نفسى اذاكر!!!!!!!!!!!!

ونكرر تانى يا د صبرى
دور على مذكره الامتحانات وهاتها وحطها جنبك وانت بتبيض او وانت بتذاكر لانها بتبينلك الحاجات المهمه الى بتركز عليها الدكاتره وطبعا دى تظبطها كويس جدا سواء كان تبييض او مذاكره
والحاجه التانيه الى بقول فيها كل مره دور على صاحب اكبر منك بسنه وانا بقول بسنه لانى بيكون اخر واحد عدى على السنه بتاعتك وهوه الى يعرف كل ماده ونظامها ايه وكل دكتور وطريقة الشرح بتاعته وتعرف ايه الماده الى ممكن تتبيض وايه الماده الى ممكن الكتاب يكون كافى فيها وبكده تكون عرفت المطلوب وتذاكر على نور
ودى نصيحه بالذات لطلبه سنه اولى دور على حد اكبر منك بس يكون شاااااااااااطر ويديلك النصيحه وامشى عليها وان شاء الله ربنا يكرمك وعلى فكره كلنا كنا بنعمل كده واحنا طلبه وربنا يكرمكم
وما تنساش ثقتك فى الله قبل كل شىء وثقتك بنفسك وما تسمعش كلام من ناس اكبر منك تحاول تثبط منك وتقولك دى ماده مفهاش تقدير وده دكتور بيسقط او مش بيدى تقدير لالالالالالا كل سنه وليها نظامها وانت اعمل الى عليك والباقى على ربنا

فعلا طرق المذاكره كتير جدا بس انا عايزه اضيف حاجه ان الواحد مفروض يكون مرن مع نفسه
بمعنى انا جربت طريفه معينه وشفت انها مجبتش نتايج مرضيه يبقى لازم اغير الطريقه مش افضل ماسك فيها سنين عمرى واقول بذاكر ومش بجيب تقديرات واقعد اشتكى الدنيا والناس
حاجه كمان
ممكن الطريقه تختلف من ماده لماده يعنى فى مواد تتذاكر من الكتاب ومواد لازم تتبيض وتكون منسقه

وفى الاخر مش مهم الطريقه ولا مهم ازاى المهم انها توصلك لهدفك مهما كان

شكرا للاضافه من يادكتور صلاح وكلامك يادكتورنا كان لازم عشان الحلو يكمل بحاجه احلى وشكرا ليكى د وسام على الاضافة وكلامك تمام ان مش كل المواد بتتبيض لان فيه مواد كنا فعلا بنذاكرها على طول من الكتاب