احلى نكت عن الزمالكاوية بس ماتزعلوش بقى

السلام عليكم و رحمته الله و بركاته



واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا ...العفريت قاله ده طلب صعب جدا اطلب حاجه تانيه قال له عايزين نفوز على الاهلى..... العفريت قاله انت ابوك مات سنة كام ؟؟؟



مره واحد زملكاوى راح إشترى بطيخه .. فطلعت حمرا.. راح مرجعها



مره واحد زملكاوى بيوقف تاكسى بيقوله 6 اكتوبر فقاله لا ستة واحد



مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو


مره واحد زملكاوى حب يتجوز واحده اهلاويه جابوا المأذون من ايطاليا


واحد زملكاوى متعصب خطب واحدة بيسالها عن عيد ميلادها قالت له 6\1 روحى انتى طالق




اهلاوى اتجوز زملكاوية ستتها ............ ..



مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه

مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى طالع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى نازل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة............ .وحكلهم على الموضوع...المهم عمله اجتماع.....
واتفقوا .....ان الزملكاوىيسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوىوقال مين اللى بيتكلم........قاله انا الزملكاوى......
قالهه برده غلبناكم ستة واحد............ ......... ..




مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6


إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد


اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول


مرة واحد قابل واحد قالة كام بيروح فين .... قالة 6 بيروح ميت عقبة


مرة واحد زملكاوى سمع النكت اللى فوق جاتله ستة(سكته)قلبية
هههههههههههههههه




ياريييييييييييييييييييييييييييييييييييييييييييييييييت
يا دكتور ميدو متزعلش

عيب عليك يا درش انا مش بزعل خالص على فكرة من الهزار وكدا
بس انا مش هرد عليك بنكت ظريفة اوى زى بتاعتك دى
اسمع كلمتين فيهم المفيد
وحياة بترول اسيوط وكبارى اينو
ودمكم الخفيف اللى احنا مش طايقينوا
تريقة وضحك فى وقت انتم من قريب عارفينوا
انا هقول راى فى كلام انتم قايلينوا
وعارف ان اغلبكم مش فهمينوا
*****
كفاية كلام بلاش ضحك على الناس
فريق ونادى مالوش اساس
بتقولوا غنى وتشجيع وجماهير
مش شايف غير بلياتشو وحبة طراطير
*****
كلامكم كتير و مالوش لازمة
كان لازم شيكا يرفع الجزمة
حسوا شوية ان الكرة فى ازمة
و الاتحاد واقف على الدنيا يتفرج
والاهلى ولاعيبته على الاخلاق بيتمرد
يا شيكا استلم عقاب تمام
ويا اهلى متزعلش يا حبيبى نام
يا شيكا غلطت اعتذر للناس
و الاهلى لا قيم ولا مبادئ ولا اساس
والله شيكا بشر من دم و احساس
مسكوا المظلوم وسابوا الظالم ما هى الدنيا خلاص
لا حد اتكلم ولا واحد قال من الدرس لازم نتعلم
*****
معروفة اللعبة من زمان
حكام وصحافة واعلام
الكل يطاطى كله جبان
التليفزيون بقى احمر و مفيش الوان
الابيض والاصفر دول كانوا زمان
العب يا احمر ضد اى حد وايا كان
اتعمل بالعافية بطل واللى مش عجبه يروح ينام
كذبوا وصدقوا الكذبة الاهلى فارس بنى خيبان
الكل يسكت الكذبة بتكبر يبقى كل تمام
حكم بيجامل واعلام بيطبل و بيغنى
والاهلاوى عايش يعينى مصدق وبيهنى
*****
لا بسال ازى ولا امتى ولا كام
ولعوا النار فى واحد وقالوا احنا ملوك الزمان
وقالوا اسمع مبادائنا وقيمنا واخلاقنا
تعيش اهلاوى تعيش فى امان
ولو شجعت حد تانى ملكش فى الدنيا مكان
الحضرى عملها وقال يلا سلام
قالوا فى مبادى والكل يصحى محدش ينام
اسحب جنسية ورافع قضية وظهرت تخاريف النيام
القيعى يشجب وشوبير يندد
والاتحاد عمال للحضرى بيهدد
و يرجع الحضرى الخاين الجبان
وكل الاعلام الاهلى نادى تمام
والكل فى لحظة غير الكلام
يا اهلى على الودن امسك واقرص
بس متنساش ان دة الحضرى اللى كان بيرقص
*****
وتبص على القيم وتتفرج
القيعى هناخد حسنى ومش بنهرج
اسماعيلية تقول دة حسنى ابننا
القيعى بكل برود الاعب دة حقنا
بيع ابنك يا كومى وهاتوا عندنا
هناخد حسنى انتو مش قدنا
ويظهر الخطيب ويتكلم
عامل قال يعنى للقيم بيعلم
يا حسنى شوف انت عايز ايه
رد حسنى كان سريع عليه
طبعا العب فى الاسماعيلى يا بيه
رد حسنى كان صريح وواضح
الاهلى لا وحياة اسماعيلية مش رايح
*****
هيفضل الاهلى لحد امتى فى الرياضة طايح
ياخد دة ويضرب دة ويعمل فضايح
من دراع جوزيه لشفايف احمد السيد
واتحاد الكرة معه وطبعا بيأيد
*****
طول ما الاهلى فى الرياضة موجود
وضع الرياضة مش هيكون مظبوط
احلم و اتمنى ان الاتحاد من النوم يفوق
طريق الرياضة اصبح نفق مسدود

وطبعا مفيش زعل بينا

إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد
هههههههههههههههههههههههههههههههه جامدة
اهلى اهلى اهلى

شكرا يا دكتور ميدو عل الرد العنيف دة



وكماااااااااااااااااااااااااااااااااااااااااااااااااااان ميرسى يا مبارك

لا واللة يا دكتور ميدو انا مزعلتش ولا حاجة
انا بس اتصدمت
من القصيدة الجبارة دى



واستنى منى الرد

هههههههههههه بجد لذيذه يا دكتور مصطفي
اهلي اهلي اهلي