ايه الدافع انك تعمل المنتدى يا على ؟

ايه الدافع انك تعمل المنتدى يا على ؟
السؤال ده يا جماعه اتسألته كتير
علشان كده انا قلت اجاوب عليه هنا وكمان علشان تعرفو الفكره جات ازاى
بصو يا جماعه الحكايه بدأت أول ما إشتركت على الفيس بوك
وتانى يوم ليا على الفيس بوك بحث عن طب بيطرى لقيت ان كل كليه ليها جروب بيطرى اسيوط واسماعيليه وقناه السويس والمنصوره وبنى سويف
ده كمان فى كليات عاملين لكل دفعه جروب
فكرت وقل طيب اشمعنى احنا
للدرجه دى صعبه اننا نعمل جروب على الفيس بوك
نجتمع فيه زى الناس دى
مفيش حد من كليتنا اللى على الفيس بوك يعرف يعمل جروب
رحت عامل جروب الفيس بوك وده رابط بتاعه
[ندعوك للتسجيل في المنتدى أو التعريف بنفسك لمعاينة هذا الرابط]
وبعت دعوات للناس اللى عندى اللى من كليتنا
وناس كتير اشتركت فى الاول
ولقيت ترحيب بالفكره من بعض الناس
لكن كنت بسمع ناس تقولى
يا عم اسكت متفضحناش خلينا كده محدش يعرفنا اصلك مش هتلاقى ناس من الكليه على الفيس بوك كتير "
انت كده فضحتنا جروب لكليه مفهوش غير 10 -15 واحد هههههههههههههههههه
"
المهم انتهى الجروب بالفشل
بس كان فى ترحيب طبعا من بعض الناس وده اللى خلانى اكمل

وبعد كده لقيت واحد عامل منتدى للجامعه
وعامل قسم لكل الكليات
رحت داخل على قسم كليتنا
مكنش فيه ولا موضوع
رحت كتيبت فيه كام موضوع من المواضيع الهبله
كلن كل تفكيرى انى اكتر مواضيع القسم ده علشان الناس تقول ان بيطرى شغالييين
بس اللى استغربتله صح هو انى لقيت كليه طب اللى هى اول سنه وعددهم 50 واحد بس يعنى يدوب سكشنين من عندنا
عملو منتدى مستقل بيهم وكانو شغاليين فيه كويس
بدأت ابحث ازاى اعمل منتدى؟

لحد ما عرفت ازاى اعمل منتدى وعملته الحمد لله

وبعد كده جات مشكله الاعلان عنه
بدأت ابعت ل google
وبدأت بعد كده اعمل إعلان عنه فى كل منتدى بيطرى اشوفه
منتدى الساحه العربيه
منتدى البيطره العربيه
منتدى بيطرى المستقبل
منتدى سيريا فيت
بس منتدى سيريا فيت لقيت حاجه برضه غاظتنى جدا
لقيت معظم كليات بيطرى ليها قسم على المنتدى
بس ملقيتشى قسم لبيطرى قنا مع ان فى ناس كتير من الكليه وخريجي الكليه على منتدى سيريا فيت
المهم رحت كلمت واحد اعرفه من بيطرى بنى سويف اسمه محسن كرم جايز حد يعرفه فيكم
وجبت منه ايميلات بتاعه إداره منتدى سيريا فيت
وكلمتهم وطلعو كويسين جدا وعملولى القسم لكليتنا
ومسكت أشراف على القسم

بس الحمد لله منتدانا نجح بشكل غير متوقع خالص والله
طولت عليكم انا صح ؟؟؟؟؟؟؟ وانا كمان والله تعبت من الكتابه
يلا سلام

شكرا د محمد والله النجاح الكبير للمنتدى
انه استطاع رغم امكانياته البسيطه انه يعجب حضرتك وباقى أعضاء هيئه التدريس اللى معانا

بصراحه دكتور على عمل مجهود جامد جدااااااااااا



انا اشتركت ف المنتدى وتقريبا كان افضل عشر اعضاء ف المنتدى



هم اللى شغالي بس هم اللى يعرفوا المنتدى اصلا



وكنا عرف بعض كلنا



بس الحمد لله



دلوقت المنتدى بقى فيه اعضاء كتير وا ش ا هيزيدوا وكلهم شغالين



يعنى المنتدى اترفع رفعه جامده جدا الحمد لله



وبصراحه المنتدى من يوم اشتراك اعضاء هيئه التدريس



اصبح منتدى طب بيطرى فعلا



واظن دكتور على ناووو



يستحق ان نرفع له القبعه



اللى احنا مش لابسينها اصلا



ههههههههههههههههههههههههه



بجد اجسنت يا دكتور على





مهـــــــــــــــــــــــــــــــــــا

أكيد يا دكتور سيد بإذن الله هنكمل
يعنى بعد التعب ده كله حضرتك متخيل اننا ممكن نفكر نسيب المنتدى
لا يا دكتور سيد ان شاء الله هنستمر حتى بعد التخرج
وإحتمال كبير نورثه بعد ما نموت
بس انت عارف سنه ثالثه وقلقها
واوعدك يا د سيد بتغييرات جميله جدا وأفكار جديده بإذن الله هتكون فى المنتدى
بس هتكون فى أجازه نصف السنه

والله يا جماعه
احسن مكافآه للناس اللى تعبت فى المنتدى ده
انكم تفضلو منورين المنتدى بوجودكم
علشان يحسو ان تعبهم ما راحش هدر