هو فين الكافيتيريا السنة دي؟؟؟؟

السلام عليكم
فين يا اخوانا الكافيتيريا السنة دي؟؟ولا حتي دي كترت ع الكلية؟؟؟

ازيك يا دكتور محمد طبعا المنتدى منور بسيادتك
بالنسبه للكافتيريا على حد علمى انه المفروض يكون فى مناقصه بتتعمل على مستوى الجامعه والى بياخدها بيتحكم فى كل الكليات فى الجامعه كلها والغريب انى الراجل بتاع الكافتريا فعلا ظهر اليومين الى فاتوا بس هل المناقصه رست عليه ولا لا ده الى معرفهوش

بلاش يا دكتور تفكرنا اصلنا خلاص ع اخرنا
اصل حضرتك مش عارف ان فى ناس فى ادارة الكليه شايفه ان الكافتيريا ديه غلط
وووجودها بيساعد ع الفساد(هو احنا برده لا سمح الله بتوع كده)
وكمان رابطين لينا الحمير فالمكان اللى بنقعود فيه تحت الظل عشان محدش يقعد هناك
بس هما مين احنا دماغنا ناشفه جدااااااااااااااااااااااا
ربنا يستر ومحدش من الاداره يدخل ويشوف كلامى ده واخد البكالوريوس ع 2020
ربنا يستر بس بجد حاجه تخنق وانا متاكده اننا لو سالنا هيطلعو لينا حجه من تحت الارض !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انا عارف الكلام ده يا اخي العزيز بس يعني هي دي الكلية اليتيمة ف الجامعة ما كل الكافتيريات شغالة ولا هنا الطلبة مش زي الطلبة ولا الناس مش زي الناس؟؟؟

مش تقلقي يا اخت وسام هتتخرجي السنة دي بس شدي حيلك
الكافتيريا لو للغرض اللي احنا فاهمينه مش غلط او عيب لكن فيه اشخاص بيعملوا تصرفات تانية والكل عارف كده

د.محمد صلاح لو هيا فعلا مناقصه وواحد بياخدها للجامعه كلها
طيب ما كافتيرية اداب وتجاره شغاله فالجامعه عادى ومن زمان كمان
ولا الراجل شايفنا جايين عليه بخساره رغم انه بيكسب مننا دهب كفايه الراجل بتاع التصوير اللى بيصور الورقه ب 10 قروش وبره بتتصور باقل من كده بكتير يعنى بنتنهب وساكينن وبناخد ع دماغنا كمان

الكافتيريا ممنوع!!!!!!!!!!!!!!!!!!!!!!!!!!!!!!!!!!!!!!!

السلام عليكم
الحسنه تخص والسيئه تعم يا وسام

اما بالنسبه للكافتيريا فاحنا نعمل في صمت لان الجامعه قالت كفايه عليهم لقب دكتور
وكمان زياده في الاحتياط نحدفهم بعيييييد بتوع الحمير دول

وزياده اكتر نخلي الحمير تقعد في الاماكن اللي بتقعد فيها الطلبه
وخلي حد يتكلم من الطلبه دول"قصدي الدكاتره"

وشكرا

wessam كتب:بلاش يا دكتور تفكرنا اصلنا خلاص ع اخرنا
اصل حضرتك مش عارف ان فى ناس فى ادارة الكليه شايفه ان الكافتيريا ديه غلط
وووجودها بيساعد ع الفساد(هو احنا برده لا سمح الله بتوع كده)
وكمان رابطين لينا الحمير فالمكان اللى بنقعود فيه تحت الظل عشان محدش يقعد هناك
بس هما مين احنا دماغنا ناشفه جدااااااااااااااااااااااا
ربنا يستر ومحدش من الاداره يدخل ويشوف كلامى ده واخد البكالوريوس ع 2020
ربنا يستر بس بجد حاجه تخنق وانا متاكده اننا لو سالنا هيطلعو لينا حجه من تحت الارض !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

د وسام الكلام ده هيودينا فى داهيه
الكليه وليها سياستها فى إستخدام الحمير
يا ريت نهدى
ههههههههههههههههههههه
ونفكر فى الحمير شويه

يا جماعه انتم بتتكلم عن موضوع الكافتيريا بتاعة كليتنا ده كانه لا سمح الله فيه حاجه غلط
هو انتم فاكرين ان ديه كافتيريا ده دكان بقاله وفاشل كمان يعنى مفيش اى حاجه تمنعه
واما موضوع الاسعار السياحيه فهو لو ناوى ع كده يبقى ميفتحهاش احسن
ويوفر تعبه

كل يغنى على ليلاه


بس احسن فى عيون هنا


والله اقول للعميد واكسب بونت

ههههههههههههههههههههههههههههههههههههههههههه


مالها الحمير اولى طبعا
حقوق الحيوان ايه يا دكاترة نسيتوا ولا ايه


والكافتيريا تساعد على الفشل

السلام عليكم
مش عارف السبب الحقيقي ايه... بس لو هو موضوع الالفات الكتير اللي قلتوا عليها مطلوبة منه المفروض يملأ الكافيتريا باحتياجات الطلبة فعلا وبصراحة كافتريا بيطري لا تستاهل 13 الف ولا 31 الف هي كتر عليها 5 الاف اما موضوع الاسعار سياحية يبقي بلاش يفتح لان الطلبة خلاص عارفين السكة للمحلات اللي قدام البنك يبقي لو هو فتح مش هيبيع حاجة
ويعني خلاص الكلية كاملة من كله وناقصة الكافتيريا يلا بجملة النقص الصراحة كفاية الكولديرات ده ف حد ذاته انجااااااااااااااااااااز اهو خفف الضغط شوية علي الاوفيس بتاع عم رمضان
اما بخصوص الفشل الكافتريا دي اسم وبس اللي عاوز يشوف يروح جامعة بجد ويتفرج ويشوف قصدي يتفرج ويفشل اما دي مش تخافوا مش هتفشلوا ولا حاجة بس يفتحوها بالمعقول

لا اوفيس عم رمضان ده حاجه تانيه يا د.محمد
واللى مش هيروح لعم رمضان بعد موضوع الكولديرات ده يبقى بتاع مصلحته
هو احنا نقدر نستغنى عن عم رمضان
ده حجر الاساس هناك ربنا يخليه لنا يارب

عم رمضان ده بركتنا ده انا بفرح لما بشوفه كل المطلوب علبة بسكوت وشوية كانز وكرتونة شيبسى مش طالبين باتون ساليه ولا كرواسون مش كفايه محدوفين فى آخر الجامعه كمان هنموت من الجوع ده يبقى منفى ثم ان مين الفاضى اللى هيقعد يحكى مع بنت ولا ولد ده الواحد بيطلع من السكشن يدخل على المحاضره ويرجع على السكشن ويروح بيتهم فاصل مفيهوش دماغ يحكى مع ابوه وامه اصلا كليتنا دى عايزه شغل مش حكاوى بعد كده يوفروا وقتهم ومحدش يجتمع بينا ويقلنا جوده وتطوير وكلام فاضى

السلام عليكم ورحمة الله وبركاتة
اولا انا بجد فرحان بالمنتدى ومجهودكم فية ومبسوط كمان بوجود دكتور محمد عبدالهادى ودكتور سيد مقدام ودكتور محمد صلاح وكل زمايل الكلية
تانى حاجة انا بس بفكر الدكتور محمد ودكتور صلاح بالكلية دى فى 2004 كانت عاملة ازاى انتوا فى جنة
محضرتوش ايام الكلية لما كنت وسط حفرة كبيرة ولما كنا نمشى فى الرمل وننزل تحت ومكنش فى مية
ومكنش كمان فى محلات حوالينا دا بالاضافة للمشوار اليومى فى الرملة (مكنش فى اسفلت ايامنا على فكرة ههههههههه)والبنات لما كانت تقع فى الرملة فى السكة وعم مصطفى دة سواق الاسعاف اللى كنا واخدين نمرتة لانة لغاية منبلغ الكلية ونتصل والاسعاف تلف من برة يكون اللى اغمى علية مات مش من الاغماء لا الشمس تحرقة
بس بجد بحب اطمنكم وخصوصا انت ياعلى ابنك هيلاقى الجامعة احلى من دلوقت بكتير (دا هيكون باقى الجامعات الطلبة بتنزل من الطيرات واحنا هيسمحوا بدخول التوك توك فى الجامعة)

انا شوفت مخطط الجامعة على فكرة ررررررررررررررررررررهيب اللى يبقى يحضر النهاية بتاعت الماكيت اللى انا شفتة يبقى يقولى لو كنت عايش ولو مت ابقوا حطوا الصورة على قبرى وربنا يديلنا ويديلكم طولة العمر

اليكم اخر الاخبار
بعد الحسد والقر اللى عملاناه امبارح فى الموضوع ده ع كافتريا اداب وتجاره
وطبعا انتم عارفين ان بيطرى سرها باتع
كافتيريا اداب وتجاره خلاص بتفنش عشان اصحابها هيسيبو الجامعه لان رئيس الجامعه طالب منهم فلوس كتير الكافتيريا مش هتجيبها وقرروا ينقلو للمعهد
فبالمنظر ده احنا مقدمناش غير حلين
اولا :كل واحد يجيب سندوتشاته معاه ونعمل اكتفاء ذاتى
او نحول ع المعهد عشان نقدر نتغذى كويس
وبجد بركتنا حليت ع الجامعه وخربنا ليهم الكافتريا
وديه اخرة اللى يجيى ع بتوع بيطرى الغلابه

لية دة كلة الحل بسيط اوى وعملناه لما جبنا الكافتيريا اول مرة
لما كانت تحت المظلة اللى احنا كنا واخدينها ولامؤاخذة
بوضع اليد من الحمير والحيوانات ههههههههههههههه
استاذنوا من الدكتور عبداللطيف وروحوا لرئيس الجامعة
استموتوا هناك قولوا العيال بتاكل بعض اخر اليوم
ومسكوا عيل بتاكل عينات المشرحة
ومش هاوصيكم بقى تروحوا هدومكم مقطعة وعندكم جفاف
وخدوا معاكم واحد على بطنة حجر وبيقول احد احد
وان شاء الله خير

السلام عليكم
بصراحة بتوع بيطري دول سرهم باتع
يوم الخميس وده يدوب بعد يوم واحد من اثارة موضوع الكافيتريا كنت ف الجامعة ولقيت الكافيتيرات كلها بتعزل

ده تطبيق مبدأ المساواة ف الظلم عدل
يلا كده يا اخواني واخواتي شباب كلية الطب البيطري نثير كل المواضيع علشان ف القريب العاجل يعملوا فيها زي ما عملوا ف موضوع الكافيتريا
ويجعله عامر ان شاء الله

الحمد لله الواحد اتخرج بس عل فكرة احب اقولكو ع حاجه تضحك الواحد كان بيصحى الصبح وياخد معاه سندوتشات المدرسة اللى كانو بيعملوهالنا ايام المدارس واروح بيها مدرسة الطب البيطرى قصدى الكلية وكنت بفكر وقتها اخد زمزمية اونو واللى عاشت معايا احلى سنين عمرى من الابتدائى بس خفت اصحابى يتريقوا عليا ونصيحه لو حبيتوا تعملوا الفكرة دى انصحكو تحطو السندوتشات جوه كيس اسود من ابو خمس قروش من السوق الفوقانى وكمان متقولوش عليها لحد لانى مفيش مرة اخدت معايا سندوتشات واكلت منها حاجه وبالنسبة للمية او البيبس انصحكو بالصيام وربنا عنده خير الثواب