قصيدة جااااااااااامدة ........هتندم لو مقرتهاش

على شط النيل ماشية الجواميس بتقول ياجميل أنا عايزة عريس

يطلع فييس ويحل الكيس نتغدى حشيش ونحلى دريس

هاتغذى حشيش واتعشي حشيش واقفل على نفسى الباب والشيش

لو غيط فدان وحده ما يكفيش فدان ده يادوب أول سرفيس


والبقرة تقول أنا عايزة التور مايكونش مهندس ولا دكتور

ويجر الساقية الفورباى فور ويجيب بيتى فور اربع وخميس


والنعجة تقول انا طالبة خروف مالهوش اخوات ولاعنده ظروف

كسيب وامسكله انا المصروف ويكون حيوان جنتل وحسيس


والفرخة اشترطت قال عالديك انها ماتحبش اى شريك

وقالت له اتحضر خليك شيك ودينى ارقد عالبيض فى باريس

السلام عليكم

مرحه جدا جدا وخفيفه خالص
بس طبعا انتي منسيتيش انك بيطري وشكلك معتزه اوي بالموضوع

بس والله حلوه خالص

ههههههههههههههه جميلة بس ما تخديناش ف الكلام ا......المهم احنا معرفناش اى شروطك مش كونتى كتبتى شروطك معاهم حتى دة مفيش فرق ولا انتى مكثوفة.........ههههههههههههه

شكرا يا جماعة ع الردود........وطبعا كل واحد لازم ينتمى لاصله امال ازاى بتقولو انكم فخورين ببيطرى......ههههههه.....وما تقولى شروطك انتى يا ست زينب ولا انتى متشبهيش ما انتى برده معانا ولا ايه........