ممكن تفكروا معايا

من طرف **cafu** الثلاثاء 12 يناير 2010, 7:40 pm

اولا السلام عليكم
ثانيا انا فيه موضوع بجد نفسي اتكلم فيه هو
التفاعل بين طلبة الكلية في الكلية انا شايفه ضعيف جدا
مع انهم برا كلهم مع بعض سواء ولاد او بنات بدليل الموقع ده
ليه مثلا منفكرش نعمل حاجات تقرب الكل من بعضه يعني مثلا كل الطبة يتفقوا على يوم السفر للناس اللي بتسافر مسافات طويلة
كل شهر مثلا نتجمع ونعمل عشا او غدا جماعي
يعني نزود التفاعل ونتناقش في كل حاجه علم ادب ثقافة سيايه رياضة بس في وش بعض عشان ده هيكون ليه تاثير كويس بعد كده
انا عارف كلامي ده مش هيعجب ناس كتير بس انا بجد نفسي في كده
حاجه تانية
الرحلة العلمية بدات ياريت الناس كلها تحجز
ثالثا الدورة البيطرية بدا التسجيل فيها بمدا تحيا الكوسة
رابعا الف مبروك لمصر
خامسا اللي عنده فكرة سكتش فني ياريت يقول ليا عليها
خامسا شدوا حيلكم واللي يدعي يدعي ليا معاه ربنا يكرمني السنه دي عشان بجد انا زهقت
انا شايف 15 عضو انولاين ياريت كلكهم يشوفوا الموضوع وكلهم يردوا
سلام عليكم

من طرف **Dr.A.MATRIX** الثلاثاء 12 يناير 2010, 7:45 pm

كلام جميل جدا

بس انتا بتتكلم عن قنا وجامعة جنوب الوادي

يعني صعبه شويه

زغم انها سهله جدا جدا في اي مكان تاني

بس مش عارف ليه هنا كده

وده سوال للي ممكن يجاوبني عليه

من طرف **cafu** الثلاثاء 12 يناير 2010, 7:50 pm

مفيش فرق بين قنا واي مكان تانيالناس دي لما بتروح اسيوط ولا اي حتة بتكون شكل غير اللي احنا بنشوفة لدرجة ان انا بكون مستغرب جدا

من طرف **cafu** الثلاثاء 12 يناير 2010, 8:23 pm

الموضوع اتشاف 20 مرة ومفيش غير رد واحد بجد الواحد غلطان انه بيحاول يفكر معاكم بصوت عاليالغلط مني انا يا شباب بيطري جنوب الواديمانا لو بنت منزلة الموضوع كان كله راح جري يقرا الموضوع ويردبجد شباب يفرح يا خسارة

من طرف **wessam** الثلاثاء 12 يناير 2010, 8:35 pm

بص بقى يا دكتور كفراوى
انا شفت الموضوع من الاول بس صراحه مكنتش عايزه اكون اول رد لان الناس هنا بيفرق معاها جدا اول رد وبياثر جامد عالموضوع وانا كنت عايزه الموضوع ينطرح بعيد عن افكارى
نتكلم بقى فالموضوع حضرتك عايز تفاعل اكتر بين الطلبه صح؟
مين قال ان مفيش تفاعل انت مش عندك اصحاب فدفعتك والدفعات التانيه وبتتكلم معاهم فاى موضوع انت عايزه
طيب ما ده اسمه تفاعل
ولا انت قصدك ع الاندماج بين البنات والاولاد وانا شابفه انه موجود باكبر دليل ان لو حد احتاج من حد حاجه بيروح يقوله وع ما اظن ان ده كفايه احنا مش عايزين انفتاح اكتر من كده عشان متقلبش حاجه تانيه ومتزعلوش من صراحتى
تانيا ما ده هدف من اهداف المنتدى زيادة التفاعل والحوار واننا نفهم بعض لكن بطريقه تخلى كل واحد يحفظ مركزه ويمنع نفسه من القيل والقال لان كل الموضوعات هنا بتكون اغلبيتها ثقافيه بتتناول وجهات نظر ع الملأ وديه اهم جزئيه
وفالاخر انا شايفه ان كده كفايه احنا بس نكون قد التفاعل الموجود فالوقت الحالى ونتحمل مسؤليته
وشكرا جدا انك عرفتنا ان الرحله العلميه بيتحجز لها من دلوقتى
وربنا يكرمك ويكرم كل فرد فالمنتدى ويعدى السنه ديه ع خير علينا كلنا

من طرف **cafu** الثلاثاء 12 يناير 2010, 8:46 pm

الف شكر يا د\ وسام على الردولاد ايه ووبنات ايه اقسم بالله دفعتي انا ماعرفش نصها مع اني موجود في الكلية وبحضر انا عايز نغير ثقافت التعامل يا دكتورة والف شكر للرد

ممكن تفكروا معايا

ممكن تفكروا معايا

رد: ممكن تفكروا معايا

رد: ممكن تفكروا معايا

رد: ممكن تفكروا معايا

رد: ممكن تفكروا معايا

رد: ممكن تفكروا معايا