اقول ولا بلاش اقول

من طرف dralielwardany الأربعاء 13 يناير 2010, 12:54 pm

نفسي اصرخ واقول
كلام كتير وشرحه يطول
مش اي حد يفهمة علطول
كلام موزون كلام مفهوم مش كلام واحد مخبول
مع احترامي مش بياع فول
هتكلم هقول
وعلشان اقول
انت لازم تكون فايق ومش مسطول
علي فكرة لو انا مكانك هقول
الراجل دا مش معقول
عمال يلف ويدور علشان يقول
طب ما يتكلم دوغري ويقول
ويشوف
هيجني ثمرة
ولا هيخرب المحصول
عموما انا عارف ليه هو مش عايز يقول
باختصار
لانه شايف الحال مش معدول
ها ؟ انت شايف كدا ولا ضارب فول
والله شكلك ما شايف حاجة خالص
والعرض عندك زي الطول
عايش تحت حيطة وماسك في ايدك رغيف
وعامل زي الغول
طب هقولك
سمعت عن الراجل الشملول
اللي سرق وحرق وهو كان حامي اللي سرقة وعنه كان مسئول
طبعا ما سمعتش
عرفت بقا انك مالكشي لازمة وانسان كسول
والله فعلا زي القران ما قال انه الانسان دا
ظلوما جهول
اي حاجه تحصل يقول
انا مالي في حالي
لا قاتل ولا مقتول
طبعا غبي
ازاي لا قاتل ولا مقتول
وهو اصلا عن الحياه معزول
عاملين زي مسرحيه رخمة
مشهد واحد
مكرر في كل الفصول
عموما انا قلتلكم بلاش اقول
لغايه دلوقتي لا قلت ولا عايز اقول
انه ماليش في اللي بالي بالكم ولا ليا في الكلام المعسول
هو كلام جه في بالي
حبيت اخليه مشمول
اعتبروه فكاهة
اعتبروة رخامة
اظن انه كلكم فيكم عقول
وكل واحد عقله ان قدر يوصله للمعني والمدلول
.....
مع تحياتي
علي الورداني
Al-fanan
......