ازاى تخلى شخصيتك جذابه....مهم جدا

من طرف **treka** الخميس 18 فبراير 2010, 5:54 pm

أسرار الشخصيةالجذاب

ةمن متطلبات القيادة الإدارية، القدرة على امتلاك مفاتيح قوةالتأثير في الآخرين، وإيجاد قناعات معينة، وإحداث تغيير ما، وحتى يستطيع القائدالتصرف بذكاء، ويُسمَع له لابد أن يمتلك القدرة الذاتية على إدارة الذات التي تسهمفي بناء شخصيته، ومن أسرار الشخصية الجذابة للآخرين، القدرة على جذب قلوب الناس،وإن كانوا عدائيين معك .
ازاى يكونلك شخصيه جذابه
:1
تقدير الطرف الآخر واحترامه:

إذا أردت أن يحترمك الآخرون، وأن يتعاملوا معك بإحسان، وأن تكسب قلوبهم ومحبتهم ويتقبلوا مقترحاتك وأفكارك، فما عليك إلا أن تحترمهم بالمثل، بل أكثر من ذلك، ولتعلم أن ما تزرعه ستجده وتحصده؛ فقد أثبتت الدراسات العلمية أن من يتعلم كيفية التعامل مع الآخرين يكن بذلك قد أنجز 85% من طريق النجاح، ثم إنه يكون قد حقق 99% من طريق سعادته الشخصية.
:2
تعلم مهارات استقطاب الطرف الآخر عن طريق:

أ ) ذكر اسم الطرف الآخر باستمرار: فإذا كانت الابتسامة تسحر الناس وتجذب قلوبهم، فإن للأسماء وقع السحر إن لم يكن أكبر؛ فكل منا يهتم باسمه دون البشر؛ يطرب لسماعه، ويحب أن يكتبه، أو يراه مكتوباً في صحيفة أو مجلة أو قائمة أو كتاب، فإذا ما التقيت بشخص وحييته باسمه، فإنه سيفرح ويبتهج لذلك.

( ب ) إظهار الثقة واحترام النفس: إن إظهار الثقة بالنفس عاملٌ هامٌ في كسب ثقة الآخرين، ومتى تحقق ذلك أقبل الناس عليك، وقدَّروا كل ما تقوله وتفعله، ثم إن احترام الذات وتقديرها هي الركيزة الأساسية التي توصلك إلى أن يحترمك الآخرون؛ فمن المعروف لدى الناس أن من لا يحترم نفسه لا يحترمه الآخرون، فإذا اتخذ الإنسان لنفسه المكانة التي تتناسب معه ومع طموحه، عندها سيذعن الآخرون لقراره هذا، قال زهير بن أبي سلمى: ( وَمَنْ لا يُكَرِّمْ نَفْسَهُ لا يُكَرَّمِ )

( ج ) ذكر واستحسان إيجابيات الطرف الآخر: إذا وجدت فيمن تحدثه ميزة أو صفة أو خصلة أو عادة جميلة وحميدة؛ حاول أن تلفت نظره إلى ذلك، وتبين له أهميتها؛ فهذا يُشْعِره أنك بالفعل شخص يستحق التقدير والاحترام، وأنك شخص يفضَّل التعامل معه؛ لأنك خلوق وطيب وتقدر الآخرين وتقدر ما لديهم من الصفات والميزات الحميدة، وهذا يدل على أنك لست شخصاً حقوداً ولا غيوراً ولا أنانياً تحب نفسك فقط.

( د ) حسن الإصغاء إلى الطرف الآخر: إن لحسن الاستماع أثراً بالغاً في نفوس الآخرين، فلا يتقنه إلا من يعرف كيف يستخدمه
( هـ ) قوة أثر الابتسامة: للابتسامة تأثيرها في الشخص الذي يبتسم، وفي الآخرين؛ فقد أثبتت البحوث العلمية أن التعبير عن انفعالٍ ما، يمكن أن يولد لدى الشخص الإحساس بالانفعال نفسه، وهذا يعني أن بمقدور الإنسان أن يشعر بالسعادة بمجرد أن يبتسم، وقد توصلت دراسة أخرى قام بها عدد من علماء النفس والاجتماع الأمريكيين إلى أن الابتسامة سبب من أسباب النجاح والسعادة؛ حيث تبين أن الشخص الذي يبتسم دائماً هو أكثر الأشخاص جاذبية وقدرة على إقناع الناس، وهو أكثرهم ثقة بنفسه.
عندما تبتسم في وجه شخص ما، فإن موجات كهرومغناطيسية إيجابية ذات ذبذبات معينة تنطلق منك - دون أن تشعر - في اتجاه ذلك الشخص، وتتوقف كمية تلك الموجات على طريقة تبسمك وترحيبك به وقوة مشاعرك الداخلية ومدى تركيز نظرتك إليه، وتعتمد على العبارات والكلمات المصاحبة لتلك الابتسامة، فإذا كان ذلك الشخص يحمل في نفسه شيئاً ما من ناحيتك، كالحقد أو البغض، فإنك بتبسمك في وجهه بالطريقة السليمة؛ تكون قد حققت الآتي:
- قويت هالتك وحميت نفسك من الموجات السلبية التي يوجهها إليك - دون أن يشعر بذلك - لمجرد أنه يفكر فيك بطريقة سلبية.
- أثرت في موجاته السلبية؛ لهذا ستقترب موجاته من موجاتك الإيجابية فتتحقق الألفة والمحبة، وهو الذي يحقق لك الجذب.
:3
- قدرة الحصول على موافقة الطرف الآخر 3 مرات:

من أنجح الطرق التي تجعل الطرف الآخر ينساق إلى ما تقول هي أن تجعل ردود فعله ردوداً إيجابية، أي تجعله يتلفظ بعبارات التأييد والموافقة سواءٌ نطق بذلك أم لم ينطق، كأن يقول: (نعم، أو صحيح، أو فعلاً)؛ فالرد الإيجابي يجعله يرى ما تطرحه يتوافق مع ما بداخله
:4.
إخراج الطرف الآخر من حالة الرفض

لكي تحطم حاجز الرفض وتذيب قالب الجليد الذي يحيط بالطرف الآخر؛ عليك اتباع الأساليب التي تتناسب مع الموقف الذي أنت فيه، ومن هذه الأساليب الآتي:
1- النظر إليه عندما تتحدث عن موضوع أو نقطة تعلم أنه يوافقك عليها، كأن تقول: "وكلنا يسعى لتحقيق النجاح، والوصول إلى أهدافنا التي خططنا لها وتخيلنا نجاحها".
2 - التحدث عن أمرٍ هو يتميز أو يتصف به، أو نجاح قام به، كأن تقول: "فالعزيمة القوية تقود الشخص إلى تحقيق ما كان يقال بأنه صعب، ونحن لدينا هنا من حقق بعزيمته ما عجز عنه البعض".
3 - ذكر اسمه خلال عملية الشرح، كأن تقول: "فمثلاً إذا قلنا بأن فلاناً (وتذكر اسمه) يعد مخططاً استراتيجياً، ويريد تحقيق أعلى نسبة إنجاز بجودة عالية، فما الذي يمنعه من تحقيق هدفه؟ ".
4 طلب المشاركة منه في طرح خبرته في الموضوع الذي تتحدث عنه كأن تقول: "لا يفتى ومالك في المدينة! " فما تقول يا أستاذ (..... ) فيما ذُكر وما هي خبرتك في هذا الأمر؟ ".
5 - بناء الألفة مع الغير: تحدث عملية التوافق بين الناس بصورة عامة بطريقة طبيعية لا شعورية، وهذا يكون واضحاً في الاجتماعات، وجلسات النقاش، فإذا كان لأحد المناقشين أو الحضور رأيٌ ما، وكان هناك من يؤيد فكرته فإن حركات الشخص المؤيد تبدأ - في الغالب - تنساق وراء حركات صاحب الفكرة بطريقة لا إرادية؛ فمثلاً في اعتدال صاحب الفكرة في جلسته تجد ذلك الشخص يفعل الشيء نفسه بطريقة غير مقصودة، وذلك لحدوث التوافق بينهما، وهكذا.

من طرف **نورينان** الخميس 18 فبراير 2010, 6:47 pm

جميل شكلك كده تريكا بتوقع الناس فى حبك
من اول نظره الواحد لازم يخلى باله منك
بس الموضوع حلو

من طرف marosamo الخميس 18 فبراير 2010, 6:57 pm

تسلم يا تريكه على مواضيعك

من طرف **dr.zeinab1992** الخميس 18 فبراير 2010, 7:02 pm

ثااااااااانكس وموضوع جمييييييييييل جدا يا تريكة تسلم ايدك

من طرف **treka** الخميس 18 فبراير 2010, 9:24 pm

ثانكس ع مروركم
بس يا نور
انا ياعم غلبان
ومتخافيش منى منش بعض حد
ههههههههههههههههههه
بس الحاجات الى مكتوبه ديت عباره عن مواهب وقدرات موجوده ع الناس بس مدفونه ومردومه بشويه تراب
وانا جبت حاجه زى دى ع تكون زى فرشه تشيل التراب ده والواحد يعرف يتعامل مع غيره
ويقنعه بوجهه نظره
وبرضه للناس اللى هيا نفسها تكون حد مقنع للاخرين

من طرف **نورينان** الخميس 18 فبراير 2010, 9:28 pm

انت غلبان مش باين خالص يا تريكا
ووع الرغم مفيش حد غلبان الزمن ده
طيب ربنا يكرمك وتعرف تجذب الناس

من طرف **treka** الخميس 18 فبراير 2010, 9:33 pm

ههههههههههههههههههههههههههههههههههههههههههههه

انتى يا نور هارشانى اووووووووووووى

ههههههههههههههههههههههه
ح لله ان اجذب الناس دى موهبه

بس بصراحه موضوع ده وصفات اللى فيه موجوده بكام ف الميه عندك؟؟؟؟؟؟؟

من طرف **نورينان** الخميس 18 فبراير 2010, 10:03 pm

بصراحه 3 منهم عندى واحده لا ربنا يكرمنى واتعلمها علشان ابئاcomplete
تقدير الطرف الآخر واحترامه:

قدرة الحصول على موافقة الطرف الآخر 3 مرات

إخراج الطرف الآخر من حالة الرفض

يعنى من الاخر باعرف اثبت اللى قدامى
:

من طرف **treka** الخميس 18 فبراير 2010, 10:24 pm

ياعم ياعم
تعرفى تثبتى الى ادامك
طب دنتى جامده بقا
وانا اكيييييييييد جمبك ولا حاجه
وانا بقا الى هخاف منك
طب بس ازاى ناقصك احترام الطرف الاخر
مفروض ان دى حاجه موجوده تلقائيا
ومش نقص ع اى حد

من طرف silence الجمعة 19 فبراير 2010, 12:26 am

الله عليك يااسمسم
ياامواضيعك
بجد والله جامد
بص انا اول ماشفت التايتل بتاع التوبيك دا قولت هو سمسم انا عارفااااه
ع ف بجد الحاجات دى فعلا الى بتجيب نتيجة جامدة جدا وعن تجربة وربنا انا اول مابدات اساسا اقرا فى التوبك دا حسيت انك بتحكى الى بيحصل فعلا
وفى حوار كدا جايز دا اكتر حاجة انا لسة فكراهااا
حااحكى فى السريع كدااا....
بص انت طبعا عارف ان معظم الناس الى بتبقى فى شئون الطلبة فى الجامعة بتبقى صعبة اوى ومش بيحترموك وانت بتكلمهم ويزعقوا علطول وحاجة خنيقة يعنى وكرامتك بقى والجو دا...عشان كدا كتير من الطلبة بيتخنقوا منهم انا كنت انتساب السنة الى فاتت وكدا فكان امتحانى مسائى ابن عمى طلب منى اساله ع حاجة فى الشئون وكدا رحت اساله مش لقيت طنط الى مسئولة عن سنة 4 ومعاملة زفت بقى دخلت جوة عندهم وكان معايا واحدة صحبتى لقيت واحدة بس طنط قاعدة كدا وبتشحن كارت موبايل ومركزة اوى لسة بقول لو سمحتى لقيت واحدة بتزعق وتقول اى انتو مفيش احترام مفيش ذووق كدا جايين زى العفاريت كدا اعملوا اى صوت انا الدم ضرب فى دماغى هى ازاى تزعقلى وقدم صحبتى رحت مثبتاهااا وكنت ف منتهى الهدوء قلتلها لو سمحتى انا عايزة كذا كذا انا اسفة قالتلى المدام الى مسئولة عن سنة 4 مش موجودة راحت تصلى قلتلها طيب انا اسفة مرة 2 وسلامو عليكو والبراءة كلها بقى ومشيت وقبل امتحانى ب5 دقايق كنت قدامها ف وشها تحت وقولتلها لو سمحتى ياااطنط هى طنط الى انا سالت عليها جات قالتلى لا حست ان انا هادية كدا ومطيعة حست انها غلطة فياااا بدات تتكلم معايا وتقولى الى انتى عملتيه دا ينفع تخضينى كدا قلتلها اسفة يااطنط وانا عارفة طبعا ان مش غلطانة بس باااثبتها ولقتها بتعمل مكالمة ف الفون وبتقول ايوة يااانادين وبعد ماااخلصت قالتلى يااحبيبتى انتى زى بنتى انا اسفة لو كنت اتعصبت عليكى قلتلها هى بنت حضرتك الى كنت بتكلميها اصل اسمها ع اسمى يعنى انتى فعلا زى مامتى مفيش حاجة والله ااطنط واعتذرتلى وقالتلى اطلعى ياابنتى امتحانك خلاص حايبدا وسلمت عليا واتصاحبنا
وفى الاخر ادينى ثبتهاااا

انا رغاية اوى
بس انت متعود ع كدا بقى يااسمسم معلش
ههههههه

حلو التوبيك وربنا

من طرف **treka** الجمعة 19 فبراير 2010, 4:18 pm

ههههههههههههههههههههههه
اى كومينت الكبيييييييييييير اوى ده يا نادين
بس ع فكره اللى عملتى هو ده عين عقل
ابتسامه وهدوء الاعصاب من اهم الحاجات اللى لازم ناخد بالنا منها
اثناء الحوار
وانتى بطريقه دى عرفتى تكسبى ود اللى ادامك
ثاااااااااااانكس ع مرور

من طرف silence الجمعة 19 فبراير 2010, 7:18 pm

مش بس كدا وربناا ياااسلام
انا كنت كمان عايزة اخد حقى منهاااااااا
بس الى ضايقنى اوى بقى وحرقنى
انها لما اتاسفتلى وصالحتنى كنت لوحدى ومش معايا صحبتى
ههههههههههه

كان لازم تعتزلى قدامهاااااا
بس يلا بقى زى ماما

من طرف **treka** السبت 20 فبراير 2010, 7:22 pm

ههههههههههههههههههههههه
معلش بقا مش لازم ادام صحبتك يعن
كفايا انك حاسه انتى احرجتى الست بذوقك
وده كفايا اوى

من طرف **treka** الأحد 21 فبراير 2010, 6:05 pm

بس مش ينفع برضه مهما كان انك تردى باى حاجه غير الذوق وادب ع ست كبيره
ولا اى؟؟؟؟؟؟؟؟؟

ازاى تخلى شخصيتك جذابه....مهم جدا

ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا

رد: ازاى تخلى شخصيتك جذابه....مهم جدا