كيف تعرف انّك بصدد متابعة فيلم مصري او عربي بصفة عامة

من طرف **cafu** السبت 12 ديسمبر 2009, 12:00 am

لما يجي البطل يضرب بوكس .. يطلع صوت الطبلة بعد ما يضرب بخمس دقايق
*******
لازم يكون في قصة حب هبلة و يتجوز البطل من البطلة في الاخر
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك اللي ينفتح فجأة علي مصراعيه
وتلاقي البطلة في الفيلم مصيّفه
*******

عندما يكون البطل مريضا وتقدم له البطلة حبة الدواء مع كوب ماء وبعد ان يبتلعها تسأله البطلة فورا: هاه عامل ايه دلوقتي؟ المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة اللي تصاحب مشهد القبض علي المجرم: مفيش جريمة كاملة.. أنت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره من زجاجة فاضية
بيسكر بعصير قصب
*******
عندما يخرج الطبيب من غرفة العمليات ويرد بواحدة من ثلاث جمل

للأسف اضطرينا نضحي بالجنين
شدو حيلكوا يا جماعة
العملية نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
ويخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
عندما يصاب البطل برصاصة في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي
*******
عندما تتناول الابنة الفطار وهيه واقفة وبتاخد لقمة سريعة فتقولها الوالدة ما تفطري كويس يابنتي فتقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تجد مقر العصابة مليان بالقش والبراميل الخشبية والحبال
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو

*******
عندما ينزل البطل أو البطلة من العربية المرسيدس ويطلعوا البيت من غير ما يقفلوا شبابيك العربية
أو يقفلوها بالمفتاح
*******
عندما يضرب البطل أعدائه بالبوكس فتسمع أصوات انفجارات
*******

ولما يكون اتنين قاعدين ف شقة خصوصا لو شقة البطلة والباب خبط ..يقوم البطل يسأل البطلة : انتي مستنية حد ؟؟ … كأن الباب مابيخبطش غير لما يكون ف حد واخد معاد ..

*******

وحكاية التلفونات برضه …تلاقيه بيطلب رقم ع الموبايل وعلى طول يحطه على ودانه ويقول ألو … مححسني انه بيتكلم بكوز صفيح مربوط فيه حبل!!!!!!!

*******

ومن أشهر عبارات رجال الشرطة : سلم نفسك يا دنجل …المكان كله محاصر …مفيش أبدا داعي للهرب !!!!! ايه الأدب والأخلاق دي!!!!!!!!!!!

*******

لا وكان في العبارة المشهورة جدا : أي حركة هاضرب ف المليان !!!!!اموت واعرف ايه المليان ده

*******

لما نشوف الدكتور خراج من العمليات وبيقول "احنا عملنا اللي علينا والباقي على ربنا"

*******

لما نلاقي الممثل طالع من الكليه من وسط زحام النتيجه وعامله نفسه مكشر وحزنان وتروح البطله تساله"هاه عملت ايه" يروح فجاه ضاحك عليها ويبشرها باالنجاح

*******

الجمله الخالده اما تيجي توقف تاكسي وتقوله ( اطلع يا اسطي ) والاسطي طبعا يطلع

*******

لأ وكله كوم والحته الجامد اوى اللى بتيجى فى معظم الأفلام اما واحد يضرب البطل بالنار فالبطل يرد عليه ويقوله (قتلتنى يامجرم)

*******

فى الأفلام الدينيه تلاقى الناس كلهم مكشرين و قافشين طول الفيلم

*******

الممثله بتصحى من عز النوم حاطه مكياج و مسرحه شعرها كمان !!

*******

البطل بيجوز البطلة و لازم يجيبوا مشهد ان البطلة حامل و جابت ولد سمته احمد

*******

فى الافلام الاكشن المصرى لازم البطل يطحن اى حد يأف اصاده و فى أخر الفيلم يجيلوا الوحش الكبير اللى يخلى البطل ينزل دم من كل حتة فى جسمه و بعدين فى ثانية واحدة يقوم ضربه بوكس يقوم الوحش ميت أو زعيم العصابة يموت!!!

*******

البطل ياخد براءة من تهمة ظلم والدوله تكافئه على اللى عمله (على انه قتل زعيم العصابة طبعا!!!!!!)

*******

من طرف Hoss4vet السبت 12 ديسمبر 2009, 12:14 am

هههههههههههههههههههه لا حجات جامدة
بس نسيت لما تشوف البطل بضرب ب245 رصاصة و 94 صاروخ ار بى جي ويحارب 641 راجال من افرد العصابة وبردو يضربهم كلهم ويعيش

من طرف **cafu** السبت 12 ديسمبر 2009, 12:18 am

منور يا د\حسام انا منسيتش بس لو دورت هتلاقي اكتر من كده كتير

من طرف Hoss4vet السبت 12 ديسمبر 2009, 12:21 am

هههههههههههههههههههههه ماشى يا دكتور احمد
خد عندك النكتة دى
تليفزيون وقع من الدور العاشر محصلهوش حاجة لية؟؟؟؟

عشان كان شغال علية فيلم هندى
هههههههههههههههههههههههههههههههههههههههه
ههههههههههههههههههه
ههههه
ه

ههههههههههههههههههههههههههههه

توبيك جامد يا دكتور كافو

بجد هو دا اللي بيحصل

هههههههههههههههههههههههههههههههههههههههههههههههههه

--------------------------------------------

كيف تعرف انّك بصدد متابعة فيلم مصري او عربي بصفة عامة 12958121913233167016297

كيف تعرف انّك بصدد متابعة فيلم مصري او عربي بصفة عامة 12958121913233167016297

كيف تعرف انّك بصدد متابعة فيلم مصري او عربي بصفة عامة

كيف تعرف انّك بصدد متابعة فيلم مصري او عربي بصفة عامة

رد: كيف تعرف انّك بصدد متابعة فيلم مصري او عربي بصفة عامة

رد: كيف تعرف انّك بصدد متابعة فيلم مصري او عربي بصفة عامة

رد: كيف تعرف انّك بصدد متابعة فيلم مصري او عربي بصفة عامة

رد: كيف تعرف انّك بصدد متابعة فيلم مصري او عربي بصفة عامة