هل انت مزدوج الشخصيه؟؟؟؟

السلام عليكم ورحمه الله وبركاته
كثيرون منا له شخصيته المستقله والتي دائما يعتز بها رغم علمه ويقينه بعيوبها

ولكن هل كلنا نتعامل بشخصيه واحده في اي مكان ام لكل مكان شخصيه؟؟؟

فهناك من يرسم لنفسه شخصيه معينه مثلا ف الكليه وشخصيه اخري في بيته وهذه الاصل لامحاله

فهل تجد نفسك في تعدد الشخصيات ام تجد نفسك متكلفا في فعل ذلك ؟؟

وهل انت مستقل الشخصيه ؟ام منساق وراء الاخرين؟
ان وجدت في نفسك الجراه علي تحليل شخصيتك
حاول ان تجد لهذه الاسئله اجوبه ولو في نفسك

ارجو من حضراتكم الرد والمتابعه
وشكرا

حوار  لذيذ
بس  هل  ده  معناه  يعني  أن  الشخص  ده  ممكن  يكون عنده  أنفصام  يعني
أنا  عن  نفسي  ليه  شخصيه مستقله افرضها   على كل  البشر
بس  فيه  تعاملات بتخلف من شخص  لاخر
بس

السلام عليكم
اولا شكرا علي الرد يا دكتور
ثانيا انا مش بتكلم عن انفصام الشخصيه لان انفصام الشخصيه مرض الانسان ملوش يد فيه انا اقصد ازدواج الشخصيه مع علم صاحب الشخصيه بهذا الازدواج وبمعني اوضح هو اللي بيعمل الازدواج ده
بس السؤال هل شخصيتك بره البيت هي نفسها جوه البيت ولا في شويه تجميل؟؟؟

هيا المساله مش مسالة ازدواج الموضوع وما فيه اننا بنتعامل مع كل واحد ع حسب اسلوبه يعنى مستحيل اعامل بابا فى البيت زى ما هعامل زمايلى فالكليه وفى نفس الزمايل والاصحاب فى معاملات مختلفه لانك بتبقى عارف اسلوب كل واحد فعلشان كده بتطلع شخصيه مختلفه لكن لو فكرنا شويه هنلاقيها كلها بتشترك فحاجه واحده وهيا انها طالعه منك انت وبتحمل افكارك انت وتطلعاتك للمستقبل وتحمل ايضا اخطاء الماضى

السلام عليكمانا ا اتفق معاك يا د وسام لان الواحد منا بيتعامل مع المواقف حسب ما يتطلب الموضوع يعنى ممكن تلاقى الواحد جوه الكليه انسان وفى البلد اللى كبر فيها انسان تانى وعند اللزوم واحد تانى خالص يمكن هو نفسه ما يعرفوش لكن فى النهايه كل الوجوه دى لها اصل ثابت وهى القيم اللى انت اتربيت عليها

السلام عليكم
اولا شكرا علي الرد
ثانيا الظاهر ان الموضوع اتفهم من زاويه تاني
انا مكنتش اقصد اللي دكتور سيد ووسام افتكروه
انا اقصد في الموضوع ان الواحد منا المفروض يكون بالشخصيه اللي اتربي عليها وحاسس انها ذاته وكيانه مش شخصيه متردده وهوائيه ومنساقه وراء الانبهار بالشخصيات الاخري التي ربما تكون قناع لشخصيه غير سويه
ياريت تكونو فهمتو قصدي
والسلام عليكم وجزاكم الله كل خير

طبعا اى انسان فى الدنيا دى بيتعامل بازدواجيه فى جميع الصفات وردود الافعال بقصد منا او من خلال العقل الباطن لدى كل واحد فينا لانى ببساطة كل انسان فيه وجوه للصفة الواحده باشكال متعدده وعلى رأى المثل تحت السواهى دواهى بس الشخصية اللى بتضح هوا سيادة الغالب من وجوه تلك الاشكال للصفة الواحده فى طبيعته الحياتيه ودا على حد ثقافتى وعلى حد علمى المتواضعه اصلى انا قارى علم نفس كتيييييييييييييير وحبه هشد ف شعرى هههههههههههههههه