رساله لاعضاء هيئه التدريس

السلام عليكم ورحمه الله وبركاته
بعد التحيه لحضراتكم اجمعين

طبعا زي ما حضراتكم عارفين ان مواعيد الامتحانات اتقدمت والمناهج لم تنتهي ولم نتعدي نصفها
الوقت ضيق جداجدا واليوم بينتهي بسرعه وكمان مليان وخاصه سنه تالته وده طبعا غير السكاشن والارهاق طول اليوم
انا نفسي اعرف ايه الحل لما تتضغط المحاضرات وتتكوم علينا

انا في صراع بين شبح الامتحانات وهم المذاكره والمناهج اللي مش راضيه تخلص

انا مش بتكلم علشان الحذف او الكلام ده

انا مقتنعه اننا لازم ناخد كل حاجه
لكن فين الوقت وفين العقل والطاقه اللي تحتمل كل المناهج دي
ياااااااااااريت تقولولي حل اقدر اكمل بيه الترم الغريب ده انا وزملائي مش بس ف تالته وكمان كل السنين

احنا بجد تعبنا وياريت الحل ميكونش روتيني بحت
اسالكم الاستجابه والرد
وجزاكم الله خير

السلام عليكم ورحمة الله وبركاتهعندك حق فى كل اللى بتقوليه لكن انا عندى حل بسيط لو فكرتى فى الامتحان وانك ازاى تخلصى مش هاتذاكرى خالص وده مش هاينفع علشان كده حاولى تنسى الامتحان شويه وخليكى فى المذاكره وان شاء الله هانكون معاكم ومش هانسيبكم على قد ما نقدر

وعليكم السلام ورحمه الله وبركاته

متشكره يا دكتور علي الرد

وحضرتك عندك حق انا علي طول بفكر ف الامتحان ومرعوبه جدا لدرجه اني مش قادره امسك الكتاب وبهرب منه باي حاجه لكن والله غصب عني انا نفسي اجيب تقدير كويس السنه دي لكن......................

انا بقي عندي فوبيا من مواد تالته ومحاضرات تالته المنتظره.....

جزاكم الله خير

السلام عليكم

انا عاوزه من كل عضو راي يفيدني ويفيد زملائي

لاننا بجد تعبنا

جزاكم الله خير

انا صراحه بحاول اعمل نفسى مش واخده بالى لانى مش قادره اصدق موضوع ان الامتحانات تتفدم
ده احنا فالايام العاديه كنا بنتمنى يوم زياده
فلو ناويين يقدموها بجد لازم يتصرفوا احنا لسه بدرى جدا ع ما نخلص المحاضرات الا اذا لو ناويين يقسموا السنه ع 3 ترمات واحنا فاضيين مورناش حاجه غيرهم
ربنا يستر

السلام عليكم
لا كده يا وسام انتي بتهربي من الواقع وده مش حل ابدا
انا عاوزه حل موضوعي

ومتشكره علي الرد

[i]السلام عليكم

انا مش عارفه اشكر حضرتك ازاي علي النصايح الغاليه دي وان شاء الله حنفذها واعمل بيها بس ده طبعا بمساعدتكم وتحفيزكم لينا

وربنا يوفقك يارب يا دكتور ويوقف معاك زي ما انتم دايما معانا ومساعدينا

وجزاكم الله الف خير

الف شكر

ياعم عادى عيشوا حياتكو وهتنجحوا مش لازم يعنى تقطعوا الكتب وتاكلوا المذكرات زى كل سنه ما بتقولوا كدا ولا حد فيكو بيشيله ماده ع فكرة انا حاقد اوى ههههههههههههههههههههههه

السلام عليكم و رحمة الله

فيه فارق كبير بين المذاكرة للأمتحان و انك تقرئي هذا الكم الكبير للأمتحان
بمعنى
حاولي تركزي على النقط الهامة اللى بتبقى مصدر سؤال
أو بتتكرر في الأمتحانات

و الله الموفق

د.حازم شاهين
قسم الفارماكولوجيا

السلام عليكم ورحمه الله

متشكره لرد حضرتك د/حازم وانا ان شاء الله حعمل كده فعلا او بدات في كده

ومتشكره لملك روحي بس انا فعلا في تالته مش لسه حدخلها يعني معاكي في الدفعه

وربنا يكرمكم اجمعين

جزاكم الله كل خير

In the Name of Allah,
First of all, I want to say many thanks for all of you. nice website.
For all, I am assistant lecturer in forensic medicine and toxicology department, Faculty of Veterinary medicine-Qena.
My name is Seddik Kheyamy Hammad, Now I am trying to finish my PhD in Germany.
About exams, here in Germany there is no problem called swine flu despite there are about 2000 child infected with this virus. I donot know why in Egypt ..... there is a big problem.
I will pray to all of you, inorder to pass your exams.
Allah with you
Seddik

اعتقد ان سنة تالتة لم تعد مشكلة كبيرة زي زمان لانه كان من الصعب حصول الطالب على تقديرات مرتفعة زي دلوقت ...لانه كان مستحيل ان الطالب يحصل مثلا على تقدير الامتياز........انا عاوز اقول ان سنة تالتة محتاجة لنوع من التنظيم والهدوء النفسي بدون الاستماع للتهويل من الاخرين .....ودائما المذاكرة تكون بغرض ارضاء الضمير والواجب .........وبأذن الله ربنا يساعد ويوفق الجميع في الامتحانات
وانا كمان بسلم على الدكتور صديق خيامي وعلى كل المشاركين في الرد

علي فكره يا دكتوره المشكله في الموضوع كله ان الناس مش بتحاول تفهم بس عايزيين يحفظوا علشان كده انا اعتقد الحل انه احنا نفهم الموضوعات كويس ونزاكر ونعمل اللي علينا وسيبي الباقي علي ربنا وربنا عارف اللي تعب من اللي متعبش ارجو اني اكون افدك وشكرا

علي فكره يا دكتوره المشكله في الموضوع كله ان الناس مش بتحاول تفهم بس عايزيين يحفظوا علشان كده انا اعتقد الحل انه احنا نفهم الموضوعات كويس ونزاكر ونعمل اللي علينا وسيبي الباقي علي ربنا وربنا عارف اللي تعب من اللي متعبش ارجو اني اكون افدك وشكرا

علي فكره يا دكتوره المشكله في الموضوع كله ان الناس مش بتحاول تفهم بس عايزيين يحفظوا علشان كده انا اعتقد الحل انه احنا نفهم الموضوعات كويس ونزاكر ونعمل اللي علينا وسيبي الباقي علي ربنا وربنا عارف اللي تعب من اللي متعبش ارجو اني اكون افدك وشكرا