فوائد التدخين

جبت موضوع عن التدخين
بس المرة دى مش عن اضراره بالعكس دى عن فوايده
يلا كل المدخنين يدخلوا ويقولوا رايهم......................
يلا نبتدى يا حلوين
اول حاجة المدخن لا يعانى غالبا من امراض الشيخوخه
وده طبعا لانه يعينى بيموت وهو فى عز شبابه (والله كان طيب)


تانى حاجه انه بيتيح للمدخن فرصه للتعرف على كثير من الاصدقاء
وده طبعا لانه كل يوم عند دكتور جديد


اما اكبر فوائد التدخين من وجهة نظرى فهو انك عمرك متخاف على
بيتك من السرقه وده لسببين
الاول لان صوت كحتك (سعالك) هيخلى الحرامى يفتكر انك لسه صاحى
والثانى لانك مش هيبقى عندك شىء يستحق السرقه (ان سرقت اسرق جمل)
لانك هتصرف معظم فلوسك على السجاير واللى جواها


كمان مش هيخليك تخاف انك تقع وانتى ماشى او ان كلب يحاول يعضك
وده طبعا لان العصايه اللى انتى هتمشى ساند عليها هتحميك من كل ده


اما عن التوفير فالتدخين له فوائد عظيمه من الناحية دى
لانك هتوفر فلوس الملابس الرياضية لانها هتكون عدوك الاول
وكمان مش هتحتاج تشترى برفان لان ريحة السجاير كفايه


ياسلام لو دخلت تركب اتوبيس وكان زحمه هتضمن انك تلاقى كرسى
لانه لو حد شاف منظرك وضعف صحتك اكيد قلبه هيرق ويتنازلك عن الكرسى


اخيرا انه هيوفر على الورثه مشقة الانتظار


اعتذااااااااااااااااااااار
انا بجد اسفه لو ان كلامى هيزعل او يجرح حد من المدخنين
بس اكيد هيفرحنى اكتر لوانى عرفت انه هيبطل تدخين
علشان ربنا وعلشان نفسه


اسفه انى طولت عليكم يلا مستنيه ردودكم
طبعا غير المدخنين قبل المدخنين لان ده تانى موضوع ليه
فى المنتدى واتمنى انه ينال اعجابكم

بجد جميل والله , ياريت فعلا المدخنين يقتنعوا انى التدخين حرام مش عادة سيئة مضرة بالصحة
اصلى كتير نسمع ناس تقول انا حولت ابطل بس ما قدرتش ,انتا مش هتتفضل على المجتمع واللى حواليك انتا بتعمل ذنب فى حق نفسمك وحق اللى حواليك والمشكلة انى اللى حواليك اقرب الناس إليك
فإذا مكنتش بتفكر فى نفسك لما تموت و الملاكين ( منكر ونكير ) يسؤلوك عن عمرك فيما ابليته وعن مالك فيما انفقته , يبقى فكر فى حياتك بعدين مع اولادك لما تضيق عليهم فى المصاريف اصلى حضرتك عامل ميزانية للسجاير او لما ابنك يكبر كده -ربنا يديك طولت العمر وتشوفوا_ تلقى داخل عليك بسجارة او حتى تشوفوا من بعيد مش هتقدر تقول لا او حتى لو قلت لا يبقى قول للصبح
اصلى انتا اللى زرعت وانتا اللى هتحصد ( ولقد عققت ولدك قبل ان يعقك
انا اسفة اذا كنت طولت عليكوا بس السجاير اصبحت ظاهرة مخيفة اليومين دول
شكرا ليكى يا ميرو

nice topic dr mero

thanks for ur great effort

ياجماعه كل كلامكو ع السجاير طب واللى بيشربوا شيشه يعملوا ايه ههههههههههههههه

شكرا لمروركم وعموما د\بيدو متزعلش قريب انزللك فوائد الشيشه

هههههههههههههههههههه ربنا يتوب علينا ونقلع عن اى حاجه ضارة