جدول الامتحاات اتظبط

السلام عليكم

كويس خالص ان الجدول بقي اسبوعين لانه اخف وطاه من اسبوع واحد

ومتشكرين يا دكتور علي الاهتمام بالامتحانات وجزاكم الله خير

بس يا تري المعلومه دي مؤكده ولا لا

والف شكر

للا ياامه الله ان شاء الله المعلومة انا اخدتها من مصدر موثوق منه وربنا يوفقك ف سنه تالته لانها صعبة فعلا وربنا يكرمكم ياداكترة

اهلا وسهلا بيك معانا
ومادام انت واخدها جد كده وهتبقى صوت المعارضه هنا فاسمح لى اعترض
انت حاطط مووضعك ففسم التهانى والمناسبات صح؟؟؟؟؟؟؟؟؟؟؟
ايه علاقة جدول الامتحانات بالتهانى والمناسبات بقى
عشان كده انا هنقل الموضوع ده لقسم اخبار الكليه
ومتنساش انك اللى بدات
انا طبعا بغلس عليك شويه كده عشان متتعبنيش فالمكان حط المواضيع
وبعدين انت ازاى معنا فالكليه وعندك 14 سنه ولا ده لازوم التخفى والمعارضه؟

اول حاجة ياوسام كل سنة وانتى طيبة وعاقله امين يارب وربنا يكملك بعقلك يارب !!!!. تانى حاجة انا عارف انه فيه جزء فى المنتدى اسمه اخبار الكلية واول اعتراض على سعادتك انك نقلتى الخبر من قسم التهانى الى قسم اخبار الكلية وانا حاطط الموضوع مخصوص فى قسم التهانى لانى بالموضوع ده بهنى وبفرح زمايلى بالجدول اللى اتغير وانا بعتبر ده مناسبة تستاهل التهنئه اكتر من انه خبر عادى فييت تعملى الكلام ده مع واحد يجهل الكمبيوتر او المنتديات ومتتريسيش على حد وياريت يرجع الخبر ذى مكان فى قسم التهانى لو سمحتى
وياريت حضرتك متنقليش اخبار او موضوعات من مكان لمكان تانى لان صاحبها بيكون عاوز بعرف ايه تعليق الناس عليها وبيروح للمكان اللى حاطه فيها وخصوصا انا ياريت موضوعاتى تكون فى المكان اللى حاططها فيه لانى بحطها لغرض مش كده وبس

الفارس المقنع
اولا انا اسمى د.وسام ماشى يا دكتور.................
ثانيا زى ما قال د.على نور ده شغل الاداره وانا عمرى ما اتمريست ع حد هنا والناس كلها تشهد بكده وعمرى ما بنقل موضوع لحد غير لما يكون الموضوع يستاهل وده كله فالاخر لمصلحة اللى داخل يتابع اى حاجه ع المنتدى يعنى مش مصلحتى انا
وكمان قبل ما بنقل بوضح سبب نقل الموضع وناس قبلك كتير اتنقل لها موااصيع ويمكن كمان اتمسح لها مواضيع ومحدش اتخذ موقف عدائى زى ما حضرتك عملت
وبعدين مش ملاحظ ان اسلوبك معانا فالمنتدى من الاول غلط يعنى لو احنا مش عاجبينك قاعد معانا ليه ؟؟؟؟؟؟؟؟؟؟

awalan a7eb obde e3gabe be edaret elmontada elmotab3a le kol 7aga fe elmontada we btraqeb kol elmawade3 awel ma betenzel , bs tane 7aga yaret elrad 3ala ela3da2 yekon be tare2a ahda mn keda 3alashan dol momken yekono mo3eden . bs bsara7a hwa yestahel elrad da awalan e7na zamayel m3a ba3d fe elkolia aw bara elkolia bs kol wa7ed fena m3araf 3ala sha7'seyeto bedon 7'of , we 3alashan ma7adesh ye3'lat fe 7ad mn 3'er ma ye3rafo

المنتدى فعلا روعة وتسلم ايد المشرفين وادارة المنتدى ورايهم دائما صواب وما تضيقى حضرتك يا دكتورة وسام لانا كلنا عارفين حضرتك بجد زاك الله كل خير وكل الادارة لان المنتدى روعة بمجهودتكوا الرائعة
ويا دكتور مفهاش حاجة لما ينتقل موضوع من المكان لمكان
وحصل خير وصلوا على الحبيب عليه افضل الصلاة والسلام

السلام عليكم يازمايلنا واخواتى ودكاترتى
اولا انا سعيد جدا ان الامتحانات اتظبطت وربنا يكرمنا كلنا ويوفقنا بس انا حبيت اوضح حاجه للمنتدى ولكل المشاركين انا طبعا سعيد جدا جدا بالمنتدى ده لانه عنوان لكليتنا بس حبيت اوضح حاجه للدكتورة وسام معلش يعنى انا عضو جديد كتبت حاجه ف مكان مش اللى هوا او مش موضعة متبدئيش انتى تعترضى عليا بالشكل الساخر ده وانتى متعرفيش اصلا انا مين معلش انا مبداش اهزر او اسخر من واحد انا معرفش هوا مين عشان انا مش هعرف ايه رد فعله انا لما دخلت على المنتدى سواء اعرف اقسامه او معرفهاش وكتبت فى مكان مش موضعة متبدئيش انتى تعترضى عليا وتقولى:
وومادام انت واخدها جد كده وهتبقى صوت المعارضه هنا فاسمح لى اعترض
انت حاطط مووضعك ففسم التهانى والمناسبات صح؟؟؟؟؟؟؟؟؟؟؟
ايه علاقة جدول الامتحانات بالتهانى والمناسبات بقى
عشان كده انا هنقل الموضوع ده لقسم اخبار الكليه
ومتنساش انك اللى بدات
انا طبعا بغلس عليك شويه كده عشان متتعبنيش فالمكان حط المواضيع
وبعدين انت ازاى معنا فالكليه وعندك 14 سنه ولا ده لازوم التخفى والمعارضه؟

ايا كان انا مين انتى مش من حقك تكتبى لواحد متعرفيهوش انك بتغلسى عليه وكمان مش من حقك كمان انك تكتبى لزوم التخفى انتى تعرفى عمرى كام ممكن اكون اكبر منك او اصغر او ف سنك ايه المشكله

على العموم يادكاترة انا مقصدتش حاجه بس انا كل اللى كنت عاوزه من جدول الامتحان انى اسلم عليكم وابدا بموضوع يفرح الناس كلها عشان كده اعتبرته مناسبة لازم تتحط فى المناسبات ومعلش يعنى على الغلط وارجو انى اكون معاكم على طول ف المنتدى ما بين زمايلى واصحابى

فعلا الموضوع اخد اكتر من حجمه ممكن يا جماعه ننسى ان الموضوع ده حصل
وكلنا هنا اخوات سواء كنا اخوات بعض الكبار او الصغيرين وانا كنت نيتى صافيه مع د..الفارس المقنع
ولما كنت بتكلم معاه كان عادى كلامى والله وكنت بتكلم كده بحكم انك اخويا الصغير عادى يعنى احنا عندنا مشتركين هنا فالعمر ده فعلا
وع العموم حصل خير انت شديت وانا كمان شديت فالكلام يا دكتور فارس
لكن فالاخر احنا كلنا هنا اخوات وهدفنا واحد واهتمامتنا واحده يعنى فى حاجات كتيره تجمعنا اكتر ما تفرقنا