احساس يشعر به طلبه الطب البيطرى

انا موضوعى كله يدور حول احساس تشعر به كل طلبه بيطرى الا القليل
جميع طلبه بيطرى وانا واحده منهم كان حلمهم يدخلوا طب بشرى او صيدله ولس بيطرى وعندما قبلهم بيطرى زعلوا جامد ودارت فى اذهانهم اشياء كثيره وانتم عارفنها مفيش داعى اذكرها لكن الحمد لله بعد دخول الكليه بنحبها وانا الحمد لله بقى معنديش استعداداحول لاى كليه غيرها..0000000000000000000000000000000000000000000000
السؤال اللى عايزه اطرحه وعايزه اعرف اجابتكم عليه
الطلبه بتزعل ليه عندما تعرف انها دخلت بيطرى؟



انا من وجهت نظرى انه السبب الرئيسى فى هذاهو الفكره الخاطئه فى اذهان بعض الناس عن الطبيب البيطرى وانه لا اهميه له وانهم لا يحتاجوه وبالاضافه الى ذلك وهو اكثر شئ يحزنى ان الواحد منا لما احد يساله فى كليه اه ويقوله طب بيطرى فير عليه(مفيش غير الكليه ده اللى عجبتك هتبقى دكتور بهايم يا راجل حول منها)وهذه الجمله اتقلتلى كتير والله على ما اقول شهيد كما ان هذه الجمله كانت سبب فى انى طالبه حولت من الكليه هذه السنه فى اولى 0
لانى بحب كليتى وفخوره بيها انا طرحت هذا الموضوع لانه يهم كل البيطرين
والمفروض عليناان نعرف كل من يجهل باهميه الطب البيطرى فى كتير من المتعلمين لن يعرفوا شئ عن الطب البيطرى

انا معاكي جدا يا دكتوره

بس عارفه السبب الاكبر ايه

ان مجتمعنا قليل جدا جدا فيه الناس اللي لامؤخذه عقليتها العلميه كويسه

لذالك بيترى عندنا افكار انو طب بيطري مجرد تعامل مع حيوانات

ومينظرش الى الموضوع ده من الوجهه التي يجب ان نراه من خلالها

وهيه ان احنا بنلعب دوووووووور كبييييييييييييير جدا في العالم والبيئه اللي احنا بنعيش فيها حتى ممكن اكتر بكتير من البشري

وانتو طبعا فاهمين وجهة نظري كامله

وميرسي جدا على الموضوع الجميل ده

موضوع جميل يا نورينان
وانا معاكم انا السبب الرئيسى هو جهل الناس باهمية الطبيب البيطرى
وكمات ده تقصير من الجيل اللى قبلنا
لكن دورنا بقى اننا نثبت للمجتمع اننا نستحق كل الاحترام

السلام عليكم
فعلا كلام الناس كتير وجميل عن الطب البيطري والطبيب البيطري من تريقة وخلافه بس نرجع ونقول المسئول عن جزء كبير من الحاجات دي الاطباء البيطريين واللي بيعملوه ف نفسهم بيضحكوا عليهم الناس ويخليهم يتريقوا عليهم ليه الطبيب البيطري مش عامل لنفسه قيمة زي الطبيب البسري والصيدلي اولا لازم يكون واثق من نفسه انه دكتور ودوره مهم جدا كمان ده لازم يكون مع الخلفية العلمية اللي هتديلة ثقة وثبات لو هو وثق ف نفسه وف مهنته مش هيدي فرصة لحد ان يقول كلمة كده او كده لكن للاسف مجرد مش يسمع كلمة يقول اه والله ياخي دي مهنة ... وكلية.... ويخلي اللي قدامة يزيد ف الكلام
دور الطبيب البيطري دور فعال جدا مش ف الثروة الحيوانية والرقابة الصحية علي الاغذية وبس كمان منع الامراض المشتركة اللي بتتنقل للانسان زي الامراض الكتير اللي ظاهرة اليومين دول ومنتشرة

السلام عليكم
كلامك مضبوط لو كل واحد مننا عرف دوره واهميته وادي المطلوب منه ع اكمل وجه اكيد هنرتقي بمهنتنا

انا رايي غريب شوية
و ما يفرقشي كتير عن راي كل الناس
بس انا اصلا بيطري دي ما كنتش كاتبها اصلا في الرغبات
لولا واحد ربنا يمسية بالخير نصحني وقالي اكتبها مش هتخسر حاجة لاني ببساطة كنت راسم لنفسي صيدلة
وسبحان الله كانة كان عارف اني هدخل بيطري وسمعت الخبر وكانة يوم موتي
وحاولت احول من الكلية واروح السن او سياسة واقتصاد وابعد عن حاجة اسمها طب بيطري لكن لما جيت الكلية ما كانشي ملفي لسة وصل فما نفعشي
ودا ادالي مدة اطول افكر فيها واتشير فيها ناس فاهمة وكدا يعني
وبعد كدا قلت هو دا نصيبي ولازم ارضي بية
والحمد لله لما دخلت الكلية وحاليا لو قالولي تعالي بشري ونفس السنة مش هروح
لاني فعلا وبجد اقتنعت تمام الاقتناع بكليتنا الجميلة رغم اختلافي معاها بعض الشئ

اكيد المشكلة كلها نورنيان فى ثقافة المجتمع للاسف جاهل ومتعلم على حد السواء

واحنا لينا دور فى ده .....ومن حق اى حد يشوف كليته احسن كليه

دى رسالتنا فى الحياة كاطباء بيطرين..ولا تقتصر فقط على الطب البيطرى والتعامل مع الحيوانات بل اعم واشمل

وفرص ومجالات العمل كطبيب بيطرى كبييييييييرة جدا

وان كنا لحد دلوقتى محتاجين ثورة على تفكير المجتمع واقناع انفسنا الاول برسالتنا واهمية الكلية وبعد كده اقناع المجتمع بيها

حتى ان طب بيطرى تنسى فى زمرة الكليات ولا ياتى ذكرها..ولا تعتبر ضمن تصنيف كليات القمة(على حد قولهم)

انا قلت قبل كده للعميد فى لقاء اننا نحاول نعمل ندوات ودورات تثقيفية والقوافل والطلبة فى المدارس والاعلام نهتم اكتر بالجانب ده وايضاح دور الكلية للجميع

بس للاسف احنا بنتكلم وبــــــس...اما وقت الشغل ..................................