وأخيرا وصلت الكارنيهات

ههههههههه على رايك كويس انها وصلت اساسا
بس بجد ميرسي يا وسام على التوبيك لانب بجد كنت عايزه اعرف الموضوع ده
كويس والله

السلام عليكم

والله عندك حق يا وسام الكارنيه انا فقدت فيه الامل

بس والله لو كل واحد فينا اتعامل مع حكايه الايميل بجديه اكيد حنستفيد ونتطور للافضل

اما النتيجه اللي بتوصل ديليفري فانا رايي ان اللي يجي بالسهل يروح بالسهل

انا بقى الكارنية بتاعي طلع فيه صورت حد غيري
وبصراحه انا زهقت من شون لطلاب بتاعتنا عشان رحت اول السنه وطلبت يحطوا ليا صورة جديدة قالو لالالالا صورتك موجوده وفي الاخر الصورة طلعت بتاعت واحد تاني
على فكرة النتيجة فعلا هتوصل على الاميل بس والله اعلم ده هيكون بعد ما تتعلق

الف الف حمدلله على سلامة الكارنيهات

وبعدين يا كافو احمد ربنا انو وصل بصورتك او صورة غيرك

المهم انو وصل بالسلامه

وبعدين موضوع تغير الصوره ده حوار كله بيعاني منه فعادي يعني

المهم انو احنا ممكن نقعد في البيت وتيجي النتيجه سخنه كمان

ميرسي على الموضوع

لا بجد جامده حكاية الصوره بتاعت حد تانى ديه!!!!!!!!!
وحمد الله ع سلامة الكارنيهات مره تانيه

فى البداية كدة احب ابارك واهنى كل اللى اخدوا الكارنية علشان انا كنت نسيت انه فى حاجة اسمها كارنيهات عندنا فى الكلية



اما بالنسبة لموضوع الاميل ده اللى مع الكارنية هو ماكنش يعنى ينفع اننا نغيرة او نعمل واد بالاسم الى يعجبنا يعنى الى مش عاجبة اسم اميلة يعمل اية



بس الفكرة حلوة ولو النتيجة هاتيجى علية يبقى خير وبركة

بس هو المطلوب مننا كطلبة اننا نعمل اية بالاميل ده احنا يعنى ممكن نتكلم مع العميد والدكاترة ولو ممكن رئيس الجامعة من خلالهولا ده معمول علشان يقولوا اننا متطورين ولا علشان يبعتوا النتيجة علية وبس ولا اية مش فاهم بالظبط؟!!

كل كارنية وانت طيب يا كافو وعقبال السنة الجاية !!!!!ههههههههههه

شكرا لردودكم يا جماعه
امة الله:يعنى ايه لو النتيجه جت بالساهل هتروح بالساهل هيا اجابات الامتحانات ديه نتيجه
حنون:شكرا ع ردك وده شرف لى انى افدتك
نورينان :ليه لا ممكن فعلا بعد فتره نلاقى الكليه منزله السكاشن والمحاضرات صوت وصوره ع النت ونروح الكليه بايام تتعد ع الصوابع بس فعلا امية الانترنت وقتها هتكون عائق
د.كفراوى :معلش بقى ع موضوع الكارنيه بس انت متسكتش لانه كده كان مجاش احسن
د.ماتريكس :شكرا ع ردك
ان : ميرسى ع ردك بس اوعى تنسى تاخديه
رونا: لا بقى اكنا كده بنتلكك حتى الكارنيه هنعمله حفله انا كده هتمنى اكون كارنيه فيوم من الايام
لؤى : انا عجبنى ردك فعلا لانه اتكلم عن السؤال الاهم هل فعلا هنستفيد منه؟
بوسى :وصلت بالسلامه وكفايه حادثة دكتور كفراوى

بس يبقى السؤال هل هنستفاد منها؟؟؟؟؟؟؟؟؟؟؟؟؟
انا شايفه اننا هنستفاد منها لو حبينا نجمع دفعه فيوم من الايام او لو احتاجنا حاجه من بعض يعنى الايميل ده هيكون للشغل ما بينا احنا كدكاتره بيطريين ويعنى ايميل شغل زى ما بيقولو لكن
المشكله انه معمول بالاسم الرباعى يعنى انا لو معرفش الاسم الرباعى بتاع فلان هضطر ابعت لميلون واحد عشان اعرف ده مين فيهم
لكن كل ده لا يمنع من ان الموضوع لو مشى صح هينجح جدا جدا جدا