عشق الصعيدي .......

من طرف psychopath الثلاثاء 09 فبراير 2010, 9:39 am

صعيدي وحب بحراوية

وكانت هذه النهاية

...................................

الصعيدى يوم مايعشق
ياااااااااااه حكايه 0000
ينسى أبوه وينسى أمه
وينسى خالته وينسى عمه
ومايفرقش بين عمه و.......
الصعيدى يوم مايعشق قلبه حامى وطبعه حامى
طبعه حامى ودمه حامى
ماتقوليش يابت دكر حمام
شفتى فى يوم دكر حمام هجر وليفته ؟؟؟
وساب عياله للجيران ؟؟؟
ولاف على نتايه يمام
أصل الحمام أستاذ غرام
أما اليمام أستاذ غناوى
للى غاوى ياللى كاويانى
وعارفه ليه كل الصعايده يتهتهوا ؟؟؟
أغبيا 000 لأ 000دا حمو قلب
وعارفه ليه كل الصعايده يقفلوا ؟؟؟
أغبيا 000 لأ 000دا حمو قلب
وعارفه ليه البت حدانا لما تغلط يقتلوها
مش خوف عليها
الخوف على عمه أبوها
ليدسوها وسببها قلب
يخرب بيتها خالتى بهانه
كل حياتها عجين وخبيز
بس بهانه أحسن منك
وارثه عن أبوها جوز فدادين
وإنتى وارثه عن أبوكى طول لسانه
هرجع قبلى هتجوز قبلى
بت عمى أولى بيا
هى أحلى إنتى أحلى ؟؟؟
مش حكايه
إنتى أيه !!!
علبه سجاير جت وف عز الليل وخلصت
وأيه يعنى ماتخلص
وياما فى الدكاكين سجاير
أنا يوم ماحبيتك كنت تور وكنت ساقيه
شفتى فى يوم ساقيه تجف
شفتى فى يوم تور بطل يلف
بطلت ألف