شويه نكت جامده اخر حاجه

من طرف lena الإثنين 14 ديسمبر 2009, 8:03 pm

انا قلت اكسر جو الامتحانات شويه
يارب تعجبكم....

واحد رمى يمين الطلاق على مراته ماجاش فيها .

· كسلان دخل الامتحان وقع منه القلم . سلم الورقة .

· مرة واحد باع اللى وراه والى قدامه وا شترى اللى جنبه
مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .... في سجارتين.
.
مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا... عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب.
.
مسطول سالوه عن رايه فى التعليم فقال
العلم نور والجهل مهند والمدرسة سنوات الضياع والنجاح الحلم الضائع.

واحد عصبي اتجوز واحده عصبيه, يوم الولاده... الولد بيقول للدكتور وسع إنت ..

إوعى إيدك ...أنا هأنزل لوحدي
.

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله أبوس أيدك تعالى وقفها عشان أنا مش عارف.

واحد صعيدي بيدهن الحيطة ...
قالوله حط جرنال تحتيك ..
قالهم لأ أنا كده طايل كويس
.
واحد راح يعزى رجع من العزا, مراته بتقوله عزيت؟؟ قالها لأ ع السمنة.

واحد بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟
قال له: يا أهبل ... ده مجرد تشابه أسماء.

واحد من سوهاج سمع في النشرة إن فيه عاصفة جاية على سوهاج، كتب على
مدخل المدينة: مرحبا بك في أسيوط
.

واحد بلدينا اتصل بالمطافي وقال لهم: إيه؟ هو يعني لو مافيش حريق
.مانشوفكمش خالص كدا؟
واحد ياباني شغال في مشروع في قبلي، قام فات على بقالة عشان عايز يشتري
عشر علب بيبسي،
قال لبلادينا: كوميهاني سيبة موفا كالاو بيبسي
.بلدينا رد عليه: بتقول إيه؟ عايز عشر علب إيه؟

بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟

واحد ماشي في جنازة
سأل واحد: هو المرحوم كان بيشتغل إيه؟
قاله : كان تربي
!!! قال: سبحان الله ... من حفر حفرة لأخيه وقع فيها

واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.

- استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب

قالوله بتحب مين في المقاولين العرب قالهم الجماعة بتوع المحارة .

بلدياتنا فتح محل جواهرجي عمل أول يوم ببلاش ..

- 3 بلدياتنا بيلعبوا على القهوة واحد قال كش ملك والتاني قال دبش
والثالث راح واخد الكوتشينة وماشى

- الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.

من طرف Hoss4vet الإثنين 14 ديسمبر 2009, 8:39 pm

لا نكت جامدة مشكووووووووووووووووووووووووووورة

من طرف rock الإثنين 14 ديسمبر 2009, 8:44 pm

جميل دكتورة لينا مشكووووووووووووووووووووووورة

ههههههههههههههههههههههههههههههههههههههههههههه

جاااااااااااااااااااااااااامدين طحن يا لينا والله

مسطول سالوه عن رايه فى التعليم فقال
العلم نور والجهل مهند والمدرسة سنوات الضياع والنجاح الحلم الضائع.

بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟

واحد من سوهاج سمع في النشرة إن فيه عاصفة جاية على سوهاج، كتب على
مدخل المدينة: مرحبا بك في أسيوط

شكلك بتعزى السوهاجية...انا بهدى النفوس

هههههههه تقصدى بيها مين دى؟؟؟؟؟؟؟؟؟؟؟؟؟؟؟؟ طيب يعم ربنا يستر على المنتدى

من طرف shimaa abdelbaset الثلاثاء 15 ديسمبر 2009, 7:47 am

لينا النكت جامدة وعاما يالينا انا طول منا مصحباكم انا كسرة جو الامتحانات بفكر اسيبكم اليومين د
ول؟؟؟؟؟؟؟؟؟؟ بهزر طبعا انا مقدرش استغنى عنكم

من طرف **Dr.A.MATRIX** الثلاثاء 15 ديسمبر 2009, 10:45 am

هههههههههههههههههههه

لذيذ قوي لينا

متنسيناش كل فتره من الحجات دي

تسلم ايدك

من طرف lena الثلاثاء 15 ديسمبر 2009, 5:03 pm

تسلموا يا شباب والله هو ده اول موضوع ليا بس كده شجعتونى
Mercilcom a5er 7aga

على :
اللى على راسه ......................

بالنسبه ليكى انتى يا شوشو
الامتحانات معاك انت يا كبير شكل تانى
مش هتقدر تفتح عينيك
ولا تحرك ايديك
احنا ينطبق علينا النكته بتاعت الكسلان يا بنتى