سلمولي على الصداقه(استكمال موضوع زمن الاقنعه)

بجد انا اترددت كتير اني اكتب الموضوع ده بس للاسف اتعودت اني اكتب خواطري

وكل ما يدور بي من احداث في اجنداتي واروراقي

موضوعي يمكن يكون مكمل لموضوع زمن الاقنعه

بجد انا نفسي اعرف ايه معنى الصداقه

بجد انا مصدومه فعلا فعلا لاني كل ماده وبكتشف حجات كتير في زمنا ده بس للاسف نعيب الزمن والعيب في انفوسنا
بجد انا مستغربه اما تلاقي صديقك ال تعرفه من واانت صغير ويكون عارف انك محتاجله اوووووووي ومحتاج لمساعدنه ليك وللاسف مش عارف ليه مش تلاقيه جمبك في شدتك دي
وتفاجئ انه حتى مش هاين عليه يتصل بيك رغم ان عند مصلحته على طول جري واتصل بيك وانت ديما تتصل بيه وتسأل عنه وتفاجئ منه نكران الجميل وتلاقي ناس تانيه خالص هما الوقفوا جمبك او اصدقاء تكون انت عرفتهم في فتره بسيطه خالص هما ال ساعدوك واتطمنوا عليك وسالوا عنك

والله انا فعلا مصدومه ومش عارفه ايه ال ممكن اقوله

ميرسي يا دكتور علي على ردك
بس فعلا والله بيكون صعب اوي لما تكون انت السبب لانك ديما كنت بتحسسه انك متقدرش تستغمى عنه
وان اسرارك كلها معاه بجد اوحش شئ اما تكون هيه دي الصداقه
بجد انا حسيت ان معظم الناس بقيت كده ومعظم الاصدقاء بقوا كده وان الكل ماشي بنظام زمن المصالح بس بجد ده حرام فعلا

بس فعلا المفروض نفسي تبقى هيه صديقتي

والله بجد انا مش عارفه اشكرك ازاي على نصايحك دي واهو الواحد بيتعلم
وان شاء الله اتغير فعلا
بجد ميرسي يا دكتور علي وجزاك الله كل خير

ايه ده يا حنون
كل ده جواكى ؟
قوليلى بس مين مضايقك وانا اظبطتهولك واخلى عيشته سوده انتى متعرفنيش لما احط حد فدماغى
صدقينى هخدمك بس انتى شاورى
نتكلم بجد شويه
انا مش عارفه اقولك ايه لان على تقريبا قال كل الكلام بس بجد انا اكتر حاجه مقتنعه بيها بلاش توقعات
لان ممكن توقعاتك تلخبط الدنيا فخليكى مش مستنيه حاجه من حد عشان لو حد وقف جنبك حاجه بسيطه تحسى انها كبيره
وانا عارفه ان الاصحاب بجد مفروض يكونو احسن من كده لكن صدقينى هتتعبى عشان تلاقى اصحاب بجد
و برده صدقينى هتلاقيهم فالاخر وهتحسي وقتها انهم كانو يستاهلو انك تتعبى عشان تلاقيهم
ومتنسيش وانتى بتصلى تدعى ربنا انه يرزقك بالاصدقاء الصالحين اللى يعينوكى ع طاعة الله
وربنا يرزقك حبه وحب من احبه وحب عمل يقربك الى حبه

حنان واسمحي لي بحنان من غير دكتورةالصديق هو اللي يدي مش يستنى مقابلالصديق هواللي لما تندهي يكون اول من يجي ولهمك يشيل ويجاملعشان كده انا صديقي دلوقت هو دفتري واقلاميباملاهم بكل همومي والامي جربي يمكن تسدي الموضوع ده عشان الصديق عملة نادرة جدا 

بجد يا جماعه مش عارفه اقلكم ايه ديما وقفين معايا
اولا شكرا يا وسام وفعلا معاكي حق ان ممكن توقعاتي فعلا تلخبط كل حاجه وفعلا جربت الحكايه دي قبل كده
ثانيا دكتور ماتريكس هو الحل ده كويس بس صعب برده لاني جربته وتعبت جدا جدا والله والحمد لله لقيت ان اكتر حد اقدر اامنه على اسراري اختيييييي بس الواحد ديما بيحب ان يكون في صديق المرافق ليه هوه ال يتكلم معاه ديما وبالذات اما تكون واثق ان هوه اكتر واحد هيقدر يساعدك ويقف جمبكومش تلاقيه
ثالثا دكتور كافو معاك حق وان اشكرك على ردك وطبعا انا اختك الصغيره ونو بروبلم يعني اما تقولي حنان بدون القاب وفعلا مش المفروض اني اطلب انا منها المساعده او انها تكلمني لانيمحتاجاها ضروري مع اني للاسف والله عملت كده وبرده محستش بأهتمام وفعلا موضوع الدفتر والقلم هوه اكتر وسيله بتساعدني على همومي بجد

رابعارونا مريسي على ردك وبجد انا عارفه ان كتير منا مر بحجات زي دي وانا مريت والله بلحظات شديده جدا جدا من ناحيه الاصدقاء ده وللاسف سابت جوايا الشك وسرعه اتخاد قراراتي الخاطئه من قبل تروي واني مش قدره اثق في حد بسهوله رغم والله اني لسه بثق في الناس انا عارفه انه غلط بس بجد ده غصب عني وبحاول اني اغيره والحمد لله ربنا الموفق واكيد في ناس تنين كويسين وهلاقيهم ديما وقفين جمبي وربنا يعينك يارب وان شاء الله هعدي المضوع ببساطه كأن لم يكن

أول حاجة أحب اقو لهالك انكي لازم يكون في أصحاب لان الإنسان اللي من غير أصحاب أنا مش عارف ده عايش ازاى





أما بالنسبة لموضوع حفظ الأسرار فاسمحي لي أنة لازم يكون عندك عين ثاقبة في اختيار اللي هاتديهم سرك حتى ولو كنتى تعرفيهم من زمان



موضوع انه لما تعوزية يجيلك فدى هو المفروض يكون جنبك قبل اى حد ومن غير ما تنادى عليه



في حاجة كمان إن ساعات الإنسان يكون في حاجات يقدر يحكيها لصاحبة ومايقدرش يحكيها لأخوه أو أخته (رب أخ لي لم تلده أمي)و دي حاجة فعلا محتاجة صديق صدوق بجد مش اى كلام وده فعلا عملة نادرة بس العملة دي بتظهر بس في أوقات الشدة



عموما أتمنى لك كل توفيق ويا رب يعينك في الدنيا دي

اسمحولى كلكم اتكلمتوا وانا منكم

بس هسالكم سؤال مهم اوى

ههل انت حاسس انك صديق بجد كويس؟؟؟

مهو كل واحد بيتكلم ؟؟ طيب يبقى مين الوحش بئا ولا فين الغلط

وعجبى