قاعدين فى محاضرة............هزار طبعا مقصدش حد

قاعدين في المحاضرة كلنا .
سمعنا صوت واحد مننا .
خلو بالكو دا احنا عندنا دكتور ممرمط اهلنا
كل يوم ينده اسمنا.
ويحطلنا غلط فى ورقنا.
ويخلينا في الهوا ندلدل رجلنا .
خلو بالكو دا احنا عندنا دكتور ممرمط اهلنا
ياما كان نفسنا نجيب امتياز كلنا .
دلوقتي كل ما في وسعنا .
نسلم لله امرنا .
ننجح بس ده كل همنا .
يارب عدي السنة دى وريح قلبنا .
خلو بالكو دا احنا عندنا دكتور ممرمط اهلنا
من المذكرات ذاكرو قلنا .
ومن الميكروسكوبات شوفو عينة .
بنسأله ده ارتيري ولا نيرف ياعمنا .
رد وقلنا حاولو تعتمدوا على نفسكم زينا .
خلو بالكو دا احنا عندنا دكتور ممرمط اهلنا
طول السنة امتحانات على ودننا .
تذاكر ماتذكرش أهو انت وانا .
طالعين بالماده فوق السما .
خلو بالكو دا احنا عندنا دكتور ممرمط اهلنا
بنسهر عالبلايستشن كل يوم مع بعضنا .
لحد ماعملوا ري سيرش يضيق خلقنا .
تجيبوه تاخدو درجة معفنة .
ولو ماجبتهوش يبقى مش هتشوفوا الهنا .
خلو بالكو دا احنا عندنا دكتور ممرمط اهلنا
العيب فينا و في نفسنا .
خايفين ندور على حقنا .
غصب عني بكتب عننا .
ماهو كل يوم يحرق دمنا .
قالولي ممكن ماتطلعش من هنا .
قلتهم ادينا بنعمل خير في اللي بعدنا .
خلو بالكو دا احنا عندنا دكتور ممرمط اهلنا... وعجبى