ما الذى دار فى زهنك عند؟؟؟

السلام عليكم ورحمه الله وبركاته
حضرتك يا دكتور رجعتني بسنين ورا
اول ما ظهرت نتيجه التنسيق حسيت بزهول وحزن و.....
اول يوم في الكليه ولما دخلت المشرحه حسيت ان الموضوع كبير ومش لعبه
اما اول يوم في سنه تالته كنت حاسه بخوف واضطراب شديد لم ينته بعد

الباقي لسه في علم الغيب

بس انا فاكره كل يوم فيهم كويس كانه قدامي وكان السنين شريط شغاااااال قدام عيني

واكيد استفدت كتييير وكل واحد مش بياخد اكتر من نصيبه لان ربنا عاوز كده واهم حاجه الرضا والقناعه بالمقسوم

والله الموفق

شكرا يا  امة الله انت وعلى على ردودكم لكن الهدف هل احنا استفدنا من الاجابه على هذه الاسئله وهل الاسئله دى اتغيرت اجابتها بتغير الزمن وانكم قربتم تتخرجو من الكليه؟؟؟؟؟

انا جاوبت ع الاسئله واكتشفت حاجه واحده
ان الدنيا بتتغير وانت كمان بتتغير معاها
حاجات مكناش مصدقين انها تحصل وحصلت
وحاجات كنا كارهينها وحبيناها
عرفت ان دوام الحال من المحال

انا لسه فى سنه اولى فهجاوب على سؤالين بس
اول مظهرت نتيجة التنسيق بسراحه كنت فرحانه لان سمعت ساعتها ان المجاميع مرتفعه وان بيطرى هتاخد من 96,5 فحسيت انها هترسى على علوم فقعدت اعيط وادعى ربنا لحد مربنا كرمنى
اول يوم دخلت فيه المشرحه كنت مش مصدقه وكنت متشوقه اعرف ايه الحاجات اللى هدرسها فى الكليه غير التشريح وبعد كده حبيت العلوم اللى انا بخدها باستثناء الوراثه
بعد كده اتعلمت ان الواحد لازم يدعى ربنا وهو متاكد ان ربنا هيقبل دعوته والواحد مش لازم يزعل من قدر ربنا لانه لازم يتاكد من حاجه مهمه ان ربنا حطه فى المكان المناسب ليه وانه يفكر يمكن لو دخلت طب ولا صيدله مش يمكن كنت افشل او تحصل اى مصيبه والاجابه دى ان شاء الله مش هتتغير بتغير الزمن بل بيزداد احترامى لنفسى ولمهنتى المستقبليه كونى طبيبه بيطريه وانى فخوره بيها بل عندى هدف ان اخلى مصر من اوائل الدول فى الثروه الحيوانيه طبعا بمساعدة ربنا ليا
اسفه للاطاله شكرا دكتور سيد

ياة يادكتور سيد طب الاول متقولنا انت كان اية شعورك
شعورى لما ظهرالتنسيق قولت الحمد لله وهاقلم نفسى على الكلية واحبها علشان انجح فيها
اول يوم فى الكلية كنا بنحارب فى الرمال مبين الكلية القديمة والكلية الجديدة كلن يوم جميل
اول يوم المشرحة مش فاكر بصراحة بس كنت موس فى اولى
على فكرة المشرحة دى نقلناها انا ودفعتى احان اول دفعة اخدنا فيها تشريح كنا فى تانية يمكن الدكتور محمود حامد ومحمد نجيب يفتكروا وعم رمضان وياما اتقلب علينا براميل الفورمالين هههههههههههههههههههههههههههه
اول سنة تالتة قولت يانا ياما هى ونفضت ولا كانى سمعت حاجة وان السنة طبيعية والله ولا حسيت بيها
زيها زى اى سنة
اخر يوم فى تالتة بدا العد التنازلى لينا فى الكلية اه واخر يوم مش روحت رحت معسكر اعداد القادة فى حلوان باقى السنتين انت عارفهم بقى سادكتور سيد
اول يوم فى خامسة بجد دخلت اتفرج على الكلية كان بودعها من اول يوم فى السنة
اخر يوم فى خامسة دة مينفعش يتحكى لازم كل واحد يحس بيه
اه واول يوم فى القوافل قولت ياقاتل يامقتول مسيبتش حالة الا ومسكت فيها وكمان طلعت كل القوافل
وانا جاى اخد شهادة التخرج كنت بستعد علشان اعرف موقف التجنيد جندى مجند يعنى افتكرت الخمس سنين
اللى قضيتهم

اول انترفيو ليا كان فى نوفارتس وبصراحة لو دخلت مليون انترفيو تانى مش هاكون زى الانترفيو دة اتصعدت لغاية الفاينال وكانوا مبسوطين منى قوى هناك
السفر بقى للشغل رحاااااااااااااااااااااااااااااااااااااااااالة مفيش مطب فىكى يامصر فى الفترة بتاعت بداية الشغل والانترفيوهات معديتش علية ولحمد لله ربنا اكرمنا اخر كرم

ربنا يوفقكم كلكم ويوفقنا

السلام عليكم
ليه بس كده يادكتور فكرتنا بايام بنحمد ربنا انها عدت بحلوها ومرها
المهم:- اول ماعرفت ان انا رحت اعلام (اصل انا مكتبتش بيطرى ) اتصدمت اوى لدرجه انه جانى هستيريا مش عشان الكليه بس لا علشان اتسببت فى بكى اغلى الناس عندى (ماما) وفضلت مصدومه انا واللى حواليا كلهم حوالى شهر تقريبا
بس ماما بعدين قالتلى ان كل حاجه قسمه ونصيب وفعلا
اما اول يوم ف الكليه كنت خايفه اوى ومحبطه بس صاحبتى كانت معايا من الثانوى فوقفت جنبى جامد اوى بصراحه وخاصه انى حولت بعد شهرين من الدراسه فى اعلام
اول يوم فى الشرحه كان عادى لانى حسبتها مع نفسى وقلت ماجاتش ع دى يعنى
اما سنه تالته فانا دخلتها عادى لانى اتعودت انى محكم ع الحاجة غير بع ما اعرف كل جوانبهكويس اوى
التوقيع
هكذا تمضى الحقائق والرسوم تقيم
والموت تجلبه الحياه فلو حوى روحا لمات الهيكل المرسوم