يعنى عيد وشغل احمدك يارب

<P>سلام عليكم جميعا </P>
<P>صباح الاناناس وكل سنه وانتو طيبين ورجعنا تانى نحكى عن الانترفيوهات والشركات اخباركو ايه واحشينى اخر حاجه ........ واخبار المنتدى اللذيذ ايه ياترى ؟؟؟</P>
<P>فعلا ياجدعان عملية الشغل دى رزق ونصيب من عند ربنا سبحانه وتعالى المهم واحد صاحبى اتصل بيا وقالى فى شركة هندية طالبة قلت ميضرش هندية هندية والمهم اتصلت بيهم وكالعاده ابعتلنا السى فى وبعته كعادتى وبعد كدا لقيت سوبرفايزور بيتصل بيا بيقولى لازم تجيب زمايل ليك يقدمو معاك حاجه غريبة والله ازاى ياعم الحاج قالى عشان لما نبعتكو مصر مينفعش ابعت واحد بس عشان انت بس اللى مقدم قلت والله خير اتصلت بفريق المشاة اللى هما لسه مشتغلوش وقلتلهم ع الشركة والحوارات دى وانا بتصل بواحد من صحابى راح قالى بقولك ايه متجبليش سيرة الشركات انا اتعقدت خلاص ليه بس ياحبيب هارتى قالى انا عملت انترفيو فى شركة مالتى ناشونال اسمها استلاس نازلة مصر جديد ودى شركة يابانيه والراجل رخم عليا مووووووووووووووز وناوى اشتغل فيلد قلتله ياعم هدى اعصابك مش كدا لازم تتحمل استرس بتاعهم عشان تسلك فيها يامعلم المهم قالى متاخد الرقم بتاعهم وتجرب انا طبعا عاوز اقفل معاه المكالمه عشان خلاص مش ناوى يقدم معايا فى الشركة الهندية اسمها رانبكسى قلتله هاته ياسيدى وانا بكتب الرقم ع الموبايل التانى داس لوحده دايل اب وانا كنت بحكى معاه ولما خلصت معاه لقيت رقم غريب بيتصل على الموبيل التانى قلت الرقم دا شفته فين قبل كدا هههههههههههههههههه افتكرت انى لسه كاتبه وادركت انى انا دوست دايل اب بالغلط المهم لقيت destrict manager بيكلمنى وبيقولى حضرتك اتصلت المهم اعتذرتله وفهمته القصه وعرفته بنفسى وكذا كذا كذا الراجل كان محترم بشكل غير عادى قالى ايه رايك اعمل معاك انترفيو ع التلفون قلتله بيس&nbsp; رحت&nbsp;قايم ودخلت الاوضة لوحدى وظبطته تظبيطه محصلتش قعد نص ساعه يحكى عرفنى بنفسك&nbsp;وعاوز تدخل دعاية ليه&nbsp;واشمعنى طموحك مالتى ناشونال واسرتك والحاجات دى وقعد يسأل انت كان ايه انشطتك ايام الكلية ومين بيجيب طلبات البيت والكهربائى والسباك وممكن تتوقع اى اسئلة غريبة اهم حاجه متستغربش من اى سؤال وتكون ع قدر عالى من الثقة وتحسسه انه اى حاجه بيقولها عادى جدا جدا جدا&nbsp;سألنى&nbsp;شغلاتنا صعبه جدا&nbsp;انت عاوز تتجوز&nbsp;امتى قلتله ان شاء الله لما هبقى area&nbsp;manager راح قالى تتوقع تكون ايريا مانجر ف اد ايه رحت قلتله فى خمس سنين&nbsp;قالى ياااااه انا موصلتلهاش قلتله مش كل الناس زى بعضها يادكتور المهم&nbsp;الراجل ضحك وقالى بس الايريا بتاعتك كبيرة اسوان الغردقة وقنا قلتله مدام هاخد فلوس وعربية وانزل&nbsp;الفنادق اللى انا عاوزها اكيد مش مشكله خالص بالنسبالى المهم راح قالى بص ف تلاته من قنا&nbsp;جايين بكره معاهم فاينال مع&nbsp;مدير اتحاد شركات المالتى ( ليلى&nbsp;نوفورديسك استلاس استرا وكام شركة كدا ) قالى تقدر&nbsp;تركب الوقتى وتيجى القاهرة الصبح&nbsp;قلتله&nbsp;مفيش حجز بس هاجى عن طريق الغردقة عشان احسسه انى مهتم وانا عارف انى هتصرف ف تذاكر ههههههههههههههه المهم سافرت والقطر الله يحرقه بجاز تمنين اخد تلاتاشر ساعه المهم وصلت&nbsp;واخدت تاكسى وطيران ع مصر الجديده وبعد كدا رحت عملت انترفيو مع&nbsp;sales&nbsp;area manager وحددولى بعدها بيوم انترفيو نهائى مع General manager&nbsp;وتانى يوم&nbsp;رحت ومظبط&nbsp;حالى بالفورمال ودخلت عل الراجل بصراحه&nbsp;عملت انترفيوهات كتير ومكنتش مرهوب زى من الراجل دى المهم مكملش معايا تلات دقايق ياجدعان وقالى اتفضل اتصلت بالديستركت&nbsp;بعدها وقالى تعالالى المكتب انا اللى لسه مشفتك ههههههههههههه تلفون بقى ياجدعان المهم قالى بص&nbsp;انا بعتذرلك جدا جدا&nbsp;انى جبتك من المكان دا ودى نص فرصة اللى انت جيت عشانها وانت عارف فى ناس من قنا كانو مقدمين قبلك بكتير وربنا يوفقك ويكرمك خرجت مخنوق جدا وقلت وبعدين&nbsp;يعنى انا احسن واحد اقدم ف فايزر وميخدوش حد واقدم ف الشركة دى ومليش نصيب بدأت الثقة اللى&nbsp;عندى تنزل شويه وقلت ولسه بركب التاكسى ولقيت الباشا بيتصل بيا مبروك يابطل انتا معانا فى القوات المسلحه وهتبدأ تدريب بعد العيد وتجيب مصوغات التعيين كذا وكذا وكذا والحمد لله بجدددددددددددددددددددددددددد واخيرا عملت ان رزقى لا ياخذه احد غيرى فاطمأن غيرى </P>
<P>ودعواتكو جميعا وربنا يكرمنا&nbsp;ويوفقنا لما يحبه ويرضاه </P>
<P>معلش بقى طولت عليكو وصدعتكو سلامات سلامات&nbsp;</P>

بجد انا اعدت اقرا للاخر مستنية حضرتك تقول اشتغلت فين ولما قلت قال ليه خلاص كنت واثقة انى ربنا هيكرم حضرتك يا دكتور الى يتعب عمر ما ربنا يضيع تعبه والى يسعى ربنا يعطيه بزيادة والثقة الى كنت تملكها حضرتك من ثقتك فى الله عز وجل و
انا على ظن عبدى بى
فربنا ما ضيع ثقتك وبجد الللللللللللللللللللللللللللللللللللللللللللللللف مليون مبروك يا دكتور
الف مبررررررررررررررررررروك وعقبال الجميع اللهم اااااااااااااااااااااااااامين

شكرا على مروركم الكريم
ميرسى جدا ياوسام وان شاء الله ميكنش فى حسد ولا حاجه وهستلمها اخر الشهر دا قولى يارب وربك دايما كريم الحمد لله وعقبالك كدا ما نشوفك فى احسن شركة لو حابة دعاية او احسن فيلد لو انتى برضو حاباه
ميرسى جدا ع مرورك محبة الله وطبعا الثقة بالله سبحانه وتعالى لازم تبقى متوافرة فى اى حد والحمد لله على كل شى واهم حاجه الانسان فعلا يسعى وربنا يزرقنا جميعا للخير والصالح يارب امين
وميرسى ع مرورك ياكافو ياعم انتا الكبير يابرنس ودعواتك معايا وربنا يسهل كل امر صعب ويزيل لنا الامور كلها امين وكل سنه وانت طيب يارب

مبرووووووووووووووووووووك بامعلم الف مبروك ياعبود
اهلا بيك فى عالم الدعاية
لو هاتمسك نجع حمادى معاهم هابقى اشوفك
مبروك مرة تانية واثبت نفسك من اول يوم
وملكش دعوة باللى يقولك متجيبش اخرك من اول يوم فى الشركة
الشاطر ملوش اخر وربنا يوفقك واتعامل فى الشغل بزكاء علشن متتعبش

ربنا يعزك يادك مختار انت وسيادة المدير العام بس اه لو امسك انا مدير للمنتدى هبقى اخر السطه هههههههههههههههههوعقبال التخرج والشغل يابوعلى وشكرا ع نصايحك الغالية يابو مختار ياكبير