أن تنظر إلى عينيه بل وتتكلم معه أيضًا لانه بكل سعة وجه إبتسم لك ؟؟

هل تلزم الصَّمت وتتظاهر بالامبالاه فبتأكيد إظهارك لكرهك سيكون دليل نصرة ؟

أمـْ

تظهر له نظرات الحقد والكره وتتلفظ بالفاظ سيئة في وجهة ؟

أمـْ

تتحاشاه وتتحاشى تماما النظر في وجهة ؟

أمـْ

تحتسب الله على مافعله بكَ ؟

أمـْ

ماذا تفعل؟؟

من طرف **Dr/Hanan** الجمعة 26 فبراير 2010, 10:20 pm

هحتسب لله وهواجه اكيييييييييييييييد ليه عمل كده
هوه جميل انك تاذني انسان يعني وتدمر حياته ؟؟؟؟؟؟؟؟؟؟
بس تعرفي كتير بيحصل حجات زي كده بقول لنفسي اذا كان ربنا بيسامح العبد عند شعوره بالذنب والاستغفار
فهل انا مش هسامح ولا ايه رأيكم ؟؟؟؟؟؟؟؟؟؟

من طرف **نورينان** الجمعة 26 فبراير 2010, 10:27 pm

اولا شكرا لمرورك
تانى حاجه فى حاجات الانسان مش بيقدر يسامح فيها لانه فى اذيه بتوصل انهم
بيسيؤا لسمعتكم يعنى ده حاجه صعبه اوى

من طرف **Dr/Hanan** الجمعة 26 فبراير 2010, 10:36 pm

جايز مش عارفه بس فعلا في مواقف بتكون صعبه بس اكيد اما هتسامح لا يمكن اقصد انك ترجع زي الاول بس اكيد هبتسم ولو غصب عني بالعافيه يعني على الاقل اما هشوفه هسلم عليه وده طبعا في حاله لو اعترف بغلططططططططططططططه
اما بقى لو ابتسم وهوه حتى عارف انه مغلطش وحتى ولا حس بغلطه ده واتاسف ده اكيد ولا كانه موجود واكيد هيبقى في نظرات كره وحقد بس ده بيكون اكيد غصب عنك
بس انا عارفه ان الاسف لا يمكن يرجع ال راح بس مممكن يخل ال جاي اجمل
فبجد جميل اووووووووي انك تحسي ال قدامك بجد ندم اشد الندم لدرجه البكاااااااا قدامك ويجي يقولك سامحيني

من طرف **treka** الجمعة 26 فبراير 2010, 11:15 pm

حلو اوى يا نور توبيك ده بصراحه
هو لو الحد ده دايقنى ف حاجه صغيره انا ممكن اسامحه او ممكن انساه كصديق واعتبره صفحه معفنه ف حياتى واتحرقت خلاص
اما اذا كان دايقنى ف حاجه كبيره
مثلا انه يوقع بين وبين صحابى
وممكن بسببه اخسر ناس مقربين ليا
انا بقا ساعتها هبقا شخص انا نفسى اكرهه
انا بصراحه
هبتسمله واحسسه انه صديق مقرب ليا لدرجه ان يثق فيا واجى بقا ف يوم من الايام
اروح اديله الضربه الكبيييييييييره
ده عشان يشفى غليلى ويخلينى ارتاح من الى عمله فيا

من طرف **Dr/Hanan** الجمعة 26 فبراير 2010, 11:19 pm

بس معلش يا دكتور اسمجلي
ده حرام مقابلش السيئه بالسيئه بالذاتانه عرف غلطه مثلا ووثق فيك تاني
ربنا بيغفر برده

تحتسب الله على مافعله بكَ ؟

بصراحة انا مبعرفش ازعل من حد مهما عملى
يمكن هو دة اللى عاوز اقولة

من طرف **Dr.A.MATRIX** السبت 27 فبراير 2010, 1:04 pm

هل تلزم الصَّمت وتتظاهر بالامبالاه فبتأكيد إظهارك لكرهك سيكون دليل نصرة ؟

ثم

تحتسب الله على مافعله بكَ ؟

واحنا نروح بعيد ليه

لما يكون اخوك ودمر حياتك من غير قصد وفي الاخر يرد عليك بلا مبالاه تعمل اييييييييييه

من طرف **نورينان** الأحد 28 فبراير 2010, 9:46 pm

لا حكايه الاهل والاخوات نبعد عنها لانه حبنا ليهم حب فطرى غريزه جوانا مش نقدر ننزعها مهما عمل ممكن ازعل يوم اتنين مش هقدر ازعل سنه فكر كده شويه لو عمل حاجه فيك وصعبه كمان وجالك واحد وقلك الحق اخوك عمل حادث شوف بئا سعتها هتعمل ايه اتحداك لو قلت مش هعمل حاجه ولا مش هسامحه هتقول انا مسامحه ويعمل اللى هو عاوزه بس يخف ويرجع صح

من طرف **maha** الثلاثاء 02 مارس 2010, 3:20 pm

انا عن نفسى مش هكلمه

ومش هكون طايقاه خااالص

واحتمال اغلط فيه لو اتعرضلى ومن غير ما يتعرضلى كمان

بصراحه مش هقدر اسكت
ااصل مش يبقى اذانى وكمان بجح وييجى يواجهنى

بجد هغلط فيه