قهر الستات ع رجاله....بجد حرام

من طرف **treka** الثلاثاء 16 فبراير 2010, 9:44 pm

حوار بين زوج وزوجه الساعه 4 الصبح
هي : حبيبى اصحى اقوم بقا
هو : فيه ايه بتصحيني ليه دلوقتي
هي: اقوم يا اخي عايزاك الله
هو : وهي حبكت تعوزيني دلوقتي
هي : قوم وخلاص مش كفايه بتشتغل من الصبح لحد الساعة 2 الفجر وسايبني كله ده
لوحدي
هو : كويس انك عارفه حكايه الساعه 2 الصبح يعنى ملحقتش انام حرام عليكي
هي : يعنى اكلم نفسي واروح اخبط على الجيران علشان اكلمهم
هو في سره( روحي خبطي خليهم يخبطوكي على دماغك ستين جزمه) خير يا ست
هي : انا زهقانه كل يوم ما بين البيت وماما وقرايبي مفيش جديد
هو : عايزه ايه قولي من الاخر
هي : عايزه اشترك في نادي
هو : بتصحيني دلوقتي علشان تقولي كده انا كنت عارف انك مجنونه ياما حسيت بكده
بس قلت ياواد ده كسوف زياده بس طلعتي مجنونة ونص
هي : بتقول عليا مجنونه انت ناسي يوم ما جيت لماما علشان تخطبني وكنت لابس شراب مقطع
بان لما قلعانك الجزمة على الباب وقالولي اهلي كلهم طنط ناني وطنط الفت واونكل تيتو
ملقيتش الا المعفن ده وتتجوزيه وانا اللي وقفت قدامهم كلهم علشانك .
هو : ايه لازمة طول اللسان ديه على الصبح وبعدين حكايه الشراب ديه صفحه وانتهت من حياتي
مش كل شويه تزليني بيها
هي : خلاص المهم انا عايزه اشترك في النادي اللي بتروحه ميمي بنت خالتي ولا هيه احسن مني
هو: يعنى بلاش ناكل بلاش نشرب وكل الفلوس اللي عملتها في الغربه اشتركلك بيها في نادي انت جرى لمخك
حاجه
هي: هتعرف جرى لمخي حاجه ازاي لما الم عليك الناس يا بخيل مستخصر فيا 60 70 الف جنيه
اشترك بيهم انا كان لازم اعرفك علىحقيقتك يابو شراب مقطع .
هو: قلتك بلاش السيرة ديه والا قسما عظما..
هي : قسما عظما ايه هتضربني فاكر اخر مرة لما زعقتلي وكلمت خالي في القسم وقلتله
وجالك ومعاه اتنين عساكر وسحبك للقسم وعبطك ورجعت وقفاك محمر ولا ناسي
هو : خالك يا حلوه خلاص طلع على المعاش ولا نسيتي
هي : اه بس خالي اللي في مستشفى المجانين لسه مجنون

وهكذا بعد ايام تلاقيها تجلس في حديقة النادي وزوجها اشتغل شغلانه تالته
من الساعه 2 الصبح لغايه 8 صباحا

ياعينى ياربى ع ظلم الستات

مفيش حاجه ف دنيا تملا عنيهم ابدا ولا يقدروا بنتعب اد ايه عشانهم

والست قال نفسها تروح نادى ع اساس ان باباها حسن شحاته

من طرف **esraa1992** الثلاثاء 16 فبراير 2010, 9:51 pm

وماله امال تأعد لوحدها اليوم كله...........هههههههههه بس جااااااااامد ويستاهل

من طرف **treka** الثلاثاء 16 فبراير 2010, 10:22 pm

لا مش تقعد وحدها
ف جيران تروح ع مامتها
يعن الراجل شغال 3 شغلانات وطالعه عينه
والست هانم بقا بتدلع ف نادى
مش بجد حرام كده
و ع فكره ده بيحصل ف واقع كتير
ثانكس ع مرورك

من طرف **Dr\ Basma** الثلاثاء 16 فبراير 2010, 11:07 pm

ايه يعنى ما تروح النادى انت مضايق نفسك ليه

ههههههههههههههههههه

حلو خالص يا دوك

بس مش كل الستات كده ما تقلقش هههههههههه

تقبل مرورى

من طرف وسام اسامه الثلاثاء 16 فبراير 2010, 11:45 pm

الموضوع مكرر بس عموما ناااااااااااااااااااااااايس موضوع وهما كده الستات مابيقولوش كفايه ههههههههههههههه

من طرف **treka** الأربعاء 17 فبراير 2010, 12:15 am

كل الرجاله بقول
ااااااااااااااااااااااااااااه
منكم

من طرف ساره الأربعاء 17 فبراير 2010, 12:41 am

حرام عليك يا دكتور
اينعم فيه ستات كده بس دول قليلين وموجودين في وسط ومستوي معين
بس فعلا مش كل البنات كده وبنات كتير حاسه باللي الرجاله بيعملوه عشانهم وحاسه بظروف الشباب الايام دي
الله يكون في عينهم بجد بس في النهايه نايس توبك يا دكتور

من طرف **treka** الأربعاء 17 فبراير 2010, 12:49 am

على فكره يا ساره
احنا اغلب موضوعاتنا ف حاجات دى بكون واقعيه بس احنا بناخدها بطابع من التهريج عشان تكون الطف ونخلى ناس تتقبل الحاجه دى
واكيد زى مانتو قولتو مش كل ستات كده
اكيد ف ستات هما سبب ف صنع رجاله كتييييييييييييير
وزى مابيقولو
وراء كل عظيم امرءه

من طرف **federerson** الأربعاء 17 فبراير 2010, 6:07 pm

موضوع جامد يا تريكة
فعلا فيه بنات كده يا ساتر منهم هههههههههه
بس طبعا مش كلهم فيه بنات عاقلة وبتخاف على بيتها

حتى النسوان يااااااااااااااااااااااااااااااااااااااااااااااااااااااااااربى عاوزة تلعب كورة
الا مقولتليش هى كانت عاوزة تروح نادى اية

من طرف salma الأربعاء 17 فبراير 2010, 6:27 pm

عهههههههههههههههههههههههههههه

من طرف ريماس الأربعاء 17 فبراير 2010, 10:37 pm

السلام عليكم ورحمة الله وبركاتة

بجد موضوع يجنن ومضحك

بس هي بنت خالتها احسن ولا هبة يعني احسن منها

انا لو منها طبعا مش عهمل كدا

انا هعمل اكتر من كدا

يعني اعدة ف البيت ومضيقة وبربي عيالو

وفي الاخر مستخصر فيا 7060

المفروض لو بيحبني يروح يبيع نفسو ويقلي اتفضلي يا حببتي روحي اشتركي

ف النادي انت اهم وكمان ليك نفس تنام سبحان الله من الرجالة دي

لا طبعا بهزر

بس انا طبعا هقدر تعبو وبلعكس اسعدو مش ف جيران ف

تي في مش في تي في في تكسير قلل

بس المهم اسعدو واشجعو ع عملو واعيش علي اد المرتب وعلي قد المعيشة

يارب تكون فهمت اصدي

من طرف **maha** الأربعاء 17 فبراير 2010, 10:52 pm

مفيش حاجه ف دنيا تملا عنيهم ابدا ولا يقدروا بنتعب اد ايه عشانهم

اصل الرجاله دول صنف نمرود

مبيحسوش بقيمه الحاجه الا اما تروح منهم

وهما من غير الستات ولا حاجه

معلش تقبل مرورى

قهر الستات ع رجاله....بجد حرام

قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام

رد: قهر الستات ع رجاله....بجد حرام